لسه خاطب ومكنش عندي علاقات سابقة و مش عارف اشرحلكم ازاي اللي انا عايزه ، اوقات كده بيظهرلي حاجات على السوشيال ميديا للكابلز زي لو حصل مشكلة بينكم متسيبهاش لدماغها وكده وخش كلمها وصالحها حتى لو انت غلطان و متسيبهاش تنام زعلانة وحاجات من دي اتمنى تكونوا فهمتوني ف انا عايز اتعمق في المواضيع دي اكتر واكتر اسمع مين ولا اعمل ايه
طيب الخطوبة شرعًا هي وعد بالزواج، لا يسقط به أي حد من الحدود. وفكرة الخطوبة المقصد منها هو الاطلاع على ثقافة وطريقة تفكير الطرف الآخر ومرجعيته وكيفية تفاعله مع المواقف المختلفة ومستجدات الأمور وخلافه. وهذا يساعد في اختبار مدى التوافق الفكري والوجداني والذهني. إذًا الخطبة ليست من أهدافها تغذية المشاعر، فبند التقبل في البداية كفيل باطمئنان كل طرف للآخر، ولا داعي لاستنزاف المشاعر هذه الفترة. على الرغم من كل ذلك، تجد الغالبية ينشغلون بالمشاعر ويؤجلون النظر في التوافق الفكري وخلافه لما بعد الزواج بحجة سوف يتغير بعد الزواج، لا أحد يتغير بهذه السهولة. وستجد من يناقض كلامي، ولكنني نقلت لك ما أراه الصواب والأقرب لمرضاة الله. جمعكما الله في الخير.
تم النشر الأربعاء، ١٤ أغسطس ٢٠٢٤
أهلاً وسهلاً! أنا فاهمة كلامك تمام، وفترة الخطوبة فعلاً مهمة جداً. فيه شوية نصائح ممكن تساعدك: التواصل باحترام : حاول دايمًا تتكلم مع خطيبتك بصراحة واحترام. جرب تكون ودود ولطيف، حتى لو حصلت مشاكل. مواجهة المشاكل : لما تواجه مشكلة، حاول تتحلوا مع بعض بشكل هادئ. مش لازم تنتظر واحدة منكم تتصل بالتاني. احترام المشاعر : افهم مشاعرها واستمع لها كويس، حتى لو مش متفق معها. اقرأ وانمى معرفتك : فيه كتب ومقالات عن العلاقات، ممكن تبدأ تقرأ عن العلاقات الزوجية وتطوير الذات. اسمع بودكاست : ابحث عن بودكاست مخصص للعلاقات. في كتير من الأشخاص يتكلموا عن الاستراتيجيات المفيدة. المشاركة في ورش عمل : دور على ورش عمل أو دورات تدريبية عن العلاقات، هتتعلم منها حاجات جديدة مفيدة. وما تنساش تكون صادق مع نفسك ومعها، وكل حاجة هتكون أحسن إن شاء الله!
تم النشر الأربعاء، ١٤ أغسطس ٢٠٢٤
في كذا متخصص بيقدم دورات للمخطوبين والمقبلين على الزواج ، كورسات ودورات تفاعلية ، في الغالب بيكون متاح الحضور مع خطيبتك ، اونلاين او حضور مباشر ) وهي احسن كتير من فيديوهات عامة كدا على اليوتيوب او الفيسبوك الكورسات دي هتساعدك كتير تفهم نفسك وتفهم خطيبتك وتقدرو تعرفو ازاي تتعاملو مع بعض كويس دلوقتي ولسنين قدام بعد الزواج ان شاء الله اعرف كذا حد .. منهم مثلا (هتلاقيهم على التليجرام والفيسبوك) لو محتاج لينكات قولي وهحطهالك في رد منفصل . الدكتور الشيخ محمد الغليظ - كورسات "مدرسة الحياة" (يجمع بين العلم الشرعي والنفسي والاجتماعي) دكتور محمد عبداللطيف - (نفسي اسري زواجي ) - (هتبدا 26 اغسطس) دكتور خالد الحداد (بس ممكن يكون الرسوم غالية شوية)
تم النشر الجمعة، ١٦ أغسطس ٢٠٢٤
ملكش دعوه بالسوشيال ميديا مش كل البنات زي بعضها فى بنات منطقيه جدا ومبتحبش التفاهات دى يعنى مثلا انتو شباب هل كلكم متشابهين لا كل واحد ليه اسلوبه ولو شوفت حاجه وحاولت تقلدها ع شخص تانى ممكن متعجبش الشخص ده فاهم قصدى ؟ ومعتقدش ان احنا كائنات فضائيه بمعنى متتفهمش للدرجادى اللى فى السوشيال حاجه والحقيقه حاجه تانيه خالص اتعامل على طبيعتك عادى ووارد جداً ان يحصل مشاكل فالطرف الغلطان فالمشكله المفروض يعترف بغلطه سواء انت او هي
تم النشر الخميس، ١٥ أغسطس ٢٠٢٤
أنصحك متسمعش غير لأهل الدين أو الي مرجع ليهم في كلامهم دائماً الدين ومتسيبش دماغك للناس الي بتطلع تقول أي كلمتين وخلاص مع احترامي للجميع. وانصحك تسمع لياسر الحزيمي له بودكاست بيتكلم في عن العلاقات بشكل عام
تم النشر الأربعاء، ١٤ أغسطس ٢٠٢٤
بص ف الاول والاخر انت الراجل وطبعا معروف ان الرجاله مخهم أكبر من البنات دي حقيقه مش هنكرها 😅 ف معلش ابقي تعالي على نفسك شويتين لو مشكله تافهه أو مشكله مش اوفر يعني بحيث متجيش علي كرامتك.. انك تكبر دماغك حاجه وانك تيجي علي كرامتك حاجه تانيه.. وبس خدها علي قد عقلها يعني والدنيا هتظبط ان شاء الله
تم النشر الأربعاء، ١٤ أغسطس ٢٠٢٤
باشمهندس أيمن عبدالرحيم دورة البيت المسلم
تم النشر الأربعاء، ١٤ أغسطس ٢٠٢٤
لعرض السؤال في فدني اضغط هنا