السلام عليكم اخواتي
انا دايما مش مرتاحه ف جنسي و حاسه دايما اني من الجنس الآخر مع أن مفييش حاجه غلط بس دايما بكتئب بسبب الموضوع دا و مش يلاقي حد اتكلم معاه و مش عايزه اتجوز واحد زي باقي البنات ودايما برتاح ف تصرفاتي ولبسي كولد اكتر و مش عايزه اكمل باقي حياتي ف جنسي و مش عارفه اقول لأهلي إني محتاجه طبيب نفسي لإن هم مش بيهتمو بالحاجات دي ف ياريت اللي عنده اي فكره يعرف يفيدني
السلام عليكم ورحمه الله وبركاته. طيب احنا هنا السؤال عايزين نتكلم على منبع السؤال قبل ما نبدأ نتكلم في تفاصيله فمنبع السؤال ده فيه احتمالين في احتمال ان احنا متطلعين بشكل كبير وباصين اكثر وبنشوف محتوى اكثر سواء محتوى مقروء او مسموع او ايا كان شكله او بنحتك حتى بشخصيات هم من ثقافات غربيه غير إسلاميه وهنا ده بيخلينا تدخل لنا أفكار يعني ممكن تكون بعيده تماما عن الافكار الصح او الفطره الصحيحه اللي ربنا خلقنا عليها ده واحد من الاحتمالات انه يكون ده منبع الحاصل ده أو ممكن الاحتمال الثاني ان احنا نكون جوه بيتنا مع الاب والام نشأ جوانا منذ الطفوله كره شديد للجنس الحالي اللي احنا فيه فاحنا مش حابين ان احنا نكون بنات ليه عشان خاطر التعامل بتاع الاب او الام خلانا ما نحسش انه احنا عندنا ميزه بل بالعكس البنات دول يعني حاجه ملهاش لازمه او الحياه ضيقه بالنسبه لهم أو كان فيه دايما انتقاد لأي شكل من اشكال الانوثه او اي تصرفات بناتي بتتعمل كان عليها انتقادات كثير او علامات كثير فلذلك احنا بدأنا خلاص نكره الجنس الحالي بتاعنا اللي هو إن أنا بنت نعمل ايه في الحالتين وسواء احنا عندنا بقى ممكن يكون في احتمال ثالث ان احنا عندنا الاثنين يعني الاثنين الاثنين من المسببات موجوده والاثنين هم اللي خلقوا الحاله الحاليه دي نعمل ايه بقى اللي احنا محتاجين نعمله اهم حاجه هو ان احنا نبدأ ناخذ معلومات صحيحه. ولو في الشق اللي له علاقه بالاهل ده محتاج تتابع كده في العلاج النفسي او الدعم النفسي عموما مش لازم يكون علاج يعني عند طبيب لانه الموضوع هنا موضوع افكار بشكل كبير جدا فنقدر نتعامل مع أي أخصائي. ونبدأ نتعالج من النقطه دي اللي كان مسببها تصرفات الاهل اللي هي تعتبر واحده من صدمات الطفوله في علم النفس.
تم النشر السبت، ١٢ أبريل ٢٠٢٥
لعرض السؤال في فدني اضغط هنا