ازاي اتخطي حاجات عدي عليها وقت كتير ولسه مأثره عليا بطريقه سلبيه ومؤذيه!! مع اني حاولت بكل الطرق اني اتعافي وانسي بس دايما يحصل حاجه ترجعني للصفر تاني..
والمجروح م اهله هل هيجي وقت عليه ويتداوي ويتجاوز!!!
أفضلي اكتبي ولو هتكتبي نفس الموضوع ٢٠ مره صدقيني مخك هيبدأ يقبل وينسي بس استمري إنك تكتبي أو تفرغي لازم وبكل الطرق. برياضه ، بالفضفضه ، بكلامك وإنتي ساجده لربنا ،بالكتابة ، بجد متقيضيش نفسك بمده ولكن كل مره هتفتكري >>كلمي نفسك واساليها وبعدين! وارجعي للكاتبتيه وعيدي تآني فإنه خلاص ماضي وخلص ليه أضيع دلوقتي فيه تآني! لو فايدك حل أيا كان انك تعيشي مرتاحه نفذيه مش تستني حد يعوضك عوضك لنفسك لما تعلقي قلبك بربنا فقط وتفهمي إنها دنياااا لا تسوي غير إنك تبقي سعيده فيها بما يرضي الله.. حبي نفسك وروحك المجروح من أهله بيتجاوز لما يستوعب إن الاهل مش بإيدنا نختارهم ولما تقرأي فالسيره وقصص كتير للصحابه و الأنبياء هتعرفي إنها مكانه ابتلاء للمؤمن ال ربنا بيختاره يتعلق به بس ويحبه بس. يعني ربنا اختارك تتونسي به وتطمني به وتتوكلي عليع وتستشيريه.. عاوزك تبقي معاه بس.. عزه وجبر وسكينه وفرحه متتوصفش ولا تتحس من أي حد مهما كان حتي الام. ربنا احن منها علينا.. والله مش كلام وخلاص بس بجد هتنسي لدرجه إن الشخص نفسه هيفكرك وإنتي فعلا خلاص اتمسح من قلبك... ومش بس كده وهتسامحي وهتبقي طايره ومكانتك عالية آوي و هيرجعلك حقك لحد عندك وربنا يبرد قلبك وينصرك.. مش معني كلامي إنك متزعليش بالعكس أنا فالأول طلبت منك كل مره تزعلي عبري لإنه حقك بس كل مره اشكي لربنا واحمديه كتير هيراضيكي آوي
تم النشر السبت، ١٨ مارس ٢٠٢٣
أهلاً بك، عزيزتي. الشعور بالألم والضيق هو إحساس طبيعي ونتيجة لمواجهة تجارب مؤلمة في الحياة. لكن الأمر الهام هو كيفية التعامل مع هذه التجارب وتخطيها. إليك بعض النصائح: 1- لا تحاولي التفكير في الأمر بمفردك، بل حاولي التحدث مع أشخاص قريبين لك أو باحث مؤهل في المجال لتقديم المشورة والمساعدة. 2- حاولي العمل على تحديد المصدر الذي يؤرقك واكتبيه في ورقة، ثم حاولي فهم الخطوة التالية التي يمكنك اتخاذها من أجل التغلب عليه. 3- استخدمي التنفس العميق والتأمل لتهدئة عقلك وجسمك. 4- حاولي البحث عن أشياء جديدة تشغل عقلك ووقتك، مثل الهوايات أو الأنشطة التي يمكنك الانخراط فيها. 5- لا تنتظري أن تتعافى وحدك، في الحقيقة الرغبة في الشفاء هي الخطوة الأولى نحو التحسن والتغلب على الصعوبات. 6- أخيراً، عليك أن تثقي في نفسك وتعرفي أن الشفاء يحتاج إلى الوقت الكافي. لا تيأسي وحاولي دائماً أن تحافظي على الأمل والتفاؤل.
تم النشر السبت، ١٨ مارس ٢٠٢٣
ايه الحاجات اللي محتاجة تتعافي منها؟ وبالنسبة لموضوع المجروح من اهله هل هيجي وقت ويتجاوز، في الحقيقة في حاجات كتير بتعدي، ساعات الظروف بيبقى ليها سبب انها تعدي، وساعات احنا بنبقى عايزين اننا خلاص نقفل الصفحات الموجوعة ديه علشان احنا كمان نعدي. بس الاكيد .. ان اه الوقت عامل مهم جدا في ان كل حاجه تعدى .. وكن الاهم من الوقت هو انت/ي ، احنا سبب رئيسي ومهم ف اننا نسمح للحاجات ديه انها تعدي، واحنا نعدي معاها. بس ازاي اساسا نتخطى؟ اننا نفهم، اه نفهم .... وندرك الادراك والفهم مهمين جدا علشان نقدر اننا نتخطي، انا لو مش فاهمة ومش مدركة ازاي ده حصل؟، ده حصل ليه؟ مش هنقدر نتخطى. افهم،ي مشاعرك .. والمشكلة ديه حصلت ليه وازاي، وايه اللي خلاها تحصل، وانا مطلوب مني اعمل ايه؟ وهل فيه حكمة من الموضوع ده ولا لا ... وجزء الحكمة ده مهم جدا في ادراك كل شئ بيحصل. محتاجين اننا نؤمن بحكمة ربنا، ونفهمها كويس .. علشان نقدر نتخطى ... محتاجين نؤمن بالتسليم .. التسليم الالهي ف حاجات كتير محتاجين اننا نستسلم لحكمة ربنا فيها. والاستسلام هنا مش معناه ضعف .. ولكن محتاجين نفهم قدرنا وقدر الامر الالهي كويس.
تم النشر الأحد، ١٩ مارس ٢٠٢٣
اي حاجه بتحصل للمسلم طالما بعيد عن دينه فهو في خير ان شاء الله والحاجه قابله للتعافي بإذن الله المهم يكون عندك ارادة ورغبه قويه في التخلص من الاثار دي بس ياريت توضحي لنا امثله لل حصل وللحاجات ال بترجعك للصفر عشان نعرف نفهم ونساعدك
تم النشر الأحد، ١٩ مارس ٢٠٢٣
حجات زي ايه حابه تتعافي منها ممكن توضحي عشان اقدر اساعدك؟
تم النشر الأحد، ١٩ مارس ٢٠٢٣
بتحاولى تتعافى ازاى ؟ و ايه الحاجات اللى بتحصل بترجعك لورا؟
تم النشر الأحد، ١٩ مارس ٢٠٢٣
لعرض السؤال في فدني اضغط هنا