اوقات كتيرة بحس إن أنا خايفه ، خايفه اخسر الناس اللي بحبها خايفه اكبر و خايفه من المستقبل و خايفه من اي حاجه جايه
خوف من تعب و خوف من الفشل و خوف من الخساره كل أنواع الخوف
بحس بضيق لما بفكر من خساره اي حاجه من النعم بالذات الصحه
بخاف اوي وبزعل اوي على الناس الي خسرتها وبتأثر بحياه اللي حواليا واللي مش لاقيين بيت و اللي مش لاقيين اكل بزعل زياده عشانهم
و لما بكون في وقت سعيد مع عيلتي او صحابي بخاف العمر يعدي وتبقى دي مجرد ذكريات و تتنسي
الإحساس دا مش عارفه اتخلص منو
نفسي اخلص منو بأي شكل
و فجأه بحس ان خايفه حتى انام مش عايزه انام و في نفس الوقت مش عايزه افكر
بحس عقلي بيهيألي حاجات و مواقف محصلتش بس بغرض ان يخليني اخاف او ازعل او اكتئب
بحس ان عقلي ضدي بحسو جزء منفصل عني بيفكر بأسلوب سيئ و يخليني احلم احلام تدخلني في عالم تاني مش عايزه ادخله و مش عايزه اعيش اللي جواه
مش عارفه اوقف عقلي من التفكير السلبي و مش عارفه اخليه يبطل يجبلي سيناريوهات تخليني أخاف
إزاي أقدر اعمل ده عشان أنا تعبت
بقيت بصدع من التفكير بشكل كبير و بقا عندي أرق بقى النوم صعب بالنسبالي
ارجوكم افيدوني عشان انا تعبانه جداً من عقلي حقيقي م شعارفه ولا اذاكر ولا اعيش الحياه بشكل طبيعي
يَقُولُ اللهُ فى الحديث القدسي : أَنَا عِنْدَ ظَنِّ عَبْدِي بِي، وَأَنَا مَعَهُ حِينَ يَذْكُرُنِي، إِنْ ذَكَرَنِي فِي نَفْسِهِ، ذَكَرْتُهُ فِي نَفْسِي، وَإِنْ ذَكَرَنِي فِي مَلَإٍ، ذَكَرْتُهُ فِي مَلَإٍ هُمْ خَيْرٌ مِنْهُمْ، وَإِنْ تَقَرَّبَ مِنِّي شِبْرًا، تَقَرَّبْتُ إِلَيْهِ ذِرَاعًا، وَإِنْ تَقَرَّبَ إِلَيَّ ذِرَاعًا، تَقَرَّبْتُ مِنْهُ بَاعًا، وَإِنْ أَتَانِي يَمْشِي أَتَيْتُهُ هَرْوَلَةً… انتى عودتى عقلك ع التفكير بالطريقة دى .. توقع الاسوء دايما .. هتحسى بسعادة اذاى ف حياتك ؟ .. محتاجين نعمل سوفت لعقلنا وننزل برنامج التفكير الايجابى وحسن الظن بالله .. ازاى .. بالايمان والسير فى ركاب الله .. طبيعى كلنا هنفكر فى بكرا وبعدين لكن متوقعين ومتأكدين انة خير .. عيشى يومك وبلاش الاوفر ثينكج دا .. حضرتك دا شيطان هدفة يخوفنا ويعيشنا فى رعب ناسيين ان كل حاجة بايد ربنا ..
تم النشر الأربعاء، ١٨ ديسمبر ٢٠٢٤
للأسف كلها وساوس من الشيطان ليدخل الحزن على قلبك ويجعلك لا تستشعرين بأي نعمة رزقكِ الله إياها. الخوف قادر على شل الواحد وإقعاده عن السعي والحياة، ستمضي كل لحظة من عمرك دون أن تستشعري نعم الله أو تشعري بطعم السعادة. من المهم أن تسألي نفسك، بماذا سيفيدني الخوف؟ هل قلقي طوال الوقت سيغير الأقدار التي ما زالت في علم الغيب؟ وبالنسبة لابتلاءات الآخرين فالمفترض عندما نراها ندعو لهم ونحمد الله على نعمه ونقول (الحمد لله الذي عافانا مما ابتلى به غيرنا وفضلنا على كثيرٍ ممن خلق تفضيلًا) لكن حزننا عليهم لن يغير من ابتلائهم شيئًا... إن كان بيدك التصدق والمساعدة افعلي لكن الحزن وتخيل نفسك لا قدر الله تتعرضين لنفس الابتلاء فهذا خطأ. استعيني بالله وواظبي على أذكار الصباح والمساء وسورة البقرة حتى يُذهب الله عنك وساوس الشيطان بإذنه تعالى. استعيني بالله ولا تتركي نفسك لهذه الوساوس. من الغد إن شاء الله بعد صلاتك وقراءتك للقرآن قومي بإحضار ورقة وسجلي على الأقل 3 إلى 5 نعم أو أشياء أنتِ ممتنة لها في حياتك، كرري هذا كل يوم... استشعري النعمة وأنتِ تكتبينها واستشعري لطف الله واشكري الله من قلبك على هذه النعم. وكما قال عمر بن عبد العزيز (قيّدوا نعم الله بشكر الله)
تم النشر الأربعاء، ١٨ ديسمبر ٢٠٢٤
والسلام عليكم ورحمه الله وبركاته. الاحساس بالخوف والاحساس بان احنا نكون متمسكين بالاشياء وخايفين انها تضيع مننا كل دي مشاعر طبيعيه وما فيش فيها مشكله مشكلتنا ايه مع النوع ده من المشاعر ان ما فيش مشاعر ثانيه قصادها تخزنها هي دي المشكله هو ده اللي بيخلينا بين نروح للاتجاه السلبي كله ونبقى خلاص عاملين زي اللي فاضل له شويه ويغرق ويبقى في القاع احنا مش عايزين نبقى في القاع ومش عايزين نبقى على وش الميه احنا عايزين نعوم يا دوبك تحت سطح الميه ولما نحب ناخذ نفس نطلع ناخد نفس والدنيا تبقى ايه موزونه طب ازاي نوزنها خلي بالنا كويس قوي من كل حاجه بتطلع من جوانا احنا بنفسنا نوزنها يعني مثالي. انا خايفه ان انا اكبر وما بقاش صحتي زي الاول ما ينفعش اسيب الجمله دي كده الجمله دي محتاجه تتوزن لان الجمله دي ناحيه الجزء المظلم قوي قوي طب عايزين ننورها شويه نقوم مكملينها احنا بقى ونقول انا خايفه ان انا اخسر ان انا اكبر واخسر صحتي ولكن خلينا نشوف دلوقتي وانا بصحتي اقدر اعمل ايه علشان افتكر الايام اللي انا كنت فيها بصحتي وافتكر ان انا استثمرتها. كويس جدا وما ازعلش من الايام اللي انا خسرت فيها صحتي. مثال تاني انا ااا زعلان على الناس اللي مش لاقيين بيت هوقف الجمله عند هنا لا انا زعلانه على الناس اللي مش لاقيين بيت بس مطمنه علشان ربنا واخد باله من كل عباده وربنا ال- اا اللي هيراعي احوالهم حتى لو انا دلوقتي مش قادره ان انا اساعدهم او ممكن اقول انا زعلان على الناس اللي مش لاقيين اكل لكن انا ان شاء الله لما ربنا يكرمني ويرزقني اكيد اكيد اكيد هيبقى من اكثر اهتماماتي هو ان انا ادور على الناس اللي مش لاقيين اكل وباللي ربنا رزقني بيه اوفر لهم الاكل وهكذا. ده اللي هيخلينا نعمل ايه بقى ده اللي هيخلينا نقوم نتحرك في الحياه وهنا بتيجي النقطه الثانيه النقطه مهمه جدا جدا جدا عشان نتخلص من الحاجات السلبيه لازم نبدا نحط لها افعال ايجابيه مش مجرد كلام بس احنا اه هنوزن الجمل. جوانا وهنوجهها لمخنا عشان تكون موزونه ما تبقاش سلبيه بس. وكمان هنبدا نحط مضادات للافكار اللي عماله بتزيد جوانا بشكل سلبي دي لان احنا نحط لها افعال ايجابيه عشان نوريها ان الواقع في حاجات ايجابيه احنا بنوري نفسنا الشواهد لانه هذه طبيعتنا البشريه فلما تلاقي نفسك. طالع من جواكي حاجه سلبيه ابدئي اعملي انت حاجه ايجابيه علشان لو ما كانش الايجابيات موجوده في الواقع فيلا بقى دي. دي. دلوقتي اييي وظيفتك في انك تكوني من الناس اللي هيكونوا مصدر للاجابه.
تم النشر الخميس، ١٩ ديسمبر ٢٠٢٤
سلميها علي الله وكل حاجه هتتحل لله الامر من قبل ومن بعد وربنا يصلح الحال ويقدر لك الخير اللي تستاهليه وكل حاجه ربنا بيردها لنا خير وان شاء الله اللي جاي أحلى واحسن واجمل مما كنا متخيلين وممكن تستعيني بالذكر قبل النوم واول ما تحسي يقلل وخوف
تم النشر الخميس، ١٩ ديسمبر ٢٠٢٤
عزيزتي، أشعر بالألم الذي تعانين منه، وأفهم تمامًا ما تمرين به من مشاعر خوف وقلق. علينا أولاً أن نعرف أن هذه المشاعر طبيعية وتأتي نتيجة للتحديات اليومية التي تواجهينها. إليك بعض النصائح التي قد تساعدك في التعامل مع هذه الأفكار السلبية وتقليل مشاعر القلق: الإيمان والتوكل على الله : اعتمدي على إيمانك وحبك لله، وتذكري أن الله هو الذي يدبر الأمور وأن كل شيء بيده. الإيمان يساعد على تقليل الخوف. التركيز على اللحظة الحالية : حاولي أن تبقي تركيزك في اللحظة الراهنة. قد يساعدك ذلك في تقليل التفكير الزائد حول المستقبل. يمكنك القيام بأنشطة تستمتعين بها وتجعل عقلك مشغولًا، مثل القراءة، الكتابة، أو ممارسة الهوايات. تقييم الأفكار السلبية : عندما تلمسين أن لديك فكرة سلبية، حاولي أن تكتبيها ثم تراجعيها. هل هي واقع حقيقي أم مجرد تخوف؟ هذا يساعدك على رؤية الأمور بشكل أوضح. التحدث مع شخص مقرب : لا تترددي في مشاركة مشاعر القلق الخاصة بك مع شخص تثقين به، سواء كانت صديقة أو فرد من العائلة. أحيانًا التحدث عن مشاعرك يمكن أن يخفف الحمل الذي تشعرين به. التنظيم اليومي : تنظيم وقتك يساعد على تخفيف ضغوط الحياة. حددي لك جدول زمني يضمن لك فترات للراحة والهدوء بعيدًا عن الضغوط. استشارة مختص : إذا استمرت مشاعر القلق لديك، قد يكون من المفيد التوجه إلى مختص في الطب النفسي أو معالج نفسي لمساعدتك على فهم مشاعرك بشكل أعمق وتقديم استراتيجيات ملائمة لتجاوز هذه المرحلة. تذكري، من المهم أن تكوني لطيفة مع نفسك وأن تعملي على تحسين حالتك النفسية بشكل تدريجي. أنتِ قادرة على مواجهة تحدياتك، وأنتِ ليست وحدك في هذه الرحلة.
تم النشر الثلاثاء، ١٧ ديسمبر ٢٠٢٤
شكراً لحضرتك جدا 💙
تم النشر الخميس، ١٩ ديسمبر ٢٠٢٤
ماشاء الله هما كفوا ووفوا الله يباركلهم. عايزه الفت نظرك لحاجه مشاعر التعاطف جميله اوي بس ايه رأيك بدل مانخاف ونزعل تطور في نفسنا عشان نساعدهم؟. الخوف بيعمل حاجه اولها طبعا تفكيرك الكتير واخره ايه شلل عن انك تتصرفي. هتبصي تلاقي نفسك مفيش افعال. لان ببساطه الشيطان يعدكم الفقر. الفقر لحد الطاقه نفسها يفضل يضيعها منك في تفكير كتير اوي لحد ماقلبك يتقبض وحياتك تضيع. طيب حد يخاف وربنا موجود؟ واليه يرجع الأمر كله. وهو الذي يأمنك من الخوف. يعني مستقبلك وحاضر وماضيك بيد الخالق. طيب الخوف ده ممكن نحله ازاي لو مش هنروح لمختص. نصلي وندور ع كلام عن الصلاه بودكاست بقي مقالات كتب اول ماتتصلي بربنا خوفك هيقل. كمان تقري عن ربنا عن لطفه ورحمته هيطمنك جدا. اسماء الله الحسنى تفسير الآيات كمان. فتحتي طريق مع ربنا كل الخوف هيقل. وتفضلي ورا عقلك وورا الفكره لحد ماتحليلها وتقتنعي ان رب الخير لا يأتي الا بالخير حتى لو رؤيتك انتي من منظورك الصغير مش واضح ليكي الخير. كمان طرد المخاوف ع ورقه او مع حد يفهم كلامك هيقلله جدا لان الأفكار دي زوبعه في فنجان كده لازم تطلع عشان تصغر. يبقى ياتكتبي وتقولي اسوء الأفكار ايه لو حصلت يعني هيحصل ايه ربنا هيحلها وانا هسعي. ودوري يوتيوب هتعرفي كتير اوي عن. حلول الخوف. يااما يبقى ليا صاحبه قريبه او اهلي. يااما اتوضي واكلم ربنا وادعي واطلب انه يطمني ويعيني. متخافيش كلنا بنخاف مش انتي لوحدك لكن كلنا بنحاول نقلل دوري بس ع طريقه تناسبك انتي. واعرفي انك لو ذاكرتي وعرفتي تبقى نافعه ف المجتمع ممكن تقدري تساعدي حد انه يطمن ❤️
تم النشر الخميس، ١٩ ديسمبر ٢٠٢٤
لعرض السؤال في فدني اضغط هنا