دلوقتي انا في تانية كلية وفي فترة كنت بكلم واحد قريبي وواحد تاني اعرفه وواحد معايا فالكلية فريندس مش أكتر بس الكلام سؤال عن الحال وصياح برده وكده المهم عرفت ان ده حرام فمسحت ارقامهم كلهم من شهرين تقريبا ومبقاش فيه كلام خالص فاللي معايا فالكلية بعتلي النهاردة بيسأل عاملة إيه فرديت عليه قالي انتي ماسحة رقمي قولتله اه اتمسح كانه غصب عني يعني وانا عارفة ان ده مش لضرورة يعني وكلامنا اصحاب مش كلام رسمي وده حرام لانه اختلاط بدون ضرورة فمش عارفة اقوله ايه دلوقتي واعمل ايه
شكرا ليكوا كلكوا قولتله مباشرة وهو تفهم والحمد لله
تم النشر الاثنين، ١٣ فبراير ٢٠٢٣
م رأي انك تقوليله الحقيقه انك قربتي من ربنا وسمعتي ان كلامكوا حرام ومينفعش نتكلم تاني بس كدا الاختلاط حرام والكدب حرام فانتي متكدبيش وقولي الحقيقه وهو يتقبلها لانك عايزه ترضي ربنا في الاول والاخر مش هو دا رايي ي رب اكون افدتك
تم النشر الجمعة، ١٠ فبراير ٢٠٢٣
قولي له الحقيقة .. وده احسن حل صراحةً والموضوع خالص مفيهوش اي احراج ولا اي حاجة، بالعكس الحقيقة والمواجهة في الحاجات اللي زي ديه بتكون اسلم حل من اللف والدوران. وهو لازم يحترم رغبتك ع اي حال.
تم النشر السبت، ١١ فبراير ٢٠٢٣
قولى نفس اللى قولتيه ده وكونى واثقه فى نفسك وفى قرارك واللى هيحترمك هيحترم قرارك ورأيك .
تم النشر السبت، ١١ فبراير ٢٠٢٣
عرفيه بأنك مش حابه يكون في بينكم كلام لان ده مش صح ومفيش صحوبيه بين بنت وولد وانك مش عايزه الموضوع يبقا فيه حرمانيه وملهاش لازمه يكون في كلام ع الفون او سوشيال ميديا لان ممكن الي انت عايزه تقوله وسط زمايلنا ف الكليه بس هيزعل وارد جدا بس ع الاقل ضميرك مرتاح ومبسوطه انك مبتعمليش حاجه غلط الحمد لله وربنا يثبتك يارب
تم النشر الجمعة، ١٠ فبراير ٢٠٢٣
انا شايفه أنك لو خدتي اسكرين لسؤالك ده هو هيفهم وجهه نظرك وتقوليلو انك هتعملي بلوك عشان خاطر كده ♥️
تم النشر الاثنين، ١٣ فبراير ٢٠٢٣
ولا غريبة الأطوار ولا حاجة هو بس هيلاقي رسائله مش بتوصلك ولو محترم هيبطل يبعت من نفسه (والحقيقة مفيش واحد محترم هيبعتلك علشان يسألك عاملة إيه كأنه بيكلم أخته من الرضاعة) ولو مش محترم فمش مهم اللي يقوله عنك .. وعموما هناك أيضا خاصية في الواتس اسمها Mute notifications
تم النشر الجمعة، ١٠ فبراير ٢٠٢٣
تمام بس فكرة إنه معايا في كذا تيم تبع الكلية أنا عمري ما تكلمت معاه فيس تو فيس بس بشوفه عادي فاني اعمله بلوك بدون سبب هيبقى واخد انطباع عني اني غريبة الاطوار غالبا فمردش عليه بس ولا اعمل حاجة تاني
تم النشر الجمعة، ١٠ فبراير ٢٠٢٣
أنت عملتي الصح فكملي فيه ومترديش عليه تاني علشان مايجركيش معاه لسكة لا تحمدي عقباها واعملي له بلوك نهائي
تم النشر الجمعة، ١٠ فبراير ٢٠٢٣
لعرض السؤال في فدني اضغط هنا