اخواتي بيعملو حجات كتيره وحشه و بابا مبقاش طايقهم بس بابا بيعاملني انا واخواتي وحش بس انا معملتش حاجه انا اقرب وحده من اخواتي لبابا وزعله بيضايقني بس انا تعبت ومش عارفه اتصرف ازاي مش عارفه ليه بابا بيعاملني انا كده بقى كل ما أقول حاجه يتنرفز عليّ وعلطول مش فاهمني ولا عاوز يسمعني علطول شايف اني قصدي اعانده وانرفزه و لما اقوله علي حاجه او استشيره يقول اعملي اللي انتي عايزاه انتي حره متخديش رأيى في حاجه ولما بسأل ماما قالتلي حتلاقيه متضايق شويه بس الموضوع عدا عليه كتير وانا مش عارفه اتصرف ازاي ومش عارفه ارضيه
ممكن تقولولي اعمل ايه
في البداية كده.ممكن والدك يكون بيمر بظروف صعبه شويه ممكن تكون مأثرة عليه نفسيا وده اللي مسبب حالة الضيق والعصبية اللي ظاهرة عليه. حاولي تتقربي منه الاول متتكلميش عن نفسك حاولي تسمعيه اكتر حاولي تتقربي منه وتفهمي براحه ايه اللي موصله للحاله والطريقة دي . الموضوع ده مش بيكون وليد اللحظه لازم تراكمات أو مواقف وتصرفات سلبيه وصلته لكده. ابدأي بالكلام معاه لانه اكيد محتاج يتكلم ، شاركيه الحاجات اللي بيحبها ده هيفرق في العلاقه بينكم جدا ووصلي ليه أنه اهم حد في حياتك وانك محتجاله و محتاجه دايما تتكلمي معاه اتكلمي مع اخواتك وحاولوا تشتركوا في عمل أو حاجه هو بيحبه واعملوه ليه .كل ما اتقربتي اكتر كل ما الموضوع مسافاته قربت ووجهات النظر وضحت وقدرتوا تفهموا بعض. وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر الأحد، ٢٧ أكتوبر ٢٠٢٤
انا أبوي زي أبوك بالضبط أنا كانت نيتي صافية جدا من ناحية ابي اعامله بلطف واشفق عليه حين يحزن واحاول الحديث والمرح معه أو مواساته ظنا مني أنه سيحترمني ولكن في كل مرة كان يصدمني بالواقع كأن يشك في أو يحقرني أو يشتمني بغلظة واستمريت أقدم له الخير بهدف اسعاده وهو يصدمني فأعذره بأن لديه ظروف ومسؤوليات وأقدم له الخير ويصدمني وهكذا الخلاصة أيقنت مع الوقت انني لم ولن اصلحه فهو عاش أكثر من ٤٠ سنة معتاد على هذا الحال يوميا فمستحيل اغير عاداته بالإضافة إلى انه قاسي وانا استنفذت وارهقت يعني ظل هو يعاني وانا استنفذت فبدلا من واحد يعاني اصبحو اثنان فساء مزاج المنزل العام الحل : احسن الى والدك ولكن لا تستنفذي طاقتك احسني اليه بالتنظيف او المطبخ مثلا والأهم أن اهتم بنفسي ونفسيتي واعود الى الحياة واكون ملئ بالطاقة وهذا سينفع العائلة بالكامل فبمجرد أن ينظرو في وجهي وانا سيسرون ... خذي الخطوة جربي روتين التسعين {يوتيوبر عبدالله العلاوي} اتمنى لك التوفيق
تم النشر الأحد، ٢٧ أكتوبر ٢٠٢٤
عزيزتي، أشعر بمعاناتك، وأتفهم مدى الصعوبة التي تواجهينها في التواصل مع والدك. العلاقات الأسرية قد تكون معقدة في بعض الأحيان، خاصة عندما يحدث سوء تفاهم. إليك بعض النصائح التي قد تساعدك في تحسين الوضع: تواصلي بوضوح : حاولي أن تتحدثي مع والدك في وقت يكون فيه هادئًا، وعبري له عن مشاعرك بصدق. استخدمي عبارات تعبر عن مشاعرك الشخصية، مثل "أشعر بالحزن عندما أراك غاضبًا مني"، بدلاً من الإشارة إلى تصرفاته مباشرة. الاستماع الجيد : قد يكون من المفيد أيضًا أن تحاولي الاستماع إلى وجهة نظره. في بعض الأحيان، يشعر الأهل بأنهم غير مسموعين أو غير مقدرين. تجنب التحدي : عندما تشعرين أن والدك متوتر، حاولي تجنب مناقشة مواضيع قد تشعله ينفعل أو ينزعج، وبدلاً من ذلك، ابحثي عن أشياء إيجابية يمكنكما التحدث عنها. الصبر والتفهم : الإنسان قد يمر بمراحل صعبة أو مشاعر سلبية، حاولي أن تتحلي بالصبر، فالأوقات الصعبة ستنجلي بإذن الله. طلب المساعدة من والدتك : إذا كنت تشعرين أنك لا تستطيعين التواصل معه، يمكنك طلب مساعدة والدتك لتكون الوسيط بينكما. تذكري أن العلاقة بين الأب والأبناء يمكن أن تتحسن مع الوقت والجهود المبذولة. كوني قوية واستمري في البحث عن سبل للتواصل الجيد والمفيد. وفقك الله.
تم النشر الأحد، ٢٧ أكتوبر ٢٠٢٤
السلام عليكم ورحمه الله وبركاته طب خلينا نقول انه بابا مش بيتعامل معاكي انت علشان يعاملك انت شخصيا كده وعشان انت يعني تستاهلي المعامله دي. دي حاجه عموما مش كل الاباء بيعرفوا يعملوا ان هم يعرفوا يفصلوا من احساسهم تجاه ولادهم فدلوقتي في حد في البيت من الولاد معك على الاب او على الام فهتلاقيه متعصب على البيت كله لان الموضوع ماثر عليه عموما فيلاقي نفسه بيعامل كل اللي في البيت بالطريقه دي بما فيهم مامتك. فهو خلاص بقى واخد وضع انه ااا مش مرتاح في الاولاد وبيعملوا مش مبسوط وموجوده في البيت قصاد اخواتك او عموما في البيت بيفكروا بالازمه اللي هو عايش فيها معاهم فلذلك بتكون كل ردود افعاله عنيفه او ردود افعاله ااا مش لطيفه ومش بتبقى بناء على الافعال اللي قدامه اصلا يعني انت ممكن تكوني جايبه له كوبايه الشاي وبتقولي له تفضل وبعد شويه تقول لبابا بفكرك بكوبايه الشاي ما شربتهاش عليك انت اكيد هنا مش قصدك اي حاجه ما عملتش اي حاجه غلط ولكن هو حاليا واخد الوضع بتاع انه اا انا متضايق من الاحوال اللي ماشيه في البيت حتى وانت بتستشيريه وبعدين يقول لك اعملي اللي انت عايزاه انت حره ما تاخديش رايك في حاجه لان هو في الاساس متضايق من اخواتك التانيين ان هم ما بياخدوش رايه في حاجه فاللي هو يعني المفترض ان الكل يحترمني اه انت بتعملي صح لكن للاسف اخواتك مش بيعملوه فده مقصر عليه جدا جدا. نتعامل مع ده ازاي؟ نتعامل مع ده انه احنا نعذره ان احنا نبقى متفهمين ان هو يعني غير واعي اللي هو بيعمله ده او ان هو مش بيقصده في الاساس ان احنا نعرف ان هو. بشكل كبير مغلوب على امره انت انت فاهمه يعني ايه انه يكون هو الاب وهو الكبير وحاسس ان هو فاقد السيطره على ولاده ان هو مش بيسمعوا كلامه انهم مش بيطيعوا انهم مش بيريحوا في حاجه مش قليله خالص فاحنا محتاجين احنا اللي نطبطب عليه فلو هقول لك على حاجه تحاولي تجربيها فهقول لك حاولي انك تعتبري بابا ده في اوقات اللي هو متنرفز فيها كانه هو لطفل صغير وهو ابنك وانت اللي بتحايليه وبتطبطبي عليه طب انت عاوز ايه طب انت محتاج ايه لا ما تزعلش كده ده الا انت يا جميل لا ازاي انا اقدر برده امال اخذ راي مين لو ما اخذتش رايك انت حالي شويه همم حاولي ترسمي ابتسامه على وشه قبل ما تبدئي تتعاملي معاه وتاخدي منه فعلا الردود افعال تحسب عليك. احنا ليه بنعمل كده ونقول رغم انه المفروض هو اللي يعمل كده؟ احنا بنعمل كده علشان نعمل بالايه الكريمه القران الكريم اللي بتقول واخفض لهما جناح الذل من الرحمه. قل ربي ارحمهما كما ربياني صغيره يعني المفروض ان احنا نخفض جناح الذل يعني ايه يعني احنا نتذلل ليهم ح جربي كده تتعاملي مع والدك من المنطلقه ده لو لقيتي فرق يا ريت تيجي تقولي لي ان انت لقيتي.تى لو هما مخطئين حتى لو هم اللي عاملين المشكله احنا اللي نتذلل لا لازم تسامحونا ولا مش عايزينكم زعلانين ايه ده رغم ان احنا ما غلطناش في حاجه ايوه رغم ان احنا ما غلطناش في حاجه احنا محتاجين نخفض جناحنا وننزله ونجيب نفسنا تحت رجليهم ده من ايه ده من الرحمه عشان نبقى رحمناهم هم محتاجين ان هم في كبر سنهم يحسوا بالرحمه.
تم النشر الأربعاء، ٣٠ أكتوبر ٢٠٢٤
فين دور الام حاسه انها مهمشة لازم تفوق وتكون معاكو ومعاه يعنى لما يهدى تقوله الولاد ما لهمش غيرنا فلازم نسمعهم ونحاول نحسن من سلوكهم وتقعد مع الاولاد تنصحهم بالكلام مع الاب باسلوب مهذب وربنا يهدىهم لكم
تم النشر الاثنين، ٢٨ أكتوبر ٢٠٢٤
لعرض السؤال في فدني اضغط هنا