أنا فجأة بقيت بحب واحد بدون أي سبب ومبقتش شايفة غيره بس هو فعلآ يتحب ومبقتش عارفة أبطل تفكير فيه وهو ميعرفش إن أنا بحبه اصلا ومليش في فكرة الارتباط وهو كمان فمفيش أمل إن احنا نرتبط وكل ما أقول إني أنا واهمة نفسي ولازم أبطل تفكير فيه أحلم به وبأحلام فيها كلام إني أستناه وإن في أمل.
كل ما آخد قرار إني أبطل تفكير فيه مبعرفش ولازم تحصل حاجة إني أشوفه صدفة فأنا مش عارفة أعمل إيه في اللي أنا فيه وآخرته إيه.
اسمحيلي أقولك إن جملة " بحب واحد بدون أي سبب " مش راكبة مع بعضها !.. إزاي بتحبيه وانتي ماعندكيش الأسباب للحب ده ؟ طب منين عرفتي إنه فعلا يتحب ؟ اسألي نفسك وردي ع نفسك بإجابات منطقية . 〰️〰️〰️〰️〰️〰️〰️〰️〰️〰️〰️〰️〰️ فكرة إن فجأة ظهرلك شخص من اللامكان وبدأتي تخلقيله شخصية خيالية جذابة بالنسبالك و من مجرد موقف سطحي أو عابر بدأتي تتخيلي سيناريوهات حلوة معاه و بتتمني حدوثها وبتفكري فيها بشكل يومي ومتكرر ف تبدأي تتوهمي إنك بقيتي بتحبيه ومتعلقة بيه وهو أصلاً مالوش وجود حقيقي ف حياتك... دي فكرة ساذجة جداا مع احترامي ليكي . وخلي بالك الشيطان بيحب يعيشنا ف الوهم عموماً ويشجع ع الغلط ويزينلك طُرق ووسائل لتحقيقه أو يعلقك بيه ويخليه شغلك الشاغل ويلهيكي بيه عن ذكر ربنا وعبادته ويضعف عزيمتك.. يعني ليه دور كبير ف إقناعك بالفكرة دي وتضليلك بيها . 〰️〰️〰️〰️〰️〰️〰️〰️〰️〰️〰️〰️〰️ بالنسبة بقا للأحلام عادي جداً تكون من وحي خيالك وعقلك الباطن لأن انتي ممكن ف وعيك قادرة تتحكمي ف أفكارك وتعملي ستوب وتكنسليها وتنشغلي ف حاجة تانية و لكن ما زالت موجودة جوا عقلك الباطن ف لما تنامي بتحلمي بيها مش دايماً الأحلام بتكون دلالة على شيء هيحدث في المستقبل.. ولو معناها كده ف إحنا هنشوف ايه الصح ونعمله ونستنى نشوف ربنا كاتبلنا ايه . 〰️〰️〰️〰️〰️〰️〰️〰️〰️〰️〰️〰️〰️ خلينا بقا متفقين إن الحب بالمفهوم الهش المُتعارف عليه ميأكلش عيش ف العلاقات بجد _ وقصدي هنا العلاقات الشرعية _ يعني لا يكفي أكون حاسة بمشاعر تجاه شخص معين عشان أتزوجه وأعيش معاه ... لازم أعرف هو مناسب ليا من كل النواحي وللا لا وايه الحاجات اللي ماينفعش أتغاضى عنها وأفرط فيها في شخصية شريك حياتي ولازم اتأكد من وجودها زي تديُّنه وأخلاقه الحسنة مثلاً .. لأن شخص مش بيخاف ربنا وملتزم بأوامره ونواهيه لا يُؤتمن ، وشخص سيء الخُلق مش هيحترمك ولا هيقدرك.. والاحترام تحديداً لا يُتشرط فيه الحُب احنا مضطرين نحترم بعضنا ف أي مكان حتى لو مانعرفش بعض ومافيش بينا علاقة قوية ف اللي بيتجوز حد ع أساس انه بيحبه ف بالضرورة هيحترمه ممكن يتفاجئ من اختفاء الإحترام ده مع انطفاء الحب لأنه ماكانش نابع من جواه من البداية ولا جزء من أخلاقه. 〰️〰️〰️〰️〰️〰️〰️〰️〰️〰️〰️〰️ بالنسبة بقا لإنك بتشوفيه صُدفة وده بيثير مشاعرك ناحيته ف واجب عليكي غض البصر ف الحالات دي لأنه بيكون باب من أبواب الشيطان . وافتكري إن طالما الشخص ده ماتقدملكيش بنفسه وجاتلك الفرصة إنك تسألي عليه إنتي وأهلك و تقعدي معاه وتشوفي تفكيره وأخلاقه ف مافيش أي جدوى من مشاعرك تجاهه لأن كل اللي بتفكري فيه ف علم الغيب وربنا مأذنلوش لسة يحصل ف بتعلقي نفسك بأوهام وبتضري نفسك. 〰️〰️〰️〰️〰️〰️〰️〰️〰️〰️〰️〰️ ع فكرة لو حتى كان ليكي نصيب معاه وتخليتي عن التفكير فيه عشان ماتنشغليش بيه عن طاعة الله وصلاح دينك ودنياكِ ولما بتشوفيه صُدفة بتغضي البصر عنه لوجه الله ربنا هيكتبلك الخير والبركة ف الموضوع ده وإن شاءالله وقتها يكون زوج صالح ليكي ويتقي ربنا فيكي ، أما لو مالكيش نصيب معاه ف هتكوني عملتي اللي عليكي واللي يرضي ربنا وهذبتِ نفسك وهزمتِ شيطانك وفي كلٍ خير 🌸
تم النشر الأحد، ١٢ يناير ٢٠٢٥
ده مجرد إعجاب، ممكن فيه حاجة فيه لفتت انتباهك، ممكن شكله، ممكن تصرف منه أو أيًا كان... بعدها عقلك بدأ يفكر وينشغل وده بيحصل عادي. الفكرة إن كثرة التفكير هتحول الفكرة إلى تعلق، ويمكن ده بدأ فعلا بما إنك كلما تاخدي قرار مش بتعرفي تكملي. بلاش تفكري في موضوع الصدف ده، لأن أكيد فيه غيره حواليكِ وبتشوفيهم على طول لكن لأنهم مش في دماغك فمش حاطة بالك من صدف وغيرها ومش منتبهة لهم. عامة المشاعر مش بضغطة زر هتتغير، فبلاش تقاومي الموضوع وتقولي لازم هوقف تفكير لأن المقاومة هتعطي قوة للفكرة تفضل مسيطرة عليكِ، اهتمي إنك تشغلي وقتك بكل حاجة مفيدة، ابدأي كورسات واتعلمي مهارات جديدة، لو عندك مذاكرة ركزي فيها وسيبك من أحلام اليقظة. إنك تشغلي فكرك مع الوقت ومن غير ما تحسي التفكير في الشخص ده هيرجع للخلفية وبالتدريج هيبقى في آخر اهتماماتك وبعد كده مش هيخطر ببالك ومشاعرك وقتها هتتغير وتتجاوزي تعلقك به. ادعي ربنا واستعيني به وإن شاء الله يكتب لك الخير دايما. بالتوفيق.
تم النشر الأربعاء، ١٥ يناير ٢٠٢٥
عزيزتي، من الطبيعي أن نشعر بمشاعر قوية تجاه شخص ما بشكل غير متوقع، وهذا قد يكون مزيجًا من الإعجاب العميق أو حتى الحب. ومع ذلك، من المهم أن نُدرك أن التفكير الزائد في شخصٍ معين قد يؤثر سلبًا على حياتك اليومية وراحتك النفسية. إليك بعض النصائح التي يمكنك اتباعها للتعامل مع هذه المشاعر: تحديد الأولويات : حاولي تحديد أولوياتك وأهدافك الشخصية بعيدًا عن التفكير في هذا الشخص. يمكنك الانغماس في أنشطة تهمك أو مشاريع جديدة لكي تشغلي نفسك. التحدث مع صديقة موثوقة : قد تشعرين بتحسن عند التحدث مع شخص تثقين فيه، مثل صديقة أو قريب، حول مشاعرك. هذا يمكن أن يساعد في تخفيف الضغط العاطفي. تدوين المشاعر : حاولي كتابة مشاعرك في دفتر، فهذا يساعد أحيانًا في تفريغ العواطف. الابتعاد عن المثيرات : إذا كان لديك ذكريات أو أشياء ترتبط به، حاولي التقليل منها لتسهيل عملية التغيير. التركيز على الذات : استثمري في نفسك من خلال تطوير مهارات جديدة أو ممارسة أنشطة تزيد من ثقتك بنفسك. تذكري أن الحب قد يكون تجربة جميلة ولكن الأهم هو الحفاظ على توازنك النفسي والعاطفي. فكرِي دائمًا في ما يُناسبك ويخدم سعادتك في النهاية.
تم النشر السبت، ١١ يناير ٢٠٢٥
الله المستعان
تم النشر الأحد، ١٢ يناير ٢٠٢٥
السلام عليكم.. لايوجد شيئ اسمه حب فجأه هذا اسمه إعجاب ولو في شخص تاني بنفس اسلوبه بتحبيه ايضا وهذه تسمي سطحيه او فراغ عاطفي لديكي لكن الامر تركه افضل يا أختي حتي ترتاحي وادعي ربنا بالصالح الذي ينفع بالدنيا وبالاخره.
تم النشر الأحد، ١٢ يناير ٢٠٢٥
اتركيه واتركي عوضه علي الله واذا كان لكم نصيب في بعضكم رزقكم الله بجمع حلال
تم النشر الأحد، ١٢ يناير ٢٠٢٥
لعرض السؤال في فدني اضغط هنا