السلام عليكم ورحمه الله وبركاته
ممكن لو حد عندوا كلام تشجيعي ومحفز للمذاكرة يشاركنا؟
لا يوجد كلام أكثر تشجيعا من أن تعرف أن اجتهادك في المذاكرة من الأعمال التي يرضى عنها الله عز وجل و أن تنظر في تأثير مجموعك النهائي على مستقبلك الوظيفي أو مستقبلك في الجامعة (إذا كنت في ثانوية عامة) فقد تؤثر درجة واحدة على مسارك التعليمي وتدخلك كلية معينة أو تنقلك من بلدك إلى محافظة أخرى أو تؤهلك لمنحة أو غير ذلك ..
تم النشر الأحد، ٢٥ ديسمبر ٢٠٢٢
متوقع ايه؟ او ايه مثلا اللي حابب تسمعه؟ قبل كده كنت بدور كده على كلام محفز علشان اقدر اقوم اذاكر .. او اقوم اعمل اللي ورايا. بس اتضح مع الوقت ان الوضع ده مش هينفع في كل مرة .. اه .. مش هينفع في كل مرة لان جه وقت وبقيت مش حابه اسمع أي حاجة من ديه .. مفعولها خلص ومبقتش تأثر فيا الحقيقة .. وبدأت افكر تاني في قناعاتي . هو لازم اكون متشجعة علشان اقوم اعمل اللي ورايا؟ لا مش لازم اكون متشجعة؟ مش لازم اكون في احسن حالاتي. مش لازم اكون فيا حماس الدنيا علشان اقوم اعمل التاسك الفلانية. طيب ايه اللي لازم يكون موجود لما مش لازم بقى ده كله يكون موجود؟ اللي لازم يكون موجود هو الالتزام .. المسؤولية .. هما دول اللي لازم يكونوا موجودين. هما دول الدافع .. فكرة اك عندك امتحان بكره ف ايه اللي لازم تعمله هو انك تذاكر .. مش هتعمل حاجة تانية غير كده .. تذاكر علشان تحصل على النجاح وهنا هيجي الحماس والطاقة بقى. الموضوع هنا بالعكس .. الواحد يعمل الحاجة المعينة علشان لما تنجح او يعملها يحصل على الطاقة والفرحة والحماس. لان مش كل الوقت هنكون في احسن حالاتنا ولا في كل وقت هنكون متشجعين.
تم النشر الأربعاء، ٢٨ ديسمبر ٢٠٢٢
لعرض السؤال في فدني اضغط هنا