السلام عليكم
انا شخص عنده قدره غير عاديه في ان ابوظ اي علاقه بيني و بين اي حد.
اي علاقه دخلتها العامل المشترك في انتهاء العلاقه دي هيا انا بكون مش مصدق او مستوعب ان في حد معايا ممكن ان هو بيحبني او كدا.
انا عارف ان متحبش عارف ان دماغي و اهتمامتي مختلفه مش بلاقي حد بالسهل في حجات مشتركه بينا و لما بلاقيه ببوظ الدنيا في اسرع ما يمكن
مع ان بدايتي في اي علاقه ان اكون داعم نفسي للشخص الي قدامي بكل طريقه ممكنه بس باجي عند نقطه ان ببقي محتاج اشوف نفسي من عيون او اهتمام الشخص المقابل.
مش عارف بقي بيكون اقل من توقعي او ايه السبب المهم ان بتقفل منه.
بس بعد كدا برجع اراجع نفسي و اقول مافيش الا هو اصلا في الف سؤال و سؤال في دماغي
انا تعبت من نفسي بقيت اخاف ان اخش اي علاقه علشان عاؤف نهايتها هتكون عامله ازاى
و بعدين مش خوف بس من العلاقه
الاكتر بقي ان بترفض من الكل
رفض بكميه رهيبه
انا عايز اكون طبيعي علشان اعرف اخطب تاني او علي الاقل ان اتقبل
عارف ان وجودى مالوش لازمه في حياه حد غير في حاجات معينه بيكونوا محتاجينها غير كدا انا بكون علي الرف مش اكتر
انا اسف ان طولت و يمكن قولت كلام كتير ملوش لازمه
بص هو الروح اللى انت بتبقي داخل بيها دى انك شخصية صعبة ..هى السبب الاكبر...ده توقع واستباق كأنك بتحط النهاية من البداية. ده بيخليك لا شعوريا يظهر منك فعلا حاجات لا تطاق والعلاقة تبوظ. انت انسان عادى بمميزات وعيوب ....فى ناس هتشوف عيوبك عاديه وناس تانيه هتشوفها كارثية وده اللى هيخلى شخصيتك فى نظرهم صعبه. انت بقي تنسي موضوع صعبه وسهله ....لان ده هيتلاشي تماما بالتخص لما انت تتقبل نفسك زى ما هى بكل ما فيها....حتى بتجاربك فى العلاقات اللى منجحتش انها تكمل . متستكترش حاجة على نفسك ...انا عارفه ان الاحساس ده غصب عنك واكيد نابع من انك اهلك كانوا بيحسسوك انك بسبب افعالك متستاهلش حد يحبك.....امسحها فيا انا 😁....الاهل على نياتهم بس ومش قصدهم كده وبيحبوك بردوا بس كانوا بيوجهوا بطريقة غلط.
تم النشر الاثنين، ٢٤ يوليو ٢٠٢٣
في الحقيقة لازم تتشاف.. محتاج تروح ل اخصائي نفسي.. ولكن خلينا نتكلم في عدة نقاط.. من امتى حصل معاك اللغبطة ديه كلها؟ ليه شايف انك لا تستحق ان حد يكون معاك ويحبك؟ هل بتحس دايما بالقلق في اي علاقة؟ حاسس انك ممكن تتساب في اي وقت؟ علشان كده انت بتاخد الخطوة الاولى ف انك تسيب؟ هل حصل موقف زي كده زمان؟ علاقتك بوالدتك او والدك عامله ازاي؟
تم النشر الأحد، ٢٣ يوليو ٢٠٢٣
الحل انك تحاول تقعد مع نفسك وتشوف المشكله بسبب ايه ممكن تكون قله ثقه أو علاقه قديمه خلتك مهزوز الشخصيه او الخ ....وتحاول تصلح دل
تم النشر السبت، ٢٢ يوليو ٢٠٢٣
مش عارفة اجاوبك ازاي و انا عندي نفس المشكلة لدرجة حساني أن انا ال بتكلم بس ال اقدر اقولهولك اول حاجة تثق فنفسك و فإن اكيد وجودك فارق ف حياة اي حد لازم تكون واثق من ده عشان الناس كمان تقدرك تاني حاجة بقى و ده الكلام ال بقوله لنفسي أن مسألة شريك حياتك بالذات بتكون كلها تدابير من عند ربنا قدر و مكتوب فلما تلاقي نفسك بتسيب أشخاص و انت مش فاهم ده ليه و ايه ال بيحصل اعرف أن ربنا شايلك الشخص الأنسب و الاحسن ليك ال يستحق يكمل حياته معاك فثق ف تدابير الله و متكملش غير مع الشخص ال تكون بتحبه و حاسس بأعلى درجات القبول اتجاهه و ربنا يوفقك يارب 💜
تم النشر السبت، ٢٢ يوليو ٢٠٢٣
اتوجه ل اخصائى علاقات هيفيدك كتير
تم النشر الأحد، ٢٣ يوليو ٢٠٢٣
شكرا علي نصيحتك هجرب التطبيق ان شاء الله
تم النشر السبت، ٢٢ يوليو ٢٠٢٣
تفكيرك بشكل عام غلط جدا ، ليش ما بتتحب ليه ناس بتتحب و ناس لا كل شخص يستحق ينحب ما في شخص بكل العالم بكل حياتو ما حب او انحب ، انك تضل تفكر بهاد الموضوع بزيد الموضوع سوء بدل هيك حاول غير نفسك للأفضل و ما تيأس ، انت بهاد الوقت جالس تفكر ليه انا ما بنحب ليه لخرب العلاقات و هاد التفكير هو السبب و الاجابه ، حاول غير نفسك الي اشي افضل و اول خطوه قلل تفكير ، حرب تطبيق " راحه " جربتو و عنجد مفيد رح يحاول يصفي لدماغ كل م تحاول تفكر ب اي اشي سلبي زي " ما بتحبني " " ما حد بحبني " " ما الي داعي بالحياه " شغل تطبيق راحه و استرخي ممكن يفيدك ما تستسلم ابدا و دور على شخص بدل م يزيد الوضع سوء يحسنو
تم النشر السبت، ٢٢ يوليو ٢٠٢٣
لعرض السؤال في فدني اضغط هنا