كيف اتخلص من الخوف من المستقبل والخوف من الفشل؟
شكرا لحضرتك على المشاركة الخوف بيكون من الماضي من حاجة معلومة عندي عارفه عنها او في ذكريات معاها اما اللي بيحصل معاك بيكون قلق من المستقبل حاجة مجهولة والقلق ممكن نتعامل معاه طبعا بعد الاستعانه بالله اما الخوف من الفشل في أمرين لو هوا معطلني عن التجربه اصلا ولا أنا جربت ففشلت ؟
تم النشر الاثنين، ٥ فبراير ٢٠٢٤
بان الواحد يتكلم في المشكلة ويخصص المخاوف اللي بيخاف منها يعني مثلا بيخاف من ايه وايه؟ تاني شئ : المستقبل في الاول وف الاخر بايد الله سبحانه وتعالى، اه ممكن نعمل حسابنا في عدة اشياء بسيطة، بتوقعنا برضه. ولكن منقدرش نتحكم فيه بصورة كلية او 100%. اما الفشل: انت لازم تفشل كده كده؟ امال الواحد هيتعلم ازاي؟ عمرك شوفت واحد بيتعلم من الصح؟ احنا بنتعلم من اخطائنا .. علشان نعرف نردكها كويس، ونعرف نتصرف صح بعدها. على سبيل المثال .. لو انت فشلت في تجربة ما، طريقتك مع فشلك ده مهمه اوي .. هل بتقول لنفسك انا فاشل انا عمري ما هعمل حاجه صح، انا عمري ما هنجح!!! ما هي لو ديه طريقتك تبقى اكبر كارثة .. لانك بتعمم وبتعمل عميلة تضخم للمشكلة .. وتخلي نفسك هي المشكلة نفسها! يعني لو بتعامل اهلك وحش ديه طبعا معصية كبيرة وربنا نهى عنها، ولكن هل كفرت بالله؟ اكيد لا، ف احنا هنا حددنا المشكلة بعينها وانك عصيت ربنا علشان عملت شئ معين .. ولكن انت مؤمن عادي بربنا. ف الحل ايه؟ اننا نحدد المشكلة، وبعدين نشوف ايه لاخطأ اللي احنا عملناه .. هل الطريقة مكانتش مناسبة ؟ طيب هل اتسرعت في شئ معين؟ طيب م ممكن ناخد رأي خبير مثلا في شئ معين؟ كل ده هيفيدك انك تعرف خطأك فين علشان تعرف تعالجه .. وافشل من دلوقتي علشان تنجح بعدين. وبالتوفيق
تم النشر الاثنين، ٥ فبراير ٢٠٢٤
اول ما تبدأ تيجي الأفكار والخوف من المستقبل شوف اي حاجه تعملها اخرج اقعد مع حد بتحب تقعد معاه ....خطط للمستقبل ماشي ..بس فوض امرك لله ومش تقلق وتفكر كتير
تم النشر الجمعة، ٩ فبراير ٢٠٢٤
اجمل حاجه واجمل رد وافوض امري الي الله سيب الحجات دي لربنا علشان انت مش ضامن حياتك هتضمن مستقبلك يا جدع التوكل علي الله
تم النشر الأربعاء، ٧ فبراير ٢٠٢٤
لعرض السؤال في فدني اضغط هنا