حياتي حرفيا بارده ملهاش طعم مفيش شئ محزن او مفرح يغير شئ ولايفرق معايا اصلا بقيت بقابل كل شي بسلبيه مش باخد رده فعل حاليا مش شغال وطول حياتي بسبب اني مش ملزم من مصاريف بشتغل فتره وبقعد فتره وهكذا فيومي مش متظبط لانوم ولا اي شي
28 سنه أعزب
قرأت ان في صدمات طفوله بتسبب كده
• في طفولتي حد من عمامي حاول يعتدي عليا (جنسيا)
•كنت في الاوضه صاحي بالليل وسمعت اللي بيحصل ف العلاقه
•حاولت اعتدي ع اطفال قرايبي وانا صغير برضه ولاد وبنات
وانا صغير سرقت
•كان عندي تبول لا ارادي لحد اولي جامعه وفي يوم كنت عند خالي زياره ونمت هناك وعملتها ف كانت العيله متجمعه كلها وفضحني بهزار حرفيا قدام كل الناس كبير وصغير كان احساسي بيقولي اني اقتله حرفيا
ومن وقتها التبول اللا إرادي انتهي حرفيا ماتكررش ولا مره
• بشرب ميه كتيره وبدخل الحمام كتير جدا فشكيت انه عطاش
•مدمن للموبايل حرفيا مابقدرش اقعد حرفيا وانا فاضي وانا مش ماسكه
• مدمن للعاده السريه
•مدخن بغباء
•مشاكل مع الاب ومش متقبله من يوم ماسمعته وانا صغير في علاقه مع الام وكان في اجبار في الموضوع وتعنيف
•حب للام الامور طبيعيه
كل ماحاول اظبط شئ واعدل من نفسي مش بستمر بيقابلني مماطله وتسويف
من الشجاعة في حد ذاتها انك قدرت تتكلم عن المخاوف اللي عندك و انك عايز تغير من نفسك الاعتراف بالعجز في حد زاته شجاعة كبيرة حاول تتقرب من ربنا حاول تصلي لو في اليوم كله ركعتين بس و طول في السجود و اشكي همومك لله عز وجل و احكي عن كل حاجة حابب تغيرها في نفسك و المشاكل اللي بتواجهك و ادعي ربنا انه يساعدك و ينور بصيرتك للصح الصحاب عامل اساسي معاك عشان تخرج من اللي انت فيه حاول نفسك بأصحاب جديد متقربين من الله و اخرج معاهم و شارك في اي نشاط يخرجك من اللي انت فيه في اماكن كتير بتعمل أعمال خيرية و عايزة متطوعين روح تطوع و ساعد في الخير هتتغير حياتك بإذن الله و اخيرا الدعاء يغير القدر ادعي من غير ملل ابدأ
تم النشر الخميس، ٢٦ أكتوبر ٢٠٢٣
ما شاء الله عليك كفاية انك موضح النقاط المهمة اللي انت عايز تشتغل عليها امسك حاجه حاجه وابدأ وطور من نفسك وابعد عن الوحده حتى لو هاتقعد قصاد البحر وحواليك الناس اقترب من الله يقترب منك كل جميل
تم النشر الخميس، ٢٦ أكتوبر ٢٠٢٣
لازم متخصص .. ضروري جدا في اقرب وقت. وانت ما شاء الله مدرك جدا بالمشاكل اللي عندك، ف انت ع الاقل واضح جدا مع نفسك. بس لازم معالج نفسي يشتغل معاك على كل النقاط ديه. https://fedni.net/tag/masturbation ده قسم خاص بالعادة السرية هتلاقي حاجات مشابهة كتير ليك واجابات عليها كويسة جدا، اتمنى انها تفيدك.
تم النشر الخميس، ٢٦ أكتوبر ٢٠٢٣
يابني الله يصلح حالك اقولك الخلاصه كل دا بيحصل بسبب انك بعيد عن ربناا طالماا بتقول عاده سريه و بتاع
تم النشر الخميس، ٢٦ أكتوبر ٢٠٢٣
حاول مليون مره حتي الممات ولا تيأس من المحاولات الفاشله فهي في حد ذاتها نجاح ولا تترك الماضي يتحكم في حاضرك ويدمر مستقبلك لأنك مش كنت مذنب زمان لكن الان انت مكلف واحنا جمبك في جميع الأوقات ولو حسيت ان ربنا مش هيقبلك تذكر أنه من دعاك الي التوبه حتي الممات فلا ترفض دعوى الله ولكن أستعين في البدايه بالله وبعد ذالك بيع موبايلك واشتري موبيل تاني واجعله اداه لنجاحك ومتيأسش لأنك مش جاني انت مجني عليه فمتكنش جاني علي نفسك وحاول تسامح نفسك
تم النشر الخميس، ٢٦ أكتوبر ٢٠٢٣
حضرتك الكلام الانشائي وعرض المشاكل علي بتخليك تشوف المشاكل من وجهة نظر مختلفه وده هو أول طريق هيوصلك للتعافي ولزم تتأكد أن حل مشكله زي اللي عندك محتاج وقت ومجهود وعزيمه ومحتاج منك تحاول تعالج نفسك من خلال العلاج المعرفي السلوكي يعني تعرف سلوكك متوجه ناحيه فين وعادي تقع في وسط الطريق وانت لتحاول احسن بكتير من انك تستسلم لأفكارك ومشكلاتك
تم النشر الخميس، ٢٦ أكتوبر ٢٠٢٣
يعني اي انصحك يامجهول ان تتحول إلي شخص معلوم امام نفسك حتي تستطيع الوصول إلي قيمه المجهول ؟
تم النشر الخميس، ٢٦ أكتوبر ٢٠٢٣
الكلام سهل جدا لان بدل المحاوله كان ف الف
تم النشر الخميس، ٢٦ أكتوبر ٢٠٢٣
بص اول حاجه تعمل حجات مختلفه لو مبتصليش صلي انزل شوف شغل بس حط في دماغك انك تشتغل بشغف وحب الشغل اللي هتشتغلو حتا لو هو ميتحبش حاول تحبو متخليش الماضي يسيطر عليك خليك اقوي منو هو التفكير صعب وانك تشوف الاشخاص اللي اذوك قدامك برضو صعب بس حاول تنسا مهما يحصل متظلمش نفسك انت اقوي من انك تظلم نفسك واصلا لو ظلمت نفسك واستسلمت للماضي اخرتها هلاك طب ليه من الاول يبقا تبدء حياتك من اول وجديد صلي واشتغل والعب رياضه فكر في مستقبلك الجاي مش اللي راح مسيرك هتحب وتتحب متخليش مخاوفك تسيطر عليك وارجع لربنا اهم حاجه للن يعات الشيطان بيهيألنا ان الطريق السلبي هو الصح بس ده طبعا غلط وحاول تبطل السجاير شويه يعني تخفيها عن نظرك لو شربت مثلا واحده او اتنين في اليوم كفايا حاولت على قد متقدر افتكر انك هتتحاسب علي صحتك في القبر وهتتحاسب علي كل صغيره وكبيره
تم النشر الخميس، ٢٦ أكتوبر ٢٠٢٣
• اذهب إلى طبيب نفسي ، لأنك تُعاني من مشاكل نفسية كثيرة تحتاج إلى علاج دوائي وسلوكي.
تم النشر الخميس، ٢٥ يناير ٢٠٢٤
أكيد مخجل لكن مش لاقي حد يفهم اللي اقوله او يساعد لان الكلام مش هيغير شي لاعادي بقبل المساعده وكلامي هنا مش فضفضه انا طالب مساعده في فرق مابين مساعده او حل ومابين كلام انشائي مع احترامي لاي حد قال رأيه بس الفكره ان الواحد خلاص معدش ينفع الكلام لانه هيفضل كلام وانا محتاج حل لدرجه اني فكرت امنع السجاير والعاده والموبايل باني اقعد اسبوع ف الاوضه او شهر واجيب حبوب وادويه زي اللي ف المصحات كده وامشي ع نظام يخليني ابطل العادات دي والتدخين وبدل مابقي بحارب دماغي وافكاري وادمان جسمي اللي بيطلب الحاجه دي اخرجها من جسمي واحارب افكاري لوحدها
تم النشر الخميس، ٢٦ أكتوبر ٢٠٢٣
علي ما اعتقد انت خجول جدا تحكي لحد و مبتحبش حد يسعدك ومبتحبش النصيحه وده لحظته من خلال كلامك فحاول انت بنفسك
تم النشر الخميس، ٢٦ أكتوبر ٢٠٢٣
طبعا المتخصص ليه دور مهم لكن انا قصدي تبحث عن الاجابات بنفسك وتحل المسائل الحياتيه الخاصه بيك بنفسك لأنك علي ما اعتقد
تم النشر الخميس، ٢٦ أكتوبر ٢٠٢٣
يعني اشوف متخصص ؟
تم النشر الخميس، ٢٦ أكتوبر ٢٠٢٣
يعني حاول تتعرف علي نفسك من خلل شئ واضح قدام عينك ومتكنش غامض قدام نفسك حاول تتعرف على مشكلتك بشكل علمي صحيح والأسباب اللي أدت لهذه المشكله
تم النشر الخميس، ٢٦ أكتوبر ٢٠٢٣
حضرتك دي مشكله معقده له جوانب عديده منها نفسي وديني واجتماعي وثقافي فهذه الأفعال لا تدل على بعده عن بل يمكن أن تكون هي دليل على قربه من الرب الخالق الذي يكلف كل نفس علي قدر طاقتها ولا تجعل الحكم علي الناس من ناحيه الدين فإذا نظره حولك لوجدة أناس متدينين ظاهرا وليس في قلوبهم خير وانصحك ي مجهول أن تتحول إلي شخص معلوم أمام نفسك حتي تستطيع الوصول إلي قيمه المجهول فأنا اخصائي اجتماعي وتعلمت أن المعالج الحقيقي لا يحل مشاكل أحد بنفسه بل يساعد الشخص علي تحليل مشكلته بنفسه والوصول الي حل وانت تقول حاولت الف مره وانا اقول لك الشيطان حاول الف و واحد مره فحاول أن تسبقه بخطوه ولا تيأس من روح الله الذي وضعك في اختبار بهذه الصعوبه فأنا قابلت حالت اسوء وهم الآن يغيرون في حياة من حولهم ولا ينتظرون الحل السحري
تم النشر الخميس، ٢٦ أكتوبر ٢٠٢٣
ليه علاقه
تم النشر الخميس، ٢٦ أكتوبر ٢٠٢٣
انا خريج ازهري وتقريبا حافظ ٢٠ جزء واحاديث وشبه ملتزم في الصلاه ملوش دعوه ده ب ده
تم النشر الخميس، ٢٦ أكتوبر ٢٠٢٣
عندي مشكله المماطله والصبر دول اساس كل شي اللي مش قادر اتغلب عليهم
تم النشر الخميس، ٢٦ أكتوبر ٢٠٢٣
حاول بجد هيبقا صعب بس ربنا قال ومن اعرض عن ذكري فان له معيشه ضنكا. يعني اي نرجع لربنا اول نقطه
تم النشر الخميس، ٢٦ أكتوبر ٢٠٢٣
بص انا معاك عموما ونقدر نغير كل ده سوا عادي ونقدر نبدء من نقطه الصفر الناس اللي بتدعمك هنا مرو بظروف اشبه بيها في منهم اتعداها وبيرشد علي الصح وفي منهم اللي مش عارف الطريق فا متزعلش من اي حد اداك نصيحه وانت حاولت بيها وفشلت لا عادي انك تفشل وبدل المره الف بس اهم حاجه اللي هتحصدو في الاخر
تم النشر الخميس، ٢٦ أكتوبر ٢٠٢٣
انا مافكرتش في الانتحار ابدا نهايي بس حاليا بفكر ليه مافكرتش
تم النشر الخميس، ٢٦ أكتوبر ٢٠٢٣
انا يوميا بحاول لكن مفيش حل مفيش جديد اللي بفتكره حاليا قاع بلاقيه قمه لقاع جاي كل التحفيز والتننميه البشريه ده بقي مؤذي وبيعصب اكتر من ماهو يفيد
تم النشر الخميس، ٢٦ أكتوبر ٢٠٢٣
لا متحاولش تحاول انت لازم تحاول اجباري علشان نفسك مش علشان حد وافتكر ان معظم اللي حواليك حابين فشلك
تم النشر الخميس، ٢٦ أكتوبر ٢٠٢٣
هحاول احاول
تم النشر الخميس، ٢٦ أكتوبر ٢٠٢٣
متيأسش مهما يحصل اوعه تيأس
تم النشر الخميس، ٢٦ أكتوبر ٢٠٢٣
وفيها اي لما تحاول عشر تلاف مره كمان
تم النشر الخميس، ٢٦ أكتوبر ٢٠٢٣
ولد
تم النشر الخميس، ٢٦ أكتوبر ٢٠٢٣
انت ولد ولا بنت عموما علشان اعرف احدد
تم النشر الخميس، ٢٦ أكتوبر ٢٠٢٣
لعرض السؤال في فدني اضغط هنا