مطلوب منى أقدم عشر افكار لمشروع التخرج أى جهاز او روبوت ييساعد فئة المعاقين ذهنيا والمعاقين حركيا سوا
يعنى
((((((((أى جهاز بيحسن الجزء الادراكى او المهارات الحسيه او الحركات الدقيقه عند المعاقين ))))))
اى حد عنده فكره ميبخلش عليا ارجوكم😭
اختكم محطوط عليها😭😭😭
1- روبوت أو تطبيق يحكي قصص خيالية بشكل مبسط لتدعيم إدراك بعض المبادئ زي العدل ، المساواة ، الاخلاق ، الحب ، الكرم ..الخ 2- روبوت أو تطبيق يكون اسمه ( الكابتن ) يكون دوره أنه يعمل تدريب أو تمرين بشكل منتظم بحركات بسيطة جدا و يكون له صوت مميز أو لهجه مميزه بحيث الشخص المبتلي بالإعاقة يربط بين سماع صوت الكابتن و معاد الحركة أو التمرين 3- تطبيق فيه صفارة و نربطها بعمل أنشطة معينة زي تعلم الرسم مثلا او اي هواية تانية . 4- روبوت مبرمج أنه يرد علي الأسئلة في مختلف المجالات ونطلب من الأشخاص المعاقين أنهم يبدأوا يسألوا بنفسهم و يتعلموا عشان نطور عندهم المهارة دي . 5- جهاز بسيط يكون مرسوم عليه مجموعة من ال emotions اللي بتعبر عن الحالات النفسية ( فرح ، حزن ، غضب .. الخ) .. تقدر تدي للشخص و تطلب منه يضغط علي الايموشن اللي بيعبر عن حالته النفسية و بعدها يبدأ يتكلم و يفضفض و يقول اللي جواه و بكدا نكون ربطنا بين اكتر من مهارة في نفس الوقت حلو اوي كدا عشان انا صدعت من التفكير 😂❤️ يارب اكون قدرت أفيدك بأي حاجه❤️
تم النشر الجمعة، ١٢ مايو ٢٠٢٣
انا مش عارف هم المعاقين حركيا بيبقي عندهم القدرة او بيحسوا بالحاجة اللي بيلمسوها ولا لا بس عموما ممكن يبقي زي جوانتي او شراب اي حد عنده شلل مثلا يلبسه ويبقي الجوانتي او الشراب من جوا فيه مستشعرات حسية بتخلي الشخص اللي لابسه يحس باي احساس عايزه وياخد الامر ده عن طريق مثلا ابلكيشن ع الموبايل ويكون ع هيئة فيديوهات نشغل الفيديو مثلا وليكن ع البحر ف يبدأ يحس بالهوا والرملة والمياه اللي بتتحرك او مثلا واقف ع عشب وهكذا وممكن تبقي بدلة كاملة كمان وممكن برضه يبقي مصحوب بنضارة vr عشان يعيش التجربة كاملة 🤷🏼♂️
تم النشر الجمعة، ١٢ مايو ٢٠٢٣
روبوت لكل الاكال العضليه الحركية اعتقد ده اللى مقصود ... حركة الرأس مع العين حركة اليد مع الاصابع حركة الرجل للمشى حركة الفك مثلا اعتقد كمان لو اخدتى من الاعراض الخاصة بكل اعاقة تقدرى تصيغى فكرة مثلا ( لا يستطيع تحريك الرقبه لليمين ) يبقى الروبوت يقوم بتحرك كامل الجسم او النصف العلوى بدلا من الرقبه لليمين ) وهكذا
تم النشر الجمعة، ١٢ مايو ٢٠٢٣
تطبيق واقع افتراضي (يعني يحتاج نظارة واقع افتراضي تركب على الموبايل في حدود ١٠٠ جنيه) يجعل الشخص المعاق يتخيل نفسه في بيئة معينة (كحديقة أو شاطئ أو غير ذلك) وهناك أشياء فيها تشجعه على التحرك
تم النشر الخميس، ١١ مايو ٢٠٢٣
تطبيق موبايل يساعد المعاقين على تطوير مهارات إدراكية على هيئة لعبة كالبحث عن الأنماط المتشابهة أو غير ذلك أو تطوير مهارة الرسم
تم النشر الخميس، ١١ مايو ٢٠٢٣
ساعدونى بقا
تم النشر الخميس، ١١ مايو ٢٠٢٣
جماعهههه
تم النشر الخميس، ١١ مايو ٢٠٢٣
متسيبوش أختكم فى الزنقخ دى كده😭
تم النشر الخميس، ١١ مايو ٢٠٢٣
دلونى على أى حاجه
تم النشر الخميس، ١١ مايو ٢٠٢٣
او قولولى أقدر أجيب أفكار منين
تم النشر الخميس، ١١ مايو ٢٠٢٣
جماعههه ساعدونييي
تم النشر الخميس، ١١ مايو ٢٠٢٣
الحقونيي
تم النشر الخميس، ١١ مايو ٢٠٢٣
لعرض السؤال في فدني اضغط هنا