كل لما بعجب بحد بلاقيه معجب ببنت تانيه في الغالب بتكون صاحبة ليا أو على معرفة بيا...... إيه السبب؟
مش عارفة أنتِ كم عمرك لكن أعتقد إنك لسه صغيرة. الحقيقة أنا مش شايفة إنك محتاجة تبحثي في علم النفس عن ليه أي واحد بتعجبي به بيعجب بغيرك، أنتِ محتاجة تبحثي إيه السبب اللي بيخليكِ بتبحثي عن الإعجاب وتعجبي بسهولة بأي حد. إيه ناقص في حياتك بيخليكِ تدوري على الإعجاب طول الوقت؟ المفروض إن مشاعركِ تكون غالية ومتحاوليش تهدريها على إعجاب ومشاعر متطايرة وهوائية. الحب له وقته ولازم يكون مع الشخص الصح واللي يستحق... والشخص ده أول ما يعرف إنه بيحبك فعلا وميقدرش يستغنى عنك هياخد الخطوة الصح وييجي يتقدم لك ويطلبك من أهلك ومش هيطلب منك تمشي معه شوية ولا تتصاحبوا عشان يحدد أنتم تنفعوا سوا ولا لأ. فبالنسبة لمشكلتك، فرضنا إن الشخص بادلكِ الإعجاب... إيه الخطوة التانية؟ تتصاحبوا؟ تبقوا في علاقة زي ما الشباب بيعملوا دلوقتي؟ مش هقولك الصحوبية حرام في ديننا وإن الاختلاط بين البنات والولاد المفروض يكون بحدود منعًا للمشاكل اللي بتحصل من ورا الانفتاح بين الجنسين. هنصحك بس تبحثي خلال التطبيق عن كمية المشاكل اللي بنات زيك كتبوها بسبب دخولهم في علاقات مع شباب وانتهت بكسرة قلب أو مصيبة. وهنصحك تحافظي على قلبك وخلي مشاعرك غالية وخليكِ أنتِ اللي مطلوبة مش أنتِ اللي تدوري على الإعجاب. أحبي نفسك وقدريها ودوري على أساس المشكلة جواكِ وعالجيه. بالتوفيق.
تم النشر السبت، ٢ نوفمبر ٢٠٢٤
الي بيحصل ان مثلا أعجبت بواحد بس عادي مجرد إعجاب مفيش اي شيء تاني بعمله بلاقيه بعد كده حاجة من دول... لا اما نرجسي و شايف نفسه و بيبقى في الغالب عرف اني معجبة بيه معرفش اذاي رغم اني مش بعمل اي شيء يدل على كده... لا اما بلاقيه مش معجب بيا أصلا بل معجب بواحدة من زميلاتي أو صحابي ليه و اذاي معرفش... لا إما مش مهتم من الأساس و الموضوع ده مش مرة و لا اتنين لا ده كل مرة بيحصل كده يمكن من و انا طفلة لحد دلوقت 🙂 و بحثت كتير اوي في علم النفس و مفيش فايدة برضو الموضوع كل فترة و فترة بيتكرر بنفس الاسطوانة و رغم اني ببقى عارفة ده كويس لكن مش بقدر أسيطر على أعجابي بالشخص مهما أعمل
تم النشر السبت، ٢ نوفمبر ٢٠٢٤
محتاج اعرف ايه الاي بيحصل بظبط
تم النشر السبت، ٢ نوفمبر ٢٠٢٤
مش فاهمه🙂..... انا عاوزة حل🥲
تم النشر السبت، ٢ نوفمبر ٢٠٢٤
الموضوع آثار فضولي بصراحه
تم النشر السبت، ٢ نوفمبر ٢٠٢٤
هو إيه إلي اخليه يعجب بيا هي غصب يعني بعدين مش ببادر إطلاقا أصلا ده مجرد إني بعجب بالشخص بلاقيه بعد كده معجب بواحدة أعرفها من زمايلي أو صحابي لا إما بيطلع شخص وحش أو نرجسي أو بارد في كل مرة بيحصل كده و مهما ابحث و اقرأ و افهم الاسباب و أحاول اعالجها بيفضل يحصل نفس الموضوع كل مرة 🥲
تم النشر السبت، ٢ نوفمبر ٢٠٢٤
اذاي صدفه؟.... ده كل مرة بيحصل كده
تم النشر السبت، ٢ نوفمبر ٢٠٢٤
صدفه
تم النشر السبت، ٢ نوفمبر ٢٠٢٤
لعرض السؤال في فدني اضغط هنا