رسالة للأطباء النفسيين
لما يجيلك مريض نفسي مكتئب يحجز عندك استشارة ليه دايما سؤالك الأول له بيكون أنت كيف علاقتك مع ربنا وإذا أخبرك أنها سيئة بتحاول تقنعه وتؤكد له أنه هذا سبب اكتئابه وأنه هيرتاح لما يقرب من ربنا وكل مشاكله هتتحل من حيث لا يحتسب وبكده أنت بتعتبر نفسك حليت له مشكلته مع إن الشخص مش منتظر منك تقوله هذا الكلام هو من شدة اكتئابه بيكون عمل هذا الشيء بالفعل وعشان مش ده الحل الأساسي لجأ لطبيب نفسي لحل مشكلته ودي مش دعوة مني للبعد عن ربنا بل تأكيد إن البعد عن ربنا مش سبب للاكتئاب وإنه القرب من ربنا هيحل مشكلة الاكتئاب.
وأيضا ليه بتقوله انظر للأقل منك وأنت هترتاح ومش هتكتئب يعني على سبيل المثال بتقوله روح المستشفيات وشوف مرضى السرطان وأنت هتحمد ربنا على صحتك أو تقوله شوف أخواتك في فلسطين بيحصل معاهم ايه ده أنت في نعمة كبيرة وللأسف لما تقوله كده بيحصل العكس أنه لما يشوف مشاكل الناس الأسوأ من مشاكله وأنه في ناس في هذا العالم مظلومة ومدمرة أكتر منه بيشعر بالعجز والضعف أنه مش عارف يعمل حاجة للناس دي يساعدهم ولا حتى عالأقل قادر يساعد نفسه فالبتالي حالته بتسوء واكتئابه بيزيد أكتر.
ممكن الأطباء النفسيين يكونوا مش فاهمين هذا الشعور لأنهم لم يتعرضوا لمرض نفسي كالاكتئاب وغيره من الأمراض النفسية ولكن أنا مريض نفسي بأكثر من مرض نفسي وليس مرض واحد وهذا شعوري فهل أنا كلامي صحيح أم خطأ منتظر أرائكم بالموضوع ولكن ملحوظة رجاءا لا أحد يتهرب من المشكلة الحقيقية ويتهمني إني ملحد أو في طريقي للإلحاد بسبب المرض النفسي لأني مؤمن بربنا جدا وبصلي وبحبه وقريب منه فبلاش هذا الاتهام ونركز في صلب الموضوع.
السلام عليكم ورحمه الله وبركاته يعني خليني اتكلم معاك صدقا صدقا انت عندك حق في النقطه دي ان لو تجربتك مع طبيب نفسي واحد عمل كده او مع اكثر من طبيب فخليني اقول لك انه الناس دي استخدمت الطريقه غير المناسبه لمكانهم. ممكن يكون ده هتكون بدايه الكلام لو انا رحت لرجل دين وهو العلم الاكبر عنده هو الامور الدينيه الفقيهة والمعلومات الأقل عنده هي المعلومات اللي ليها علاقه بعلم النفس فطبيعي جدا ان هو يرد جدا لكن طبعا هيكون شيء غريب لو انا رايح للدكتور اللي هو من المفترض انه اكتر جزء عنده هو جزء الخاص بعلم النفس انتظر ان هو يكلمني من اتجاه علم النفس اكثر بدل ما يكون. بيتكلم معايا من الاتجاه الديني اولا كده كده كل الامور مترابطه ايوه كل العوامل لها تاثير في ان الشخص يكتئب او يخرج من الاكتئاب ايوه ولكن حقك انك تكون دي بالنسبه لك تجربه يعني هنقول إنها تجربه سلبيه او تجربه غير مثمرة يعني لو هنحطها تحت سياق مناسب اتمنى إنه كل الاطباء فعلا النفسيين يقدروا ان الشخص جاي عشان يشوف طريقه مختلفه تبدأ توصله اللي هو عاوز يوصل له وأتمنى انك لو دي كانت تجربتك مع الاطباء النفسيين ممكن تجرب العلاج السلوكي. مسألة ان انا حاسس ان عندي مرض نفسي انا مش معاك فيها لانه احساسنا ما بيكونش تشخيصي ولكن خلينا نقول انه انا حاسس ان عندي مشاكل كلها متعلقه بالنفسية كثير محتاجه تفسير محتاجه اشوف أبدأ منين عشان احلها عشان احس إن أنا نفسيا أحسن فأتمنى ان انا اكون كده حاولت اساعدك توصيف افضل علشان تقدر تتحرك في طريقي يوصلك لنتائج تكون مثمره بشكل افضل. خلينا نقول إنك ممكن تبدأ تجرب العلاج السلوكي ده هيكون مع أخصائي نفسي أو مع لايف كوتش والاثنين يقدروا يساعدوك في الطريقه دي الطريقه دي بقى هندخل من نفسه وهنبدأ نشوف الحاجات اللي انت بتشتكي منها والاعراض دي ممكن تكون رايحه في انهي اتجاه هنبدا نشوف المشكله جذورها جايه منين ونبدأ نشوف إيه السلوكيات اللي احنا محتاجين نعدلها او الامور المتازمه او فيها نقط سوداء فنبدأ نتعامل معاها ممكن الطريقه دي تكون هي الطريقه اللي انت بتدور عليها لكن رحت للطبيب النفسي والطبيب النفسي ما ساعدكش بنفس الطريقه دي. أتمنى ليك تكون في أحسن حال وحتى لو عدينا بتجربه سيئه مع طبيب او مع اخصائي او مع اي مختص في أي حاجه دي مش آخر في الدنيا وتجربه او اثنين او شخص او اثنين مش ضروري نعممهم على الباقيين وأتمنى إن شاء الله تجربتك اللي جايه تكون احسن ليك.
تم النشر الأربعاء، ٢٦ مارس ٢٠٢٥
هو مهنيا ده غريب انك تروح لحد نفسي فيقرر يبدأ حديثه عن علاقتك بربنا.بس منطقيا ده متماشي جدا مع اسلوب كلامك.طبعا اللي بيحس بمشاعر كبيره وصعبه بيكون واصل لمناطق مظلمه لنفسه. واي كلام خارجي ماديا مش بيساعد قد ما نبدأ نربط نفسك بالروحنيات وده اللي الغرب اتجه له. بمعنى أوضح علاقتك بربنا مش حبك وايمانك بس. علاقتك بربنا تشمل منظور رؤيتك للاله وتأثيره في حياتك. يعني فكره ان اهل غزه مظلومين دي جمله منافية تماما ان ربنا قال وماربك بظلام للعبيد. يعني نفى عنه الظلم بكل أشكاله. مفهومك ان ربنا مدبر للأمر بشكل كلي مش من الزاويه اللي بتشوفها بس. ده اللي يخليك لما تروح مستشفى تلاقي ناس بتتلقى الأمراض دون تذمر وناس بتقول اشمعنا انا وناس بتراه انهم ناس مظلومه ويسقط قله الحيله ع نفسه وناس بتروح تفرحهم وتشتغل اكتر عشان تساعد بفلوس وتخفف الألم . هو أخد خطوه مبكره انه يفتح معاك فكره معتقدك او إيمانك. محدش يقدر ينكر عليك حده مشاعرك وصعوبتها. لكن ادراكك لعنايه ربنا بيك وتدبيره لامورك دي بتيجي بطرق كتير اوي. وقتها منظورك للدنيا والاله بيتغيروا وبتقدر تتجاوز الأفكار الكتير اوي اللي موصلاك لطرق ضلمه . فكره انك تشكر ربنا وتمتن على نعمه عندك بيزيل عنك فكره الفقر في باقي الجوانب. وفكره انك تبص للاقل فكره منطقيه من جانب انه يوصلك للرضا. حاسس ان الفكره دي مش مريحاك وممكن تولد عندك كبر. بلاشها اصلا. طيب لو بصيت للأعلى هل بتولد عندك ايه طمع؟ اللي بدوره بيجيب سخط وقد ايه انا فاشل. ولا بتبص وتقول يارب انت ربي وربه وسعها عليا زي ما وسعتها عليه. وتقدر تمارس يومك وحياتك وانت مطمن ولا شعور الفقر هيفضل ماسك قلبك. الاتنين مش عاجبينك ماتبصش لحد من الدنيا وبص القرآن وشوف قد إيه الأحداث اللي فيه بتبين انه خلاص انا في حيطه سد وبعدها بتفرج وتؤتي من حيث لا تحتسب. لو حضرتك عايز تجرب حد نفسي تاني اعمل ده مفيش مشكله. عايز حد يفككلك المعتقد الدكتور ممكن يقولك تتابع مع حد جلسات. وبإذن الله تلاقي حل لحياه الطف.
تم النشر الخميس، ٢٧ مارس ٢٠٢٥
أهلاً بك. الحقيقة انه كلامك يشير الى مشكلة حقيقية موجودة وهي انه ليس كل طبيب نفسي مؤهل للتعامل مع كل الاضطرابات النفسية من ناحية العلاج النفسي بمدارسه المختلفة لا أشير هنا للجانب الطبي هو قطعا مؤهل له لكن هناك أطباء نفسيين كُثر لم يتلقوا تدريبا لممارسة العلاج المعرفي والسلوكي بكل مدارسه او تخصص في مدرسه بعينها ولذلك تكون اجاباته وتعامله مع المرضى مبنيه ونابعه من معتقداته الشخصبه وخبراته الحياتيه وفقط وهذا أمر له أثر سئ على كثير من المرضى احيانا يتردد على العيادات النفسية أشخاص على دين وخلق وملتزمين ولكن لديهم مرض نفسي كالوسواس او القلق والاكتئاب وغيره ان كنت انا سأتلقى من الطبيب النفسي نفس الردود التي اسمعها من عوام الناس فلماذا ذهبت من الاساس لطلب الخدمة العلاجية لذلك انصح كل شخص قبل الذهاب لطبيب او معالج او أخصائي نفسي السؤال عنه وايضا السؤال عن مدى أهليته لتقديم هذة الخدمة العلاجية مدى خبرته أصلا هل هو حديث التخرج ام مارس العلاج لعدة سنوات وتلقى تدريبا مناسبا في هيئات معتمدة وموثوقه. هذة مسؤلية الشخص قبل الذهلب للاستشارة وطلب العلاج.
تم النشر الخميس، ٣ أبريل ٢٠٢٥
باختصار .. شوف دكتور تاني مافيش طبيب نفسي متخصص وبروفيشنال هيقولك كدا.
تم النشر الخميس، ٢٧ مارس ٢٠٢٥
هوه القرب من ربنا ممكن يحل المشاكل يعني مثلا في واحد بيظن بناس ظن سوء بدون سبب فنفسيته بتبقا وحشة بس لما يطيع ربنا ويحسن الظن بالناس نفسيته بترتاح.... مثلا واحد مشكلته في شهوة النساء ونفسيته بتبقا وحشة بس لما يطيع ربنا ويغض بصره ويعمل ضوابط الاختلاط وغيرها يلاقي مشكلة بتاعته اتحلت...واحد مثلا مشكلته مع أهله بيشتكي منهم كتير جدا بس لو سمع كلام ربنا واهتم بازاي يتعامل مع الوالدين يلاقي علاقته بأهله بقت كويسة ويلاقي ان المشكلة كانت في طريقة معاملته مش في عيلته بنسبة معينة ومثلا اعتمد على نفسه ماديا لو يقدر واشتغل او حتى لو مقدرش وسمع كلام ربنا في إنه يصبر ويحتسب وان هدفه الراحة في الجنة مش في الدنيا مشكلته ممكن تتحل... عشان كده الي بيقرب من ربنا بيكسب الدنيا والآخرة اما الي بيبعد من ربنا بيخسر نفسه وكل حاجة حرفيا لو دخل النار لأن مفيش أحسن من رأي ربنا وتعاليمه
تم النشر الخميس، ٢٧ مارس ٢٠٢٥
انت فاهم التعامل مع ربنا غلط خالص ، فاهم دينك غلط خالص .. اللجوء لله مش مجرد كلام هتقوله تبقى قربت ولا صلاة شكلية .. الموضوع اكبر واعمق بكتييير جدا ، وفعلا القرب من الله مش بس يحل مشاكل الاكتئاب دا يخلى بالك مرتاح فى ذروة الضغوط والمشاكل !! ايه رأيك بقى ؟! السر فى الفهم عن الله .. انت محتاج تفهم عن الله وكيف تتعامل مع الله لأن فهمك الخاطىء هو من يولّد عندك الأفكار الخاطئة وبالتالى قرارات خاطئة وبالتالى نتائج مشوشة وعشوائية .. لدرجة أنك تظن أن الدكتور النفسى هيديك علاج أقوى من رب العالمين الذي قال "ألا بذكر لله تطمئن القلوب " !! فكر فيها كويس .. كلنا قد نكون بنذكر الله بشفايفنا لكن كام واحد فينا بيذكر الله بقلبه ؟!!! عارف يعنى ايه تذكر بقلبك ؟!!! يعنى ترى الله فى كل موقف فى حياتك ، فى كل شىء حرفياً تراه يراقبك ، تدعوه في أبسط احتياجاتك زى ما بتدعوه في أمانيك ، يبقى قلبك عمران بيه وبحبه بكثرة ذكره دا مستوى عالي جدا من العبادة يجعل القلب راضي صافي لا يعرف للاكتئاب طريق اساسا لأن نظرته لكل شىء هتكون تعمقت وتغيرت للأصوب .. فكر فى كلامى كويس لمصلحتك .. وابدأ اسمع دروس عن الله لحازم ابو اسماعيل برنامج اسمه " أين الطريق " أو محمد الإلهامى ..
تم النشر الخميس، ٢٧ مارس ٢٠٢٥
أخي الكريم، أشكرك على مشاركتك أفكارك وتجربتك الشخصية بشكل صريح. من الواضح أنك تمر بتحديات نفسية معقدة، وهذا يتطلب تفهمًا عميقًا وقابلية للاستماع من المجتمع والمهنيين على حد سواء. بالنسبة للسؤال عن علاقة المريض بمولاه، يُعتبر هذا السؤال مهمًا لأنه إن كان في حالة ضياع أو ضعف روحي، قد يكون له أثر على صحته النفسية. لكن من المهم أن نميز بين الاقتراح الروحي كدعوة للتقرب إلى الله وبين الاعتقاد بأن هذا وحده هو الحل لكل مشاكل الاكتئاب. فيما يتعلق بمقارنة النفس مع آخرين في ظروف صعبة، يحتاج ذلك إلى حساسية كبيرة. فبدلًا من تحفيز مشاعر العجز، ينبغي لنا أن نركز على تقديم الدعم والدعوة للتفكير في كيفية التعامل مع المشاعر الصعبة بشكل إيجابي. من الجميل أن نتذكر النعم لكن لا يجب أن نصنع من ذلك عبئًا إضافيًا على الشخص المُكتئب. إدراكك لمشاعرك ورفضك للأفكار السلبية يعد خطوة إيجابية. أحيانًا قد يستغرق العلاج النفسي الوقت والجهد لإيجاد الطرق التي تناسب احتياجاتك. من المهم أن تبحث عن طبيب نفسي يتفهم حالتك بشكل شامل ويستطيع أن يقدم لك الدعم الذي تحتاجه دون افتراضات مسبقة. قد يكون التحدث عن مشاعرك تجربتك في جلسات العلاج مفيدًا، حيث يمكن أن يساعد هذا في توضيح الأمور وتحقيق التوازن في حياتك. تذكر أنه لا بأس من طلب المساعدة وإيجاد الطرق التي تدعم صحتك النفسية.
تم النشر الأربعاء، ٢٦ مارس ٢٠٢٥
مع العلم أن كل ما في علم النفس موجود في الدين وستلاحظ هذا وتربط مع الوقت بين اقوال علماء النفس والدين .. كالصدقة وتأثيرها النفسي والصيام والصلاة والتسبيح والمعاصي وأثرها السلبي .... فإذا أخلصنا لله تعافينا .. ولكن أيضا نحتاج إلى مرشد وشخص واعي وليس فقط الذهاب لمستشفى السرطان
تم النشر الخميس، ٢٧ مارس ٢٠٢٥
اتفق معك ان هذا قصور من الطبيب النفسي .. طيب ليه في طب نفسي ما كنا نروح عند الشيوخ .. ثانيا في ملتزمين ومكتئبين عادي .. ولكن الدين له دور جذري بل اساسي في الجانب النفسي وحتى عند علماء النفس في هرمونات بتفرز في وجود علاقة روحانية .. ولكن المريض اللي جايلك محتاج استماع وتقبل وعطف عليه ومناقشة أفكاره السلبية مش انك تقول له انت ساخط ولا تشعر بالنعمة .. يعني لو رحت مستشفى السرطان هشعر بالإمتنان ولكن ده مش حل نهائي .. والمكتئب مريض زيه زي مريض السرطان
تم النشر الخميس، ٢٧ مارس ٢٠٢٥
كلامك غلط
تم النشر الأربعاء، ٢٦ مارس ٢٠٢٥
لعرض السؤال في فدني اضغط هنا