لو تم عمل أكاديمية أون لاين لتعليم الاطفال تحديدا المهارات اللي صعب يتعلموها في المدرسة ( الرسم، البرمجة، المهارات الحياتية و الاجتماعية)، ايه الاقترحات عشان حاجه زي دي تطلع بشكل كويس و مناسب و تكون باكبر قدر من الافادة ليهم
التسويق بشكل مميز وتفاصيل واضحة المحتوى يكون مناسب للسن وللسعر المقترح المحتوى نفسه يكون شيق والمخرجات بتاعت المهارات تكون عمليه ومش نظرية.
تم النشر الخميس، ١٥ يونيو ٢٠٢٣
تم النشر الجمعة، ١٦ يونيو ٢٠٢٣
ممكن يتعلمو حاجات كتيرة بس لازم تكون حاجات مفيدة زي قيادة السيارات والرسم و حاجات ممكن يتعلموها في المدرسة
تم النشر الخميس، ١٥ يونيو ٢٠٢٣
مبدأيا هو في حاجات كتيرة زي كده موجودة بالفعل وبما اني جربت بعض الانشطه الاونلاين هنصح حضرتك بعض النصائح التي ارجو ان تستفيد منها بإذن الله اول واهم نقطه ان تكون المجموعه الواحده عددها قليل يعني اكثر عدد خمس اطفال.لان لما الاطفال بتكتر بيزيد التشتت ثاني حاجه لازم وضروري يتعمل حصه في البدايه مش محسوبه من حصص الكورس تكون لتعليم المشتركين التعامل مع البرنامج ال هيتم عليه الكورس .لو هو زوم مثلا هنعمل حصه مجانيه في الاول الناس ال متعرفش في الزوم تدخل تفهم ازاي بيشتغل ... النقطه دي كانت سبب في اني تركت كورس لان حصه ضاعت في ان بعض المشتركين مش عارفين يتعاملوا مع البرنامج وطبعا حصه مدفوعه ومحسوبه علينا ثالث حاجه ان تكون كميه المعلومات في الحصه مش قليله جدا ولا كثيرة جدا وان يكون سعر الكورس غير مبالغ فيه ويكون مراعي لحالة الاسرة المتوسطه وياريت يكون في خصم للاخوات او المجموعات او الاصدقاء كده يعني ان يكون في تطبيق عملي مع المعلمه وواجب عملي فردي للطفل لو في زي ماخص سريع مكتوب للحصه يكون كويس عشان لو حد حصل عنده ظروف ومعرفش يحضر او دخل متأخر مثلا او بعد الحصه نسي ادبعض النقط المهمه فبالتالي وجود كلخص مكتوب يساعده انه يعرف يسترجع ال فاته يستحسن ان تكون المجموعات من فئات عمريه متقاربه مينفعش مجموعه فيها اطفال اربع سنين واطفال ١٢ سنه ومع بعض اسلوب المعلمه وخبرتها ومدى تمكنها من المادة ال بتقدمها بيفرق جدا جدا مع الاطفال ومع اولياء الامور فيستحسن اختبار اداء المعلمه قبل تعيينها في الاكاديميه الاطفال بتحب الالغاز ممكن كل حصه يكون في لغز في اخرها مع الواجب وكمان بيحبوا القصص ممكن في كل حصه نحكي جزء صغير من حكايه شيقه ونقسم الحكايه على عدد حصص الكورس كل حصه نحكي جزء بسيط ونسيبهم متشوقين لباقي الحكايه في الحصه ال بعدها ان شاء الله لو الحاجه ال بيتعلموها ينفع يتعمل بينهم مسابقه فيها يكون ممتاز لان التنافس بيخليهم يطلعوا افضل ما عندهم بالتوفيق
تم النشر الأربعاء، ٢١ يونيو ٢٠٢٣
ازاى اون لاين قناة ع اليوتيوب مثلا ولا بيدج ع الفيس او انستا
تم النشر الجمعة، ١٦ يونيو ٢٠٢٣
لعرض السؤال في فدني اضغط هنا