انا فيا طبع تاعبني جدا، بعدي الحجات اللي بتضايقني من الناس اللي حواليا لحد م بيجي وقت كبير ممكن سنين
بكون خلاص مليت منهم حصل كده مع اختي واخويا واغلب عيلتي ودلوقتي مع جوزي لدرجة اني نفسي اطلق خلااص
وانا معايا اطفال ومش حابه اعمل معاه كده واقفل منه
بس مش عارفه بقيت خلاص قرفانه منه ومش مسمحاااه على اي حاجه قديمه عملها لدرجة اني نفسي احب واتجوز وانا مطلقتش لسه بس عندي المشاعر دي
ارجو منكم الرد
بصي مبدئياً لازم بعد كده لو في غلطات مينفعش تتعدي اتكلمي معاها مع اللي بيضايقك يعني مثلاً قوليله انت عملت كذا وكذا وانا بصراحة اتضايقت ينفع متعملش كده تاني ؟ بصي احنا مهما كانت علاقتنا ببعض مش بنعرف بعض غير بالمواقف انا مش هعرف انتي بتتضايقي من ايه ولا انت هتعرفي أنا بفرح من ايه غير لما يحصل موقف صح؟ ف لو غلطة مينفعش تتعدي او لو غلطة هتأثر في نفسيتك قوليها بشكل مش عتاب علي قد مهو بشكل بتعرفي بيه اللي قدامك الحاجة دي بتضايقني ممكن متعملهاش بالنسبة لموضوع انك مش عارفة تسامحي جوزك علي اي حاجة قديمة عملها كلنا عملنا حاجات كتير غلط و كلنا بنعمل حاجات كتير غلط بس الاهم من ده أننا نتعلم ومنكررهوش ولو هو غلط زمان و اتغير و بقي كويس معاكي عارفة أنها يمكن صعبة تنسي بس حاولي كل ما تفتكري كده افتكري الحاجات الحلوة اللي عملها وأنه اتغير عشانك موضوع الملل طبيعي بيجي علينا اي وقت بنزهق فيه أو بنتقفل من اللي حوالينا حتي لو من غير سبب ده شعور عادي بس المهم أنه لما يجي متخلهوش يسيطر عليكي ساعتها اعملي اي حاجة تشغلي بيها وقتك عشان متفكريش في الموضوع ده ، اعملي اي حاجة بتحبي تعمليها أو بتخرجك من الزعل موضوع الطلاق اتمني متفكريش فيه ولو فكرتي فيه يكون لسبب مهم وكبير جامد الطلاق ده اخر حل ممكن اي حد يوصله في حالة وجود أسباب قوية جامد مينفعش حد يتعايش معاها فكري معايا ربنا أنعم عليكي ب نعم جميلة زي العيلة والولاد و زوجك طبيعي يحصل مشاكل طبيعي يحصل حاجات كتير بس طول ما انتوا كويسين سوا و في احترام و حاجات كتير حلوة بينكو كل الحاجات دي هتعدي بلاش طلاق الا لو سبب مستحيل حد يتعايش معاه صدقيني مش دايما الطلاق بيبقي الحل ساعات بيبقي مشكله و ربنا يخليكي لعيلتك ولاهلك 🤍
تم النشر الأحد، ١٨ أغسطس ٢٠٢٤
أولًا، أنا هنا عشان أساعدك، ومش عايزة منك تحس بالوحدة في اللي بتعدي بيه. الإحساس بالتعب والضغط من الناس اللي بتحبيهم مش سهل، خاصة لو أسررت مشاعرك لفترة طويلة. حاولي تشتغلي على كذا نقطة: التواصل : حاولي تتكلمي مع زوجك بوضوح عن مشاعرك. قولي له إيه اللي مضايقك بطريقة هادية. في أوقات تانية إحنا بنركز على المشاكل وننسى نقول لبعض عن الحاجات الحلوة. تحديد المشاعر : حاولي تعملي قائمة بالحاجات اللي مضايقاك. ابنوا على كل نقطة وحاولي تلاقي حلول أو طرق لتجاوزها. العناية بنفسك : خدي وقت لنفسك. مش لازم تكوني دائمًا "الأم المثالية" أو الزوجة المثالية. افتحي مساحة لنفسك عشان تتنفسي. البحث عن المساعدة : لو حسيت إنك مش قادرة تخرجي من الحالة دي لوحدك، فكري في استشارة مختص. فهمك لنفسك ومشاعرك قد يساعدك كتير. ظروف الحياة بتكون صعبة أحيانا، بس المهم إنك تحاولي تلاقي التوازن وتحافظي على مشاعرك الحقيقية. وحاولي تحطي أولوياتك وصحتك النفسية في المقدمة.✨
تم النشر الجمعة، ١٦ أغسطس ٢٠٢٤
الحل أن تحددي كل ما يزعجك من زوجك، كل التراكمات، اكتبي كل شيء. حاولي فرز هذه المواقف، بالطبع منها ما مر وانتهى ولم يتكرر، وهنا قولي لنفسك أن للجميع أخطاء، لا أحد يخلو من الأخطاء، يعني بالطبع لكِ أخطاءك كذلك. يوجد مواقف أخرى ربما اعتذر عنها زوجك أو توقع أنه بتمريرك للموقف فهذا يعني أنه لم يترك أثرًا. بالطبع سيكون لديك مواقف غير قابلة للتجاهل، وهذه المواقف حصرًا تحدثي مع زوجك فيها وأخبريه أنك تهتمين لأمر علاقتكما، وأن طاقتك تنفد وتحاولين إنقاذ الوضع. استعيني كذلك بالدعاء وتذكري أنه لا أحد كامل الأوصاف.
تم النشر الاثنين، ١٩ أغسطس ٢٠٢٤
التراكم دا غلط جدا لازم اي حاجة مزعلاكي تتكلمي وتقولي الحاجة دي زعلتني او الموقف دا زعلني وتحطي حدود ف التعامل متسبيش الدنيا كده سداح مداح عشان الناس مش هترحمك الي يزعلك قولي عليه وبلاش تسكتي
تم النشر الاثنين، ١٩ أغسطس ٢٠٢٤
حاول ان لا تراكم مشكلات او تكتمها فالتراكمات تسبب مشاكل اكبر قد يكون النقاش مفيدا عند حصول موقف حاول الحديث بطريقة مناسبة افضل من السكون
تم النشر الاثنين، ١٩ أغسطس ٢٠٢٤
متكتميش الزعل يحبيبتي وحاولي تتكلمي مع حد قريب منك وتفضفضي
تم النشر الاثنين، ١٩ أغسطس ٢٠٢٤
لعرض السؤال في فدني اضغط هنا