أنا مشتتة بين مجالين وطبيعتي أنني لا أستطيع التركيز إلا على شيء واحد، ماذا أختار بينهما؟

Question

سلام عليكم انا مشتته جداا مجال شغلي حاليا الجرافيك اشتغلت فيه بقالي سنتين بس فيه ضغط جامد والضغط دا سببلي مشكله اني مبقتش اعرف أبدع ولا طايقه أتعلم وأطور نفسي فيه ومش دايما بيكون في شغل والدخل بتاعه قليل لاني لسه خبرتي في المجال سنتين قصاد أن المجال فيه كتير جدا منافسه كمان مش عاوزة اسيب المجال عشان انا بقالي كتير فيه بردو قبل ما اشتغل في الجرافيك كنت بشتغل ف الكروشيه الهاندميد ٦ سنين وكنت ليا عملاء كنتير ومحترفه فيه جدا وكان في أماكن بتطلب مني ادرب عندها كنت معروفه جدااا ومتميزة بس عيوبه أنه بيحتاج وقت بس الشغل فيه كتير ومطلوب والمنافسة فيه مش كتير غير أن دا حلمي واكتر حاجه بحبها وبعملها من وانا صغيره زائد أن دلوقتي عقليتي اتغيرت عن زمان بقيت بفهم في البراندينج والسوق والتسعير وكمان اقدر اكون فريق يشتغلوا معايا دلوقتي انا مش عارفه اكمل ف انهي مجال كمان مقدرش اكمل ف الاتنين لانه صعب كل مجال منهم بيحتاج وقت وتطوير ومجهود

Accepted Answer

إن كنت في مكانك فسوف أختار ما أنا بارعة ولدي مجال خبرة واسعة فيه، وفوق هذا مجال شغف لي. نصيحتي واصلي في مجال الكروشيه، وحاولي التطوير منه واستغلي الذكاء الاصطناعي في ايجاد أفكار تسويقية خارج الصندوق لذاتك، وطرق للربح بشكل أكثر تنوعًا من هذا المجال.

Answer

باين من كلامك حبك اوى و شغفك للكروشيه و ده يخليكي تبدعي فيه بس انا دايما بشوف النقل من مكان لمكان او الشيفت كارير عموما محتاج دراسة شوية بمعنى احنا هننقل خلاص و واخدين القرار لان دي الحاجة اللي بنحبها بس التوقيت و تظبيط الشغل هبص من كذا زاوية الالتزامات اللي عليا دلوقتي مش عليكي مثلا اي التزامات و لا اقساط ولا حاجة و مجال انتي خبرة فيه و ليكي عملاء اتوكلي على الله علطول لكن لو كنتي لسه مبتدئة الكلام كان هيبقي مختلف لا انا ابدا بصفحة أعرض عليها شغلي و اتعرف و اكسب عملاء و لما صفحتي تكبر و الموضوع يخش في الجد اسيب الشغل ساعتها و انا مطمن اني رايح على حاجة واضحة مجريتش ورا شغفي و خلاص من غير خطوات مدروسة لكن انتي ال case بتاعتك مش كدا و ربنا يكرمك و يوفقك في قرارك ده

Answer

وعليكم السلام ورحمة الله وبركاته عايزة اقولك اختاري الكروشيه لانك متميزة فيه وهتعرفي تبتكري حجات جديدة فيه وانا اصلا بحب الاعمال اليدوية وبعرف اعملها جدا وحلو اوي انك اتعرفتي فيه وبقى على شغلك طلب انزلي تاني واشتغلي فيه مفيش حاجة مش بتاخد مجهود اهم حاجة تحطي مجهودك في حاجة بتحبيها فعلا وعارفة انه بياخد مجهود كبير وبيوجع العين لو فترة طويلة كمان بس عشان حاجة بتحبيها مش هتحسي بالوقت ده عن تجربة يعني، وحلو اوي انك مهتمة بالتسويق والتسعير وكده سوقي لنفسك على النت وده هيفيدك انك تسعري حاجتك برضو دي مهارات هتقويكي اكتر، ومفيش مانع انك تشتغلي في الجرافيك من وقت لاخر وتسوقي لنفسك في المجال ده لكن لو مش هتعرفي تركزي فيه لا كملي في الكروشيه.

أنا مشتتة بين مجالين وطبيعتي أنني لا أستطيع التركيز إلا على شيء واحد، ماذا أختار بينهما؟

مهنية

ترشيحات

سؤال من Niema Mahmoed

تم النشر الأحد، ٢٣ فبراير ٢٠٢٥

5 إجابة

3 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك