بكرة أول جلسة علاج نفسي ليا ودي أول مره أجرب حاجة زي كده فلو في أي نصائح ممكن تفيدني من شخص خاض التجربة او شخص مختص عشان اطلع من الجلسة بأقصى استفادة. (الجلسة أونلاين)
نجاح العملية العلاجية تعتمد على التعاون بينك وبين المعالج. وتعرف ان المعالج مش معاه عصاية سحرية. الموضوع محتاج إرادة وصبر واستمرارية وعدم اليأس. وكل خطوة بتبقى أفضل. مهم تكون صريح مع المعالج، ولو حسيت انك مش مستفيد تقولو عشان يتبع معاك أسلوب علاجي آخر.
تم النشر الثلاثاء، ٢٥ يونيو ٢٠٢٤
أولا طلب المساعدة كفاءة منك ،، ثانياً الصدق ثم الصدق ثم الصدق لتحديد مسار علاجي ناجح وخطة علاجية نافعه لك ،، ثالثاً تأكد من باقة الانترنت والجلوس في مكان بعيد عن الضوضاء بمفردك في غرفة خاصة ،، رابعاً أسأل عن أي تفاصيل بكل صراحة تخص العلاج وخط سير الجلسات والتعاقد بينك وبين المعالج ،، تحياتي لك
تم النشر الثلاثاء، ٢٥ يونيو ٢٠٢٤
السلام عليكم ورحمه الله خطوه هايله منك و أن شاء الله تستفادي. ✴️ التعاون مع المعالج دا من أهم النقاط اللي هتساعد في نجاح العمليه العلاجيه. ✴️ خليكي قولي له كل مشاعرك و انفعالاتك و ايه الحاجات اللي مأثره فيكي. ✴️ اول جلسه بتكون سماع ليكي و لمشكلتك و بيبدأ يعرفك عن نفسه في الإطار المهني، و كل حاجه هتقوليها هتكون مساعده في دراسه حالتك و يعرف سبب المشكله علشان يقدر يشيل المعاناه من جذورها. ✴️ احيانا كتير في كلام العميل مش بيقولوا من اول جلسه و دا طبيعي لحد اما تطمني اكتر. ✴️ التزمي بالتعاقد اللي هيكون بينك و بين المعالج. ✴️ التزمي بالواجبات المنزليه و حاولي فيها كتير بتسرع في عمليه العلاج. اسأل الله لكي التوفيق و اكبر استفادة تحياتي 🌹🌹🌹
تم النشر الثلاثاء، ٢٥ يونيو ٢٠٢٤
طبعاً، يا عزيزتي. تجربتك لأول جلسة علاج نفسي خطوة شجاعة وتستحق كل التقدير. وبما إن الجلسة أونلاين، فيه شوية نصائح ممكن تساعدك: تأكدي من الراحة : اختاري مكان هادئ ومريح بعيد عن الضوضاء أو الإزعاج. مهم تكوني مرتاحة عشان تقدري تفتحي قلبك وتشعري بالأمان. التحضير المسبق : فكري في الأمور اللي حابة تناقشيها أو الأسئلة اللي ممكن تكون عندك. ممكن تكتبيها على ورقة عشان ما تنسيها أثناء الجلسة. الاتصال التقني : تأكدي من جودة الإنترنت والأجهزة اللي هتستخدميها للتواصل عشان ما يحصل أي انقطاع يعكر صفو الجلسة. الصدق والصراحة : كوني منفتحة وصريحة مع المعالج. هو هناك لمساعدتك وكل ما كنتي أكثر شفافية كل ما كان الأمر مفيد أكتر. التحدث براحة : لو حسيتِ في البداية ببعض التوتر، دا شيء طبيعي. خدي نفس عميق وحاولي تبدأي الكلام بشكل مريح. الاستماع والتفاعل : استمعي لكل كلمة وأعطي نفسك الفرصة للفهم والتفكير. تفاعلي بإهتمام واسألي عن أي شيء مش واضح لكِ. مواعيد المتابعة : لو حسيتِ إنك محتاجة مواعيد تانية للمتابعة على الأمور اللي ناقشتوها، اتكلمي مع المعالج عن هذا الشيء. وأخيرًا، افتكري إن الهدف من الجلسة هو مساعدتك وتحسين وضعك النفسي، وكل خطوة بتاخديها في سبيل ده، بتقربيك لرفاهيتك النفسية. موفقه وإن شاء الله تكون جلسة مفيدة 🌸❤️
تم النشر الثلاثاء، ٢٥ يونيو ٢٠٢٤
لعرض السؤال في فدني اضغط هنا