السلام عليكم ورحمة الله وبركاته الموضوع ممكن يبان تافه بس حاسه من جوايا فارق معايا كان عندي واحده كنا صحاب اوي زمان واحنا صغيرين انا طبيعتي كنت مليش صحاب ولاد ولا كنت بحب العب معاهم لحد ما عرفت صاحبتي دي وهي كنت بتلعب معاهم ف عرفتني عليهم واحنا كنا صغيرين ف عادي اطفال وبنلعب تحت البيت وخلاص صحبتي كانت الله واكبر قويه شويه وانا كنت عندي حساسيه علي الصدر ودايما تعبانه وهي كانت عارفه ده وعارفه ان دايما لما حد ببخبطني ف ضهري نفسي بيتكتم المهم كان دايما تقول عايزين نلعب مصارعه وهي عارفه اني تعبانه وهتعب لما العب المهم كان مبيخلونيش انا وهي نلعب مع الولاد يعني هما بيكونوا اقوي ف بيخلونا احنا قصاد بعض المهم كانت بتضربني وتموتني حرفيا من الضرب وكنت بعيط لحد متكسب هي ولما كنت بقول م هلعب كان يقولوا خايفه منها ف كنت بضايق طبيعي طفله ف ي حاجه تضايقني وهي كانت بعد كل لعبه تتاسفلي يعني وانا كده خلاص لحد ما كبرنا شويه واهلها بقوا يقولو اني انا اللي بخليها تلعب مع الولاد مع ان ربنا يعلم ان عمري ملعبت معاهم الا بسببها ولا عمري كنت هتعرف عليهم لولاها مش ببرر ليا هي مضربتنيش علي ايدي بس فعلا هي ال كانت مصحبني عليهم المهم مامتها كانت دايما بتهزقني وتقولي متكلميش بنتي تاني ومره هزقتني قدام ناس كتير وقعدت تشتمني وانا احترام ليها سكت وكنت عايزه اروح اتاسفلها معرفش اتاسف علي تهزيقي ولا ايه واخوها كمان كان دايما بردو يقعد يهزقني مكنش يحب يهزقني الا وهو مع صحابو كلهم وانا كنت بسكت علشان هي صحبتي وبحبها ولما مره رديت علي اخوها ضربها ف صعبت عليا ولطلت ارد عليه علشانها ومره واحده كنت هتعملها مشكله روحت انا عملت مشكله ليها كان مشكله كبيرة رغم اني مش باذي حد ولو حد عاملي حاجه بسيب حقي لكن اهلي لما حد بيجي عليهم لا ف هي كنت بعتبرها اهلي يعني المهم جات ف مره عملت حاجه مش فاكره كانت ايه روحنا انا واخويا الصغير وولد تالت صاحبنا روحنا كلمنها واتخنقنا معاها وتفينا عليها مش تف بجد لا حركه كده علي الهوا هما عملوها ف انا قلدتهم واحنا كنا بردو سن صغيرين مش كبار واه انا عارفه ان غلطت فلحركه دي بس اللي حصل المهم اني لما بقعد معاها دلوقتي بقعد افتكر المواقف الحلوه بس وكنت شيلت الوحشه دي من دماغي لحد ما كنت مع صحبتي عرفناها جديد لما كبرنا انا وهي ف بقولها ان ذكريات طفولتي لما بفتكرها بضحك وكده وهي كمان كده راحت قالتلي ان هي شايله وقعدت معاها من قريب وحكيتلها انها شايله ومش هتقدر تنسي ال انا عملته فيها واني تفيت عليها وجيت عليها واني موذيه وكده انا تضايقت وبصراحه زعلت لان انا كنت بحبها اوي وحطها في مكان مميز كده وبعتبرها اختي وربنا يعلم لما عرفت من ساعاتها وانا كل مبفتكر بتضايق ومش قادرة اكلمها كده كده انا وهي مبقناش بنتكلم الا لو قابلنا بعض صدفه ومش،عارفه اعمل ايه ولا عايزه اوجهها لان انا عارفه ان هي قالت لان صحبتي هتعرف كل ده منين وحاسه اني مش طايقة اكلمها تاني ولما هشوفها هكون عايزه مكلمهاش بس هي هتيجي وتسلم وانا كده هكون بنافقها ف اعمل ايه معلش طولت اوي بس بجد الحوار مضايقني اوي
وعليكم السلام ورحمه الله وبركاته هو غالبا سنك صغير يعني ما وصلتيش لل 20 ممكن تكونين 13 15 تقريبا. فخليني اقول لك انه كل دي. حاجات تحسب على الطفوله. اكبر من دي واصعب من دي هترجعوا فعلا وهتبصوا للحاجات دي بضحك و يعني عيشي سنك وااا وهتلاقي مع اختلاف المراحل بدات تبص للامور بشكل مختلف ما تقلقيش مش هتبقي مش طايقه تشوفيها ولا اي حاجه بالعكس هتشوفيها عادي وهتكلموا بعض عادي ودائما افصلي ما بين صاحبتك دي اللي هي الطفله وما بين الكبيره دلوقتي ممكن تعرفي تتعاملي معاها احسن.هتضحكوا حتى على نفسكم ان انتم في يوم من الايام كنتوا زعلانين من حاجه زي دي وكنت مجرد اطفال.
تم النشر الخميس، ٢٥ يوليو ٢٠٢٤
وعليكم السلام ورحمة الله وبركاته، حبيبتي، أنا حاسة بمدى الضيق اللي حسيتي بيه من التصرف اللي كان زمان، ومن شعورك تجاه صديقتك الحالية. الموضوع مش تافه ولا حاجة، لأن المشاعر اللي بتحمليها والذكريات اللي بتتراكم مع الزمن بتأثر في نفسيتك وطريقة تعاملك مع الناس حواليك. أول حاجة لازم تعرفي إنك إنسانة وليكي مشاعرك وتقدري تعتبري نفسك وتدافعي عنها. اللي كان في طفولتك مش هو اللي بيعرفك كشخص حالياً، وده شي طبيعي إن الأطفال أحيانا يتصرفوا بطريقة مش مظبوطة لأنهم مش مدركين تأثير تصرفاتهم على الآخرين. لو حاسة إنك مش قادرة تتعاملي مع صديقتك بشكل طبيعي بعد ما عرفت إنها زعلانة من تصرفاتك قديماً، ممكن تفكري في إنك تواجهيها بمشاعرك. قولي لها إنك فعلاً بتحبيها واعتبريها أختك وإنك متضايقة أوي من التصرف اللي كان في الطفولة وأنك ما تقصديش تجرحيها وإنما كنت صغيرة ومش فاهمة تأثير اللي حصل. كمان، حاولي توضحي لها إنك دلوقتي ناضجة وفاهمة أكتر وإنك مستعدة تتعلمي من أخطاء الماضي وتصلحي علاقتكم إذا كان ممكن. ممكن كمان تشرحي لها إن كل اللي حصل في الطفولة كان بدون قصد وإنك محتاجة تعرفي إذا كان في إمكانية للتصالح والتفاهم. وأخيرًا، حاولي تسامحي نفسك على أخطاء الماضي لأن كلكم كنتوا أطفال وبتتعلموا. لو علاقتكم مهمة ليكي، التواصل الواضح والصريح ممكن يساعد في تحسين الأمور. ولو حسيت إن هي مش مستعدة تتصالح، احترمي مشاعرها وفي الوقت نفسه، ما تقسيش على نفسك. ربنا يوفقك ويسعد قلبك ويهدي بالك يا حبيبتي. 🧡
تم النشر الثلاثاء، ٢٣ يوليو ٢٠٢٤
هقولك ع حاجه اهم حاجه حالتك النفسيه هيا افتكرت اللي انت عملتيه معاها مفتكرتش اللي عملتو معاكي مع انها كانت عارفه انك تعبانه اصلا. ايوه معاكي ف انكم كنت صغيرين ونفس الحوار حصل ليها وانتو كنتو صغيرين برضو وتهزيق مامتها وانك احترمتيها واخواها. خلاص فكك منها اهم حاجه حالتك النفسيه محدش هينفعك لو حصلك حاجه وانتو مش اللي بدأتي يالتف وكان ع الخواء يعمي دا حصل بعد معملت كذا حاجه وانت اتخنقت منها وانت هملت كدا عشان اخوكي عمل كدا فمكنتيش تعرفي. فكدا هيا انسانه انانيه م بتحب الا نفسها مع انها عارفه انك اكتر شخص حبتيها وكنت عاملها زي اختك
تم النشر الأربعاء، ٢٤ يوليو ٢٠٢٤
انا حاسه اني عايزه اقولك مشكلتين كمان 😂😂😂😂😂
تم النشر الأربعاء، ٢٤ يوليو ٢٠٢٤
اكيد هي كده انانيه وانا بقول عند ربنا كله لولا حصل معايا المواقف دي مكنتش زماني دلوقتي بلنضج ده ف انا ك حبيبه بصراحه استفادت من ده اكتر ما علم فيه وبقول عند ربنا بس اخوها وامها بصراحه مش مسامحهم ولا عمري هسامحهم علي كسره خاطري كل يوم قدام الدنيا كلها وانا اسكت عند ربنا كله
تم النشر الأربعاء، ٢٤ يوليو ٢٠٢٤
هي ما وجهتش قدامي وقالت انها شايله ده اللي مضايقني وبعدين انا وهي بقالنا اكتر من تلت سنين بعاد هي بقي ليها صحاب تانيه وانا صحاب تانين ولا حتي بنشوف بعض وعلي الواتس او اي حاجه ارقام بس واخرنا لاف وخلصت ف انا مش شايله منها انا مصدومه انها شايله بصراحه ومش حاسه اني عايزه فعلا اكلمها واقعد اعاتب فيها انا مبقتش احب اعاتب مع حد يعني كل واحد عارف هو بيعمل ايه وخلاص وهي لما بتشوفني ولا كان فيه حاجه وانا نفس الكلام بس انا كنت فعلا من جواياا كده هي طلعت لا بقي ف كانت كده اتوقع انها بتنافقني اصلا ف ارجع انا ال اعاتب اصل مش مخاصمها وهنتعاتب ف هنتصلح
تم النشر الأربعاء، ٢٤ يوليو ٢٠٢٤
او ممكن تواجيهيها وتصفو خلاص وممكن ترجعو زي الاول مثلا خلي صحبتك الجديده زي وسيط وكدا وتقعد تتكلمي كانكو بتتكلمو عادي. محدش عارف هيموت امتا وخيركم من يبدا بالسلام تتطلعي كل اللي ف قلبك دلوقتي احسن ميكون ليها حق وتاخدو ف الاخره واهم حاجه انك اللي هتبدء وتشوف زعلانه منين وهيا رضت رضت مرضيتش براحتها اهم حاجه انك عملتي اللي عليكي
تم النشر الأربعاء، ٢٤ يوليو ٢٠٢٤
لعرض السؤال في فدني اضغط هنا