انا إنشاء ألله جايلي طفل بعد شهر ووالدي مصمم إني اسمي الولد على إسمه وانا كان نفسي أسميه عبدالله وقولت لوالدتي قالتلي أبوك ممكن يقاطعك لو عملت كدة وأنا مش عارف أتصرف إزاي هو إسم والدي كويس برده هو إسمه عادل بس أنا إللي حابب إسم عبدالله أكتر
قل لوالدك قال صلى الله عليه وسلم: "إن أحب أسمائكم إلى الله عبد الله وعبد الرحمن" وإذا كان بيحب النبي ﷺ وربنا يفضل الاسم اللي بيحبه ربنا عن الاسم اللي بيحبه هو
تم النشر السبت، ١ أبريل ٢٠٢٣
سميه فى الشهادة عبدالله واندهوله عادل لحد ما تقول لباباك. او روح الصحة وخد حد معاك وخليه هو اللى يقول اسم عبدالله بدالك....وقول لوالدك ان اللى معاك هو اللى اتلغبط وانت كنت عاوز تحققله رغبته بس هى جات كده
تم النشر السبت، ١ أبريل ٢٠٢٣
بص والدك طبعا عليك طاعته ف كل حاجه بس برضه الطفل طفلك ومن حقك انت وزوجتك تختاروا الاسم ف اتكلم معاه ف انك هتستخير ربنا ف الاسم ولما يتولد ربنا هيلهمك الاسم الي هتسجله فيه لانه مولود بأسمه بس ومتردش بس عليه رد يزعله
تم النشر السبت، ١ أبريل ٢٠٢٣
مرحبًا، أولاً مبروك على قدوم طفلك الجديد، وأدعو الله أن يرزقكم السعادة والصحة دائمًا. فيما يتعلق بمشكلتك مع والدك، فإنه من المهم أن تعرف أن هذا هو من حقك كأم أن تختاري اسمًا لطفلك، حتى لو كان اختيارك مختلفًا عن اسم والدك. لذلك، يجب عليك أن تحترم شعور والدك وتقدر ما يشعر به، ولكن في النهاية القرار النهائي لك. يمكنك محاولة الجلوس مع والدك وشرح مشاعرك وأسباب رغبتك في اختيار اسم عبدالله، ومحاولة العثور على تسوية يمكن للجميع العيش بها بسلام. إتذكر أن عائلتك هي عائلتك وفي النهاية ستحتاج إلى العمل بروح المحبة والتسامح والاحترام المتبادل. أتمنى لك كل التوفيق.
تم النشر السبت، ١ أبريل ٢٠٢٣
اتكلم معاه بالعقل لو مرضيش اسال شيخ لو سميته زي ما انت عايز ده يبقا عقوق ولا لا لو لا سميه براحتك طالما المفروض ميزعلش يبقا معلش هو غلطان أما لو اه و اظن استحالة يقولك اه حاول تاني مع باباك لو منفعش اتوكل على الله بقا و خلاص
تم النشر الاثنين، ٣ أبريل ٢٠٢٣
قوله خير الاسماء ما عُبد وما حُمد مع كومنت العم جاد
تم النشر الأحد، ٢ أبريل ٢٠٢٣
لعرض السؤال في فدني اضغط هنا