السلام عليكم
أنا مريت ببعض المشاكل والازمات اللي تركت فيا أثر سئ جدا وبدأت علاج نفسي من فتره بس أنا رافض مبدأ الادويه تماما بس بقيت بحس إني كل جلسه أسوأ من اللي قبلها وإني حالتي بتسوء أكتر وبقيت تايه جدا ومبقاش عندي طاقه ولا رغبه في الكلام وبيقت منعزل تماما عن الناس وبفضل الوحده عكس طبيعتي وبقت بحب جدا أقعد في الضلمه وحاسس إن روحي انطفت مابقتش لاقي حاجه ممكن تحفزني أو تشجعني إني أكمل هل دا طبيعي
السلام عليكم ورحمه الله وبركاته الاحساس ده لو يعني زي ما انت فعلا بتوصفه ان هو بيزيد بعد كل جلسه هو في احتمال من الاثنين اول احتمال ان انا ممكن اكون منتظر ان الجلسات تعمل حاجه واو اللي هو هنا المفروض طالما باخد جلسات علاج نفسي او جلسات علاج سلوكي فالمفروض بعد ما اروح واتكلم والمعالج او الدكتور يرد عليا ويتكلم معايا ويناقشني في النقطه المفروض ان انا اخرج تماما انا كده مرتاح و احس ان جزء من المشكله اتحل وانا حسيت ان انا مختلف النهارده عن امبارح. لو انا جوايا الفكره دي ومنتظر نتائج سريعه او مبهره جدا جدا فالفكره دي هي اللي مخلياني كل جلسه بتضايق وبتعب ومش مرتاح لانه اصلا الفكره دي فكره خاطئه مفيش حاجه اسمها كده لانه الموضوع مش سحري الموضوع بيبقى جلسات مرتبطه ببعض ومبنيه على بعض علشان خاطر احنا نيجي بعد عدد من الجلسات فعلا نحس بالفرق وبالتغيير لان هي حاجات كلها مبنيه على بعض ده احتمال الاحتمال الثاني ان ممكن تكون الجلسه بتتعمل بشكل غلط يعني ممكن تكون مجرد فضفضه يعني انت بتروح تحكي الازمات اللي انت عديت فيها والمشاكل ولكن ما فيش خطه علاجيه محطوطه او مش بنحط حاجات بنعملها ما بين كل جلسه والتانيه فلو ده ما بيحصلش اه طبعا برده اللي هو بحس ان طب انا بعمل ايه في الجلسه يعني انا بروح اقول الكلمتين اللي عندي وخلاص كده يعني انا استفدت ايه ده الاحتمال التاني لو في اي احتمال من الاثنين هو اللي حاصل قول لي عشان اقدر اساعدك ولو في حاجه غيرهم برده قول لي علشان اقدر اساعدك ان شاء الله.
تم النشر الأربعاء، ٥ مارس ٢٠٢٥
جمله علاج نفسي او بتعالج نفسيا فهي لوحدها مرض بمعني ان الشخص بيفهمها بطريقه بتتعبه اكتر وبتخليه يحس انه مش طبيعي وانه مختلف عن غيره وانه حد مريض لكن لو هندور عالمفهوم الصح فالمرض النفسي ما هو الا فوضى داخليه فوضي في التفكير في العقل في القلب فوضي داخليه وعاصفه كبيرة اووي نتيجه تراكمات ويمكن اغلب الاشخاص اللي بيعانو منها هما الاشخاص الكتومين والحساسين زياده عن اللزوم بسبب مش لاقيين حد يفهمهم او يستوعب تفكيرهم لكن مش لازم ناخده ع انه مرض بالعكس علي انه فتره طبيعيه في حياتنا لازم نمر بيها بسبب شخصيتنا والمجتمع اللي حوالينا لو عاوزه علاج حقيقي فمفيش غير العلاج الروحاني يعني القرب من الله عز و جل صلي ركعتين قضاء الحاجة بنيه ان ربنا يخفف وجعك والمك وتبقي افضل من الاول ادعي كتير خاصه في الثلث الاخير خلي ورد القران ولو هتستمعي ليه هيريحك جدا من اي تعب وارهاق للتفكير او لقلبك اقعدي في اماكن طبيعيه كتير وخدي انفاسك وتأملي دا كله هيساعدك ترجعي تاني لطبيعتك والاهم تخرجي فكره مرض نفسي دي لانها سبب كبير في تعب وانه يزيد أسأل الله عز وحل ان يرفع عنك ألمك ويزيح همك ويفرج كربك ويجعل القرآن الكريم ربيع قلبك اللهم آمين 🦋♥♥♥
تم النشر الأربعاء، ٥ مارس ٢٠٢٥
وعليكم السلام ورحمة الله وبركاته. أفهم تمامًا ما تمر به من مشاعر صعبة وأثر الأزمات التي واجهتك. إن تجربة العلاج النفسي يمكن أن تكون معقدة، وقد يشعر بعض الأشخاص بالفعل بتحسن في البداية، بينما قد يشعر الآخرون، كما تقول، بتدهور حالتهم في البداية. هذا الأمر ليس غير شائع، ويمكن أن يكون جزءًا من عملية العلاج. من المهم أن تتحدث بشكل صريح مع المعالج الخاص بك عن ما تشعر به. يمكن أن يساعدك في فهم ما يحدث وأيضًا في تعديل خطة العلاج إذا لزم الأمر. العلاج النفسي يتطلب بعض الوقت قبل أن تبدأ في الشعور بالتحسن، لذا يجب أن تكون صبورًا على نفسك. بالنسبة لرفضك فكرة الأدوية، فهذا حقك بالطبع، لكن من المهم أن تتعاون مع معالجك لوضع خطة تتناسب مع احتياجاتك. قد تكون هناك طرق مختلفة لمساعدتك على الشعور بالراحة والانتعاش دون الحاجة إلى الأدوية. تذكر، أنك لست وحدك، والبحث عن الدعم هو خطوة مهمة. أرجو أن تجد القوة في التعامل مع هذه المشاعر، واطلب المساعدة عندما تحتاج إليها. لاينبغي لك أن تتردد في البوح بكل ما يجول في ذهنك خلال جلسات العلاج.
تم النشر الأربعاء، ٥ مارس ٢٠٢٥
طبيعي يحصل حاولي تشتغلي او تلهي نفسك في حاجة هتخرجك من كل ده
تم النشر الخميس، ٦ مارس ٢٠٢٥
وعليكُم السَّلام و رحمةُ اللَّه و بركاتُه، ممكن حضرتك تغير الدكتور اللِّي بتابع معاه وتشوف حد تاني... لإن موضوع إن الحالة بتسوء ده الحقيقة صعب
تم النشر الأربعاء، ٥ مارس ٢٠٢٥
لعرض السؤال في فدني اضغط هنا