ف نا تعبت امي ديما بتفرق بيني وبين اختي وكذا مره تزعقلي وانا في الشارع عشانها وديما بتبديها عني في كل حاجه ممكن تتوقعوهو هي بتعاملني وحش اوي مع ان انا الكبيره هي مش مخليه اخواتي اصلا يحترموني خلتني اكرهم بسبب التعامل بتعهم ليا وهما بيعملوني وحش وهي كمان وقدام اي حد بتقللل مني وبتكبر من اختي اكتر مع ان والله العظيم انا اللي شيلاها في كل حاجه وبعملها اللي هي عايزاه قبل كده خالتي قعده تتكلم معايا ف انا قولتلها ياخلتو هي ديما بتخلي اختي احسن مني في كل حاجه وبدأت احكيلها المواقف بيني وبينها وهي تقولي انا هقولها وانا اقول لاخلتي لا هتزعقلي اني حكتلك وفعلا امي مبتسكتش قبل كده صحبت امي كانت قعده وماما زعقتلي قدمها وفضلت تقولها ان اختي بتعمل ومريحاها وديما كانت بتزعقلي انا ف صحبت ماما بصت لماما وقلتلها انتي بتعملي الكبيره وحش المفروض تخلي اخوتها يحترموها مش يعملوها والله انا تعبت بجد وهنتحر انهارده اصبح اختي صحتني من النوم قالتلي تعالي معايا المدرسه عشان تجيب الشهاده وصحتني في وقت بدري وانا متكلمتش قولتلها ماشي ف زي مانتو عارفين انا سبت دراستي عشان ماما مكنتش بتصرف عليا ومحدش كان مهتم بيا غير ان انا كان عندي حاله نفسيا بسبب. انفصال ابويه وامي والفضايح اللي كانو بيعملوهالي في المدرسه وان ابويه مبيسألش اصلا لحد دلوقتي عليا انا بقالي اربع سنين قعده من المدرسه ف كنت لما اقول لماما يماما عايزه اروح اكمل هي كانت تزعقلي لحد دلوقتي بتزعق لما بجيب سيره الموضوع ده وانا لما قعدت كان عشانها وعشان المصريف كانت كتير عليها ومكنتش قادره تعلمني ف لما سقطت في سنه اوله اعدادي جوز ماما كان بيتريق عليا والدنيا كلها كانت بتتنمر عليا ف حاليا انا نفسي ارجع المدرسه ف اخدت اختي وروحنا نشوفلها الشهاده وبعد كده قولتلها تعالي معايا نروح مدرستي انا كمان اسحب الملف بتاعي عشان اوديه مدرسه تانيه وكده ف البت فضلت تقولي لا والكلام ده وانها عايزه تروح وانا مينفعش اسيبها تروح وهي كانت معايا لازم زي ما نزلنا مع بعض نطلع مع بعض ف هي فضلت تشتمني وانا والله سكته وبتكلم في دماغي مع نفسي واقول هي هتسكت دلوقتي مش هتشتم تاني وهي مكمله وعماله تقولي ياله اخلصي واحناه بعد ما مشينا نص الطريق عشان اروح المدرسه بتعتي وهي عماله تتكلم وحش وبعد ما كنا متفقين انناه مش هنركب عربيه وهنشرب عصير واحنا مروحين من مدرستها قالتلي مش هشرب زفت علي دماغك وكانت عماله تكلم بأسلوب وحش انا زعقتلها وقوللتها احترمي نفسك انا سكتالك والناس بصه علينا اسكتي وهي مش ساكته واتقمصت روحنا المدرسه ملقنهاش فتحه ف قمت قولتلها ياله نمشي ونشرب عصير هي اللي كان معاها الفلوس اللي احناه مركبناش عربيه عشان نوفر ونشرب عصير قامت قيلالي لا مش هنجيب حاجه وانا براضيها وعماله اقولها ياله بقي طلعي عشان نشرب عصير الجو حر ف ماما رنت بتقولي انتو فين قولتلها قربنا علي البيت ف وانا بقفل الفون مع امي البت كانت بتزعق وتقولي مش هنجيب حاجه وراحت وقفت عند واحد بتاع عصير جبتلي لوحدي قولتلها اشربي وهاتي وبهزر معاها وهي تشتم وتزعق وانا كل خوفي تقول لماما اني روحت المدرسه امي هتزعق ف حاولت اراضيها وكنت تعبانه وانهارده اول يوم في الحاجه اللي بتيجي للبنات كل شهر وانا بكون مدايقه وتعبانه ف قولتلها اشربي شويه عصير هي تزق ايدي قدام الناس وتقولي مش عايزه حاجه من وشك اطفحيها قمت شاربه شويه عشان الناس مركزه معانا ومع تعملها ليا ف بعد كده روحناه البيت عند تيته لانناه يعني اسبوع عند تيته واسبوع في بيتنا وكده ف الشقه بتاعت تيته كبيره اوي ومحتاجه ان حد يساعدني وانا بروق ف قمت ومسحت الشقه وشلت السجاد وخلصت كل حاجه امبارح ومحدش ساعدني وبعد كمان ما خلصت بيتريقوا ومحدش بيقولي حتي تسلم ايدك وانا برضو في البيت عملت مل حاجه قبل ما نروح عند تيته وامي مخليه اختي قعده متعملش حاجه وماسكه الفون وهي واختي قعدين وكمان بتهزق ومحدش بيقولي تسلم ايدك وبيتريقوا علي تنضيفي مع اني والله العظيم كلو اي حد لما بيشوف تنضيفي بيقولي تسلم ايدك انتي انضف منهم ف بعد ما خلصت عند تيته الشقه كلها لما روحت من المدرسه مع اختي بعدجاللي حصل في الشارع لقيتها طلعت وسابتني تحت في الشارع وانا كنت بجيب برشامه مسكن لاني تعبت اوي وهي تقولي مش هديكي فلوس تجيبي ياله نطلع ف قولتلهت هاتي تقولي لا ادتني 5ج دخلت الصيداليه قولت للدكتوره عايزه مسكنه ف قالتلي مفيش فكه خوديها وابقي هتيلي الفلوس لانها شيفاني تعبانه وهيغمي عليا ف خدتها ومشيت ولما طلعت لقيتها خدت امي ودخلت علي جوا قولت يارب ما تقولها راحت وحكتلها وبعد كده امي نزلتها تجيب حاجه من تحت وانا كنت ف الاوضه بغير هدومي ودخلت عملت كبايه نعناع لاني تعبانه بشرب النعناع لقيت امي دخلت تهزقني وتقولي انتي مش هتبطلي الاقرف والزعيق مع اخواتك في الشارع قولتلها مزعقتش هي اللي زعقت قامت قيلالي انتي بتتعملي معاها وحش وبتتكلمي في الفون حلو قولتلها لا انا متكلمتش في الفون اصلا والله فضلت تزعق تقولي متنزليش تاني معاهم يبت انتي قولتلها حاضر بعديها بشويه دخلت قالتلي انزلي هاتي فطار وهي شيفاني تعبانه ونايمه علي السرير بشرب نعناع عشان يسكنلي بس قولتلها حاضر ولبست ونزلت ف الشمس تاني عشان اجبلها ف هي كل لما انزل اجيب حاجه تتصل بيا وتقولي جبتي اقولها اه بجيب تزعقلي وتقولي قولي للراجل انا بقوولها في ناس غيري هي قامت قيلالي اخلصي يا متخلفه وزعقت وقفلت وكل يوم لما انزل اجيب حاجه علي كده طلعت ف قالتلي ادخلي اعملي الشقه قولتلها حاضر تيته قالتلي نزلي كل حاجه ف التلاجه ونضفي التلاجه شلت كل حاجه وروقت التلاجه ف قامت قيلالي روقي بقي ف ببص علي البت لقيتها نايمه وانا بعمل كده ده وانا تعبانه وهما عارفين ف قمت قيله لامي هي نايمه ليه قالتلي عشان منمتش من امبارح قولتلها ايوه لو انا اللي كنت منمتش من امبارح وجيت ومعملتش ونمت هتسبيني صح وزعقت لاني اتخنقت قامت قيلالي خلصنا وبعدين اتكتمت وسكت ف قبل ما اروق لما طلعت بعد ما جبت الفطار البوابه قالتلي متخليش اختك تطلع حد معاها في الاسنسير عشان مبيبقاش ناس نعرفهم وانا خفت عليها قولتلها حاضر ياطنط لما طلعت قولتلها مطلعيش حد في الاسنسير معاكي عشان محدش يعملك حاجه قامت امي تقولي اسكتي ف البت قالتلي اتكلمي قامت امي قالتلي اتكلمي قولتلها مش متكلمه انا غلطالنه وانكتمت ف بعد ما الموضوع كلو خلص وبعد ما روقت البيت امي قالتلي خدي اخوكي وديه عند ابوه وهاتي الحاجات اللي هو جيبها وانتي جايه ف روحت عند جوز ماما اللي هو ابو اخويه بس ماما مطلقه منو وكده ف كان جايب حاجات وكده ف اخدتها ف جوز ماما كلمها في الفون بيقولها هي مالها شكلها مدايقه قامت قيلالو لا هي بقلها كام يوم سرحانه وماشيه زي الهبله 💔😭ف قفلت وهو بيقولي مالك وكده قولله مفيش ف قام اخويه حكالو اني مرطبته اخويه عندو 8سنين بس هو جرئ ف قولتلها انشاء الله هيبق يجي يخطبني قالي ورهوني انا زي الحماره وريتو الصوره فضل يتريق علي الشخص اللي بحبه ويقولي وحش يلهوي ده انتي لو اتخطبتي انا مش هاجي الخطوبه شكلو وحش اوي انتي احلا ده احناه قولنا ان انتي اللي عشان حلوه هتجيبي واحد حلو ف قولتله خلقت ربنا محدش يكلم عليه وحش خلقت ربنا ف فضل يتريق عليه وكده ويقولي ده ودانو كبيره وعندو ضب ده معفن وكده انا كنت هعيط بس مسحت دموعي عشان ميخدش بالو ومشيت ف امي اتصلت تزعق وتقولي انتي يبت انتي فين انتي مبتفهميش قولتله جايه ومن كتر زعقها ليا كل يوم لما انزل اجيب طلب بقيت ابعد الفون عن ودني عشان مسمعش كلامها وبعد كده روحت واحناه علي الاكل زي كل يوم تفضل اختي تمثل قصاد تيته وتتريق عليه وتقولي مالك وامي تضحك وتقولها نكديه وعمالين يبصولي وحش ويتريقوا زي كل يوم ومثلا لو اختي بتشحن فونها وانا اخدت الشاحن تقولي سيبيه انا هشحن السماعه اقولها طب فوني فاصل تقولي مليش دعوه وامي تزعقلي عشنها وتقولي سبيه وانا مثلا بخلص اللي ورايه كل يوم وبعد كده اقعد اتفرج علي مسلسل والاقي الفون رن صحبتي او اي حد يفضلو يقولو دي ماسكه الفون ليل ونهار ويقلو مني قصاد اي حد معايا في الفون انا والله العظيم بتقطع من جوايا انا فوني لما جبته كان معايا هاند فري عادي سلك ف كانو كلهم بيمسكوا ومحدش كان بيسيبو والبت كنت سيباهولها 24ساعه معاها وحاليا السماعه باظت منها بقالها شهر او اقلل بس انا بسكت ومبتكلمش بعد كده كان معايا بقالي كتير سماعه البلتوث ف هي بقت تخدها وبقت تشغلها لنفسها وانا متكلمتش ف بقولها دلوقتي هاتيها شويه تقولي لا قصاد امي وتيته واخويه ف بقول لاخويه هاتلي السماعه حبه يقول لاختي انا هسمع كلامك واقولها لا وامي تقولي مش هتدهالك احناه هنام قولتلهم محتجاها يقلولي لا ف سبتها ومشيت ف البت كل شويه تيجي تقولي تفحطي الاكل اللي اكلتهولك عشات هي سخنت الاكل وحطتو وانا قعده في البلكونه البت شويه تيجي تقولي تتفحي الاكل الهي ترجعي دم دلوقتي وعماله تشتم وتدعي عليا ودلوقتي امي قامت تقول الشقه عليكي ولا علي اختك انا من جوايا ضحت قالتلي انا هخليها تقوم تروق الصاله وانتي اعملي المطبخ دخلت مقلتلهاش حاجه وانا دلوقتي المطبخ علي بعضوا وهعمله والتاني قامت تتعمل ماسك علي وشها والمسك والكلام ده انا مبعملهوش ولو عملته يقولو اني بقلد اختي. ال هي 17سنه وانا 19االلي المفروض تحترمني
تم النشر الاثنين، ١٠ يونيو ٢٠٢٤
😔 إنتي منين يا روح الروح؟ أقدر أساعدك إزاي؟ دعم مادي أو نفسي أنا ماعنديش مانع من الإتنين، لو موافقة ممكن تكتبيلي في التعليقات وهنمسحهم عادي بعدها. اسمعيني هقولك حاجة... كتير منا ممكن مايكونش عايش العيشة اللي هو عايزها، كتير منا بيكون مظلوم بجد، مظلوم من أهله، من شريك حياته، او هو ظالم نفسه. مهما كان الأهل اسلوبهم عامل ازاي او شكلهم ايه احنا ماينفعش نعمل غير حاجة واحدة.. هي حاضر، ماينفعش دينيا وأخلاقيا غيرها ومُحاسبين عليها لو ماعملناش حاضر دي ربنا هيزعل مننا وماينفعش نزعل ربنا عشان هو اهم حاجة ولولا وقفته معانا هنضيع، فنرضيه بكل الطرق عشان يقف معانا وفي عز الصعب يهونه علينا ويخلينا جبال واقفة. وأهلك ربنا اللي هيحاسبهم، هو أعلم بنواياهم يقصدوا كدا ولا مايقصدوش، عارفين كدا ولا مايعرفوش، على علم ولا على جهل، هم وربنا مالكيش انتي دعوة. ماما ضربتك قدام الناس.. معلش حقك عليا ادخلي اتوضي وصلي ركعتين، جوزها زعلك.. معلش حقك عليا اظبطي المنبه على صلاة الفجر وقومي صليه. قولي نعم وحاضر، اصل أهلك هنعملهم ايه؟ ماينفعش نحاسبهم غلط، ربنا اللي يحاسبهم وخليكي معاه ولما تحسي انك معاه.. مش هيفرق معاكي حاجة هيبقى كل همك انك ترضيه.
تم النشر الاثنين، ١٠ يونيو ٢٠٢٤
حبيبتي، أولاً، أنا آسفة إنك بتمري بكل ده، وانك بتحسي بالضغط والحزن بالشكل ده. مهم إنك تعرفي إن في ناس هنا علشان يساعدوك، وانا منهم. لازم تتكلمي مع حد تحسي انه ممكن يفهمك ويسمعك كويس، سواء كان قريب او صديق، أو حتى تتكلمي مع مستشار نفسي أو مدرب حياة. المهم إنك تفضي اللي جواكي وتلاقي الدعم اللي محتاجاه. مبروك إنك بدأتي تكتبي وتحكي لي، ده أول خطوة مهمة. ثانياً، تذكري إن حياتك قيمة ومهمة جداً، ومشكلتك مع أمك وأختك ومعاملتهم ليكي هي جزء صغير من حياتك، مش لازم تتحكمي في مستقبلك. انتي تستحقي تعيش حياة سعيدة وتحققي أحلامك. تعالي نحاول نلاقي شوية خطوات تقدري تبتدي تاخديها: البحث عن استقلالية: حاولي تفكري في خطوة لاستقلالك، سواء كان ده بإنك تلاقي شغل صغير أو تتعلمي حاجة جديدة تساعدك تستقلي. تكلمي مع حد في العيلة تحسي انه ممكن يسمعك: زي خالتك أو حد تاني من العيلة اللي تقدري تثقي فيه. حافظي على صحتك النفسية والجسمانية: حاولي تخصصي وقت لنفسك تعملي فيه حاجات بتحبيها، سواء كانت تمارين رياضية، قراءة، أو حتى خروجة بسيطة مع صاحبتك. جدي وسائل لمواجهة التوتر: حاجات زي التأمل، والتنفس العميق، وممارسة الرياضة البسيطة زي المشي، كل دي حاجات ممكن تساعدك في مواجهة الضغط النفسي. التفكير في العودة للتعليم أو الشغل: حاولي تستشيري حد يساعدك في التخطيط للمرحلة القادمة في حياتك، سواء كان دراسة أو شغل. لازم تفتكري دايماً إنك مش لوحدك، وفي ناس كتير بتمر بحاجات مشابهة. المهم إنك تبدأي تاخدي خطوات صغيرة عشان تحسني من وضعك وتلاقي السعادة اللي تستحقيها. أنا هنا دايماً لو حبيتي تتكلمي.
تم النشر الاثنين، ١٠ يونيو ٢٠٢٤
واوعي تشيلي موضوع الدراسة ده من بالك خليه هدف قدامك وانك تكوني ناجحه ومتتضتيقيش ربنا هيعوضك عن كل ده والله الواحد ليه 24 قيراط انتي ممكن تتكلمي معاها وتصارحيها بجد أكيد في سبب للي بتغملوا كل ده هو ممكن للأسف كل ام تفرق شوبه يعني تحب الابن اكتر من البنت او الصغير متدلعه اكتر كدا لكن الي بتعمل كدا واكنها مش خايفه عليكي يعني هلي كلامك مش شايفه إنها ليها معاكي مواقف حلوه قبل كدا اعتقد فأكيد في سبب مفيش ام بتعمل كدا مع بنتها الا لو في حاجه لازم نعرفيها اضغطي حتي عليها اسأليها ليه بتعملي كدا وحاولي تتعلكي تو تشتغلي وتدخلي المدرسه من تآني متزهقيش ولو حد بيتكلم معاكي بطريقه وحشه اي حد متسكتيش انتي مش قليله علميه ازاي تتكلم معاكي كويس ومتدخليش امك فالموضوع ربيها انتي علي الاحترام والادب وممكن تفصلي شويه معلي ممامتك تلين شويه يعني تروحي عند خالتك مثلا شكلها كويسه يعني لو ينفع او حاولي تلاقي ابوكي وتحكيله لو هو هنا لازم حد يتكلم معاها و متزعليش وأكيد ربنا هيحلهالك من عنده انتي بس ادعي ❤️
تم النشر الاثنين، ١٠ يونيو ٢٠٢٤
بصي آنتي كان لازم تفضفضي من زمان وعندك حق طبعا تعملي كدا إنتي مش قليله عشان يحصل معاكي كل ده ومتضعفيش بليز خليكي قويه و صامده واوعي تفكري ففكرة الانتحار وقربي من ربنا وصلي وسيبك من الارتباط دلوقتي والكلام ده مش هينفعك حاجه وممكن يضايقك اكتر اصلا وممكن هو نفسو يشوف الوضع ويرخم او يتريق فركذي واوهي
تم النشر الاثنين، ١٠ يونيو ٢٠٢٤
لعرض السؤال في فدني اضغط هنا