انا مدرس فيزياء القرية بتاعتى فيها غش بالتالى اغلب العيال مش عاوزه تذاكر انا تانى سنه ليا فى الشغل السنه دى فى تقدم بسيط عن السنه الى فاتت ساعات بحس ان المشكلة فيا لأن مفيش تقدم كبير حتى بيجى وقت والعدد يقل عندى يعنى ممكن ابقى اول السنه بشرح ع السبورة فى نص اقعد ع المكتب لان العدد قل
مدرس صاحبى قبل ما اشتغل نصحنى نصيحة قالى هتهزر نص ساعة وتشرح ربع ساعة هتشتغل هتشتغل علم بس مش هتشتغل
فانا خايف اكون بزق فى حيطة صلبة والعيب عندى ومفيش قدرة على توصيل المعلومة
لان انا سنى ٢٦
ازاي اعرف اذا كنت انا اصلح بس المكان غلط ولا انا الى لا اصلح ؟
انا شخصيا معنديش خبره في التدريس بس كطالبه وكبنت لمدرس بقاله بيدرس اكتر من ٢٥ سنه .هديك شويه نصايح حاول تثق في نفسك ومادتك العلميه وتطورها واعمل علطول مسابقات وجوائز حتي لو شهاده او حلاوه حتي صدقني الحاجات دي احنا كلنا بنحبها رغم انها هايفه اوي.وفكره الهزار والجد وغيره فيها جزء من الحقيقه مينفعش الحصه كلها تبقي جد أو كلها هزار فحاول تخفف الجو بنكته او اتنين في نص الحصه بس هنا لازم تركز انك تسيطر علي الطلبه واول ما الضحك يخلص نرجع للجد علطول وحضرتك ادري بذلك .وبعدين في الأول والآخر التوفيق من ربنا ومهنه زي التدريس بالذات في الدروس الخارجيه مصدر دخلها مش ثابت .احنا بنتعرض لده كل سنه ساعات الطلبه يروحوا فجأه من عند بابا وساعات يجي طلبه كتير الموضوع محتاج صبر علي ما تعمل سمعه كويسه وتتعرف
تم النشر الأحد، ٨ سبتمبر ٢٠٢٤
تصلح للمهنة إذا كنتَ متقنًا لها وتفهمها، أما طريقة الشرح فتعتمد على مستوى الطالب. وفي العموم، أنصحك أن تستعين بما يتيسر لك من طرق حديثة وتكنولوجيا تساعدك على إيصال المعلومة بطريقة مبسطة وواضحة أنصحك بمطالع قناة شرفشتاين، وابحث عن قنوات أخرى تقدم الفيزياء بأسلوب مبسط. كما أنصحك بالاستعانة بأدوات الذكاء الاصطناعي، والمقاطع التي توضح المفاهيم الفيزيائية الجامدة. أما عن الغش والنظام السائد فلا تنظر لهذه المعطيات، أنت تتقاضى مالًا مقابل شرح ومعلومات تقدمها للطلبة، ولأن الأعمال بالنيات والأرزاق بيد الله سترابط وتصبر على مسارك الصحيح وسوف يعوضك الله خيرًا.
تم النشر الأحد، ٨ سبتمبر ٢٠٢٤
أنت مطالب أن تتقي الله في شغلك (سواء الحكومي أو الخاص) وأن تكون سببا في إصلاح الوضع المتدهور لا أن تكون جزءا من المنظومة المتدهورة، ومن تقوى الله أن يكون الوقت الذي تتقاضى عليه أجرا مكرسا لما فيه مصلحة الطالب ولا يكون مكرسا للعب إلا بقدر ما تكسر حدة جمود المادة العلمية من أجل أن يتقبل الطالب ما تشرحه لا أن يكون معظم الوقت كذلك كما نصحك زميلك
تم النشر الأحد، ٨ سبتمبر ٢٠٢٤
السلام عليكم ورحمه الله وبركاته. طيب خليني اقول لك انه بما انك لسه في بدايه الموضوع فانت لسه في مرحله هتجرب فيها حاجات كثير وعلشان تجرب خليني اقول لك في الوضع اللي انت فيه في مكان هم الولاد بيعتمدوا على الغش فهم بيحضروا كده يعني وخلاص احسن حاجه انك تعملها انك يعني من ملاحظتك للولاد دول تقدر تنقي حد فيهم يكون حابب ان هو يسمع الموضوع اصلا بتاع الدروس يعني حد فيهم يكون بيحب الفيزياء بيحب العلوم عموما وتاخذ الولد ده كده على جنب لوحده وتقول له انك في عندك طريقه شرح جديده بس انت حابب تشرحها له هو لوحده وايه وتشوف اذا كان طريقه الشرح دي مسهله ولا لا وتعمل فعلا طريقه تقديم او عرض للدرس بطريقه مختلفه. اشتغل انت عن نفسك شويه كده وتشرح للولد وهتاخذ منه اجابات حقيقيه اذا كان فعلا فهم احسن وافضل ولا الموضوع ما كانش فارق الطريقه دي اللي هتخليك انت تقدر تقيم ااا مجهودك وطريقتك وفي نفس الوقت يكون بعيدا عن الاشكاليه بتاعه انه الاولاد مش مهتمين بسبب الغش وعموم. انت يعني مش قادر توصل؟ لحاجه قوي يعني بسبب الوضع ده فتقدر انك تنتقل لمكان تاني يعني وتدرس فيه حتى لو يوم واحد في الاسبوع عشان تبقى بتقيم حقيقي اذا كان شرحك كويس والولد كويس ولا لا؟
تم النشر الأحد، ٨ سبتمبر ٢٠٢٤
مرحبًا بك، وأشكر لك مشاركتك أفكارك ومشاعرك. من الواضح أنك تعيش حالة من التحديات في عملك كمدرس، وهذا أمر شائع ويحدث للكثير من المعلمين. إليك بعض النصائح التي قد تساعدك في تقييم وضعك: التقييم الذاتي: حاول أن تراجع أدائك كمدرس من خلال التفكير في طرق تدريس المختلفة التي تستخدمها، وما إذا كانت تتناسب مع احتياجات طلابك. اسأل نفسك: هل أستخدم أساليب تعليمية تناسب أنماط التعلم المختلفة لدى الطلاب؟ التغذية الراجعة: حاول الحصول على آراء من طلابك وزملائك. يمكنك أن تسألهم عن رأيهم بشأن طرقك في التدريس وطرق تحسينها. قد تعطيك هذه المعلومات رؤى قيّمة حول كيفية تعزيز تجربتهم التعليمية. التطوير المهني: ابحث عن فرص للتعلم المستمر أو التدريب. يمكنك الانضمام إلى دورات تعليمية حول استراتيجيات التدريس، مما قد يساعدك في تعزيز مهاراتك وثقتك بنفسك. التكيف مع البيئة: إذا كنت تشعر أن البيئة لا تدعمك، يمكن أن تفكر في خيارات جديدة. هل هناك فرص للانتقال إلى مدرسة جديدة أو تدريس مواد أخرى قد تكون أكثر تحفيزًا لك؟ التواصل مع القائمين على التعليم: حاول مشاركة أفكارك وملاحظاتك مع الإدارة في مدرستك. قد يكون لديهم موارد أو دعم يمكن أن يساعدك في تحسين الوضع. في النهاية، لا تنسى أن الأبعاد المتعلقة بالتعليم قد تكون معقدة، وأن النجاح لا يُقاس فقط بمعدل النجاح الأكاديمي للطلاب. أنت تساهم في تشكيل عقولهم وسماتهم كأفراد. لذا، كن صبورًا مع نفسك وواصل العمل على تحسين مهاراتك.
تم النشر الأحد، ٨ سبتمبر ٢٠٢٤
تفكر زي الطالب الحصه او الدرس لما يكون كلو شرح بيبقي بايخ فعلا الطالب بيمل ف من الافضل اختيار طريقه شرح او تغير طريقتك تخليها ممتعه تحاول تعمل امثلة حيه او مثال مضحك + تحكي موقف حصل معاك + برضو انك شرحت درسك يعني عملت اللي عليك وزياده
تم النشر الثلاثاء، ١٠ سبتمبر ٢٠٢٤
لعرض السؤال في فدني اضغط هنا