يا ترا شعور ماما ايه لما تعرف اني باكل نفسي يوميا من وانا صغيرة بسبب انها كانت بتقول عني عار لاني بنت
يا ترا شعور بابا ايه لما يعرف اني كرهت كل الرجال بسبب معاملته لامي وازاي انا فاكره مشاهد ضربه ليها بكل قسوة
يا ترا شعورهم ايه لما يعرفوا انهم السبب في الدمار النفسي الي انا فيه ومن انا صغيره كبرت لا عارفه يعني ايه حب ولا تقدير وعندي بدل العقدة مليون
شعورهم ايه لما يعرفوا انهم مع انهم اتغيروا دلوقتي بعد ما كبرت بس انا خلاص منهارة نفسيا بسببهم ؟
شعورهم ايه لما يعرفوا كمية اللوم الي جوايا ليهم بسبب كمية المواقف الي لا تعد ولا تحصى ؟ مع ذلك بحس اني الي غلط وان انا الي محتاجه اتعالج لانهم ميستاهلوش الا كل خير لانهم تعبوا عشاني
يا عزيزتي، حقيقي قلبي معاك. الأوجاع اللي بتحسيها والأسى اللي جواك مش حاجة سهلة أبدًا. الأهل بيكونوا أول مصدر للتوجيه والدعم، وأحيانًا لما يحصل منهم أي خطأ، بيكون تأثيره كبير جدًا علينا. الأول حابة أقول لك إن مشاعرك مشروعة : الشعور بالغضب والحزن تجاه الأهل حاجة طبيعية جدًا لما يحس الشخص إنه تعرض للظلم أو الإساءة. المسألة مش مسألة إنك "الضحية" أو "الغلطانة"، لكن الفكرة في إنك تحملتي تجارب مؤلمة وأثرها لسه موجود. ثاني حاجة، حطي في بالك إن: التغيير الإيجابي اللي حصل لأهلك دلوقتي حاجة كويسة جدًا، لكن مش ضروري إنه يمحي الذكريات والألم اللي عشتيه. العلاقات العائلية تتغير وتتجدد، ممكن تتكلمي معاهم وتشاركيهم مشاعرك وأفكارك، يمكن ده يساعد في تحسين العلاقة المستقبلية ويخفف من حملك. ثالث حاجة، لو بتحسي إنك محتاجة دعم نفسي: مش غلط أبدًا لو لجأتي لمعالج نفسي يساعدك تتعاملي مع مشاعرك وتخففي من الضغوط. العلاج النفسي ممكن يكون خطوة مهمة عشان تقدري تتصالحي مع الماضي وتبدأي حياة جديدة. أخيرًا، حاولي تلاقي مساحة لنفسك : اهتمي بنفسك وبصحتك النفسية. ابحثي عن الأنشطة اللي بتحبيها أو الناس اللي بيدعموك وبيفهموك. دايمًا افتكري إنك مش لوحدك، وإنك قوية وقدرتك على التعافي كبيرة.❤
تم النشر الأحد، ٩ يونيو ٢٠٢٤
واصبر علي ما اصابك ان ذللك من عزم الامور ) صدق الله العظيم دي كلها اقدار الله ولازم تصبري عليها ،عبري عن مشاعرك لو حد منهم متفهم ولو حد غير متفهم وعبرتي عن مشاعرك وبدا يسفه او يقلل من مشاعرك متاخديش كلامه علي محمل الجد او تحسي بظلم اكتر وتدخلي في زون الضحية اشغلي نفسك بهويات جديدة واتعرفي علي ناس جديدة حاولي تعتمدي علي نفسك ومتستنيش دعم من حد واكثري من اقول وافوض امري الي الله
تم النشر الأحد، ٩ يونيو ٢٠٢٤
حضرتك بتقولي انهم اتغيرو وانك شايفة انهم تعبو عشانك إذآ لن يبقى معك سوى الذكريات المؤلمة والتي لابد وان نتجاهل التفكير فيها لأنك لم تجلب منها سوى الحزن وخسارة شغفك وضياع أملك وبدلآ من التركيز على الماضي وألامه الافضل أن ننظر إلى المستقبل وأماله وبالتفائل وحسن الظن بالله هتلاقي العوض والجبر من الله ويارب يعوضك بكل الخير ويسعد حياتك لما تتمنيه
تم النشر الأحد، ٩ يونيو ٢٠٢٤
شكرا ليكي علي المشاركة شعورهم ايه مش بتاعتك مش مسؤليتك انتي بقا شعورك ايه هوا ده اللي تركزي عليه والشعور ده ادي لأفكار ايه وسلوك ايه طيب اقدر اغير ده ولا لأ تعافيكي مسؤليتك انتي غير مسؤلية عن ماحدث بالأمس تماما ولكن انتي مسؤلية عن نفسك اليوم وماتقدميه لمساعدة نفسك في تخطي ماحدث والتعلم منه قدر المستطاع مع الاحساس ببشرية الاب والأم وأنهم يصيبوا ويخطئوا واكون رحيمة بهم للتعامل معهم بالرحمة
تم النشر الأحد، ٩ يونيو ٢٠٢٤
هم فعلا مايستاهلوش غير كل خير دي حقيقة مش مجرد إحساس. كلنا ضحايا لطفولة قاسية بس دا بيتم بطريقة غير واعية من الوالدين، هم شايفين ان دي التربية الصح غير مدركين بأثرها النفسي هم ممكن مايكونوش عارفين يعني ايه نفسي اصلا بدليل انهم مش معترفين بالأطباء النفسيين. في مرحلة الطفولة بتكون التربية من الوالدين اكبر لكن في مرحلة الشباب بتكون التربية من النفس اكبر... شوفي ايه اللي مخليكي تحسي كدا وحاولي تصلحيه، شوفي ايه الغلط واشتغلي عليه، اي شعور وحش عندك اشتغلي عليه. وماتلوميش أهلك لإنهم مش واعيين باللي بيعملوه وجايز احنا المتعلمين نعمل زيهم ونربي عيالنا زيهم مين عارف! اعذريهم وماتجادليش معاهم احنا هنحاسب على معاملتنا معاهم وهما هيحاسبوا على تربيتهم لينا ربنا اللي هيحاسبهم مش احنا، فاشتغلي على نفسك وصلحي اللي فات وخلاص
تم النشر الأحد، ٩ يونيو ٢٠٢٤
جلد الذات في المرحلة دي مش صحي خالص اختلاف الابناء والآباء مستمر بس فكرة اني آكل في نفسي طول الوقت هيخليكي كارهه نفسك دائماً وهما كمان. انتي محتاجة دعم نفسي اكتر الفترة دي وكمان بما انهم احسن م الأولةدي فرصه كويسة انك تعيدي حساباتك مرة تانية في العلاج. جربي تحبي نفسك اكتر وتحبيهم وخلي اي حاجة كويسة عملوها معاكي هي طوق النجاه بالنسبالك.
تم النشر الثلاثاء، ١١ يونيو ٢٠٢٤
تم النشر الثلاثاء، ١١ يونيو ٢٠٢٤
تم النشر الأحد، ٩ يونيو ٢٠٢٤
تم النشر الأحد، ٩ يونيو ٢٠٢٤
طيب جربتي تواجيهم وتساليهم ليه كده يمكن يطلع عندهم وجهه نظر او تسمعي منهم الي يخليكي تسامحيهم واكيد دي طريقه الي اتربوا بيها وفاكرينها صح اعتبري ان الي شوفتيه ده عشان تاخدي بالك انه غلط وانه لما تخلفي تعاملي بحب واحترام وتحتويهم الماضي خلاص راح مهم دلوقتي بقوا كويسين
تم النشر الأحد، ٩ يونيو ٢٠٢٤
لعرض السؤال في فدني اضغط هنا