ساعات بكون عايز أتكلم و أقول حاجات كتير لكن من قبل ما أخلص حتى كلام بكون ماسح الرساله أو مبطل كلام و أغير الموضوع
لكن المشكلة انو بيبقى كلام صادق فعلاً بيبقى كلام فعلاً ولا كأنو محبوس فى صندوق مقفول بأقفال من كتر صعوبة فتحه أُتخذ كحافظ لكنوز .
بتعمل أى فى الوقت ده ؟
قول اللى انت عاوزو اين كان بس ساعتها هترتاح الكتمان دا ديما ناتج عن خوف سواء بقه خوف من رده الفعل أو مش حابب الموضوع يكبر والأسباب كتير بس شعور الكتمان وان ديما فى حاجات كتير عاوز تقولها ومش عارف دا صعب الاسهل واللى نتيجته عمرها ما هتكون اصعب من الكتمان أنك تقول اللى جواك
تم النشر السبت، ٢٢ يوليو ٢٠٢٣
لو بتفكر فى رد الفعل فبتمسح الرسالة او بتبقي مش عاوز الشخص يناقشك فى محتوى الرسالة اصلا وعاوز انه بس يسمع منك الفضفضة دى وضحله ده فى اول الرسالة ...قوله مش عاوز رد ولا حاجة ...انا بس كنت حابب افضفض معاك عشان انت حد مهم عندى وقريب. انا عن نفسي بعمل كده ومش بمسح الرسالة ولا حاجة. الحركة دى وحشة وبتخلى الواحد مخنوق . ممكن تكتب وتبعت لنفسك بدل ما تبعت لحد ...المهم متكتمش اللى عاوز تطلعه .
تم النشر السبت، ٢٢ يوليو ٢٠٢٣
في الحالة ديه بتكلم مع نفسي صراحةً .. يعني لو مش حابه اتكلم مع حد، او ممكن اعوز فعلا اتكلم مع حد وممكن ع اخر لحظة اغير رأي .. بكتب الكلام ده لنفسي ...
تم النشر السبت، ٢٢ يوليو ٢٠٢٣
بص ي غالى صلِّ على النبي عليه الصلاة والسلام فى الاول لما تحب تتكلم عندك رب الناس اتوضأ صلِّ ركعتين وانت ساجد احكى كل حاجة واحكيها حتى لو بالعامية اشكى همومك لربنا بس انا او غيري مش هنفعك بحاجة عندك رب العباد تسأله وتشكيله وتطلب منه وجزاك الله كل خير
تم النشر الجمعة، ٢١ يوليو ٢٠٢٣
هيفضل محبوس في صندوق لأن حتي لو حكيت مش هحكي كل حاجه أو كل اللي بقوله بيني وبين نفسي هحتفظ بحاجات لنفسي الطبيعي نكون صادقين بس حتي الصدق بحساب مش هكذب ولا هألف بس مش هقول كل حاجه لأن مش بحب كل اللي جوايا يكون مقروءه أو معروف فبختار طريق أسهل أقفل عليه علشان أنهي حاله التردد دي
تم النشر السبت، ٢٢ يوليو ٢٠٢٣
المشكلة دي عندي فأشك إذا كان كلامي هيفيد بس ممكن تبدأ بأنك تقول الكلام بينك و بين ربنا و بعدها بينك و بين نفسك و بعدها ممكن تكتبه فنوت مثلا واحدة واحدة تختار اقرب شخص ليك و فلحظة إن شاء الله تجرب تبعتله طبعا عارفة أنه صعب بس احيانا بييجي وقت ربنا بيدينا فيه طاقة أن احنا ناخد الريسك كده و بعدها شوف هتحس بايه لو ارتحت بعد م اتكلمت هتعرف بعد كده تتكلم إن شاء الله واحدة واحدة و متاخدش قرار بناء ع رد صاحبك المهم احساسك بعد م تحكي لأنه مش دايما الناس بتحس باللي حاسين بيه أو يعرفو يحطو نفسهم مكاننا و لو فهمت سؤالك غلط فآسفة ع تضييع وقتك ربنا يريح بالك
تم النشر السبت، ٢٢ يوليو ٢٠٢٣
أحسن حد تكلم معاه هو ربنا، ممكن تحس إنه مش سامعك وإن مفيش حاجه إتغيرت بس صدقني هترتاح، متتكلمش مع حد لأن هو مش هيقدر هيفهمك مهما إتكلمت وبالنسباله وبينه وبينه نفسه هيشوف مشكلتك تافهه، أنا زيك بالظبط بس بقيت بسيب كُل حاجه ع ربنا وساعتها بتحس بالراحه والرضا ♥
تم النشر السبت، ٢٢ يوليو ٢٠٢٣
لازم تتكلم و تطلع كل الي جواك لان السكوت الكتير او السكوت عموما شئ سئ و اهم حاجة انك تتكلم وتقول رايك وتوقف اي حاجه انت مش عاجباك او عندك وجهه نظر معينه لازم تقولها ولازم تحترم كمان اذا لو انت بتتكلم مع شخص على الوتس بينك وبينه وانت خايف او متردد من انك تبعت الرساله دي انا غالبا لما بتعرض لموقف زي ده بقفل النت وابدا اتكلم كل اللي في بالي وفيما بعد كده ابقى افتح النت يوصلوا ويقرا الشخص ده من غير ما اتردد ده كان زمان لما كنت لسه بتكسف او بتحرج من ان انا ابعت رسائل للشخص ده اما دلوقتي فانا لازم اتكلم انا شويه واين يكن مين الشخص اللي بيتكلم يسكت ويسمعني شويه يعني انا اتكلم شويه وهو يسمع شويه وادي حاجه لازم تحصل ولما اتكلم في النقطه اللي انا عايزه اتكلم فيها لازم يستناني لحد اما اخلص كلامي كله علشان يفهم اللي انا عايزه اقوله بالظبط غير كده بجد ما اقدرش اسكت فنصيحه ما تترددش كثير قوي ما فيش اي حاجه اصلا محتاجه ان احنا نفكر قبل ما نعملها وايه يعني لما نتكلم على طول وبعفويه ونقول اللي في قلبنا كله ايه يعني هنخسر ايه هنخسر الاخره مثلا. سوري بس دي وجهة نظر م اكتر..
تم النشر السبت، ٢٢ يوليو ٢٠٢٣
هاتتكلم كتير ويمكن هتتكلم مع اقرب الناس ليك علشان انت محتاج حد يسمعك بس بعد ماتخلص هتحس نفسك تقيل وبقيت مصدر إزعاج وشكوي للناس اللي حواليك بس وكمان محدش ليه القدره على نفعك ولا ضررك الابإذن الله طيب مانروح لله على طول أفضل وأجمل حل انك تروح لربنا على طول في الليل والناس كلها نايمين اتوضي وصلي ركعتين لله وسلم واتكلم بقى في كل حاجه عمرك ماهتلاقي حد عارفك وفاهمك ومش محتاج تبرر قدامه ولا تدور على كلام لحسن يفهمك غلط لا ده عارف كل تفاصيل ومستنيك تكلمه وعيط وقول كل اللي عندك صدقني هتحس براحه غريبه وهتحس بعدها ان ماحدش في الدنيا ينفع تكلمه وتشكيله غير ربنا
تم النشر السبت، ٢٢ يوليو ٢٠٢٣
أحسن حد تكلم معاه هو ربنا، ممكن تحس إنه مش سامعك وإن مفيش حاجه إتغيرت بس صدقني هترتاح، متتكلمش مع حد لأن هو مش هيقدر هيفهمك مهما إتكلمت وبالنسباله وبينه وبينه نفسه هيشوف مشكلتك تافهه، أنا زيك بالظبط بس بقيت بسيب كُل حاجه ع ربنا وساعتها بتحس بالراحه والرضا ♥
تم النشر السبت، ٢٢ يوليو ٢٠٢٣
لعرض السؤال في فدني اضغط هنا