أنا بشوف حاجات وحشه وبعمل فنفسي حاجات وحشه من زمان تقريباً من وأنا عندي 17 سنه كنت وقتها معرفش اي اللي بعمله إللي بيحركني كان الفضول وكنت عاوزه اي ده وياريتني ما عرفت لحد ما بقى الموضوع بالنسبالي إدمان ولما بقى عندي 19 والدتي عرفت اللي بشوفه وحسيت إن دي اشاره من ربنا ابطل واتوب وفعلا تبت وبعدت وماما ساعدتني ونصحتني وابتديت اصلي وأحاول اقرب من ربنا وكنت سعيده حرفياً والله
عدى عل كده سنتين تقريباً بس من فتره رجعت فجأه لقيت نفسي ببعد عن الصلاه افوت فرض اتنين لحد متراكم عليا فروض وبعد كده بطلت أصلي لدرجه إني مش عارفه ارجع اصلي تاني حاسه بتقل الصلاه حرفياً كأن فيه حاجز بيمنعني وبالتالي رجعت للقرف اللي كنت بعمله تاني فنفسي أنا مقروفه من حياتي ومن كل القرف إللي بعمله فنفسي
أنا عارفه أنه حرام اللي بعمله ساعدوني ارجوكم عاوزه ابطل والله العظيم عايزه ابطل عاوزه ارجع اصلي تاني أنا والله والله حاولت ابطل وكل ما أحس إني خلاص بطلت تيجي لافته وارجع لنقطه الصفر أنا بضيع وحساني بغرق ومش عارفه اعيش حياتي بشكل طبيعي ليه ليه بيحصل فيا كده ليه مش ببعد عن القرف ده عشان أعرف اعيش حياتي في رضاك يا ربي ليه بعمل فنفسي كده ليه بغضبك ياربي مني
سامحني يارب يارب ابعدني عن الطريق ده ارجوكم ساعدوني ارجوكم من غير ما أرجع للطريق ده لأني والله تعبت خايفه اموت وأنا بعمل فنفسي كده عاوزه اتوب
الصحبة الصالحة هي أول خطوة في هذا الطريق، فالإنسان في حاجة لمن يكون عونا له على مواصلة الطريق وإن سقط يجد من يمسك بيده ويسحبه للأمام .. جدي لنفسك صحبة صالحة تعينك وتدعمك .. وإن لم تجدِ فاصنعيها بنفسك بأي صورة من المسجد .. من دور التحفيظ وغيرها من الأماكن التي ستجدي فيها من يعينك ويدعمك .. ثانيا لاتجلسي لوحدك بتاتا فالوحدة هي الطريق الذي يسحبك منه الشيطان لفعل هذه الأمور .. اجلسي مع أهلك دوما.. وإن كان لديكي حاسوب فضعيه في غرفة المعيشة واستخدميه هناك .. تخلصي من هاتفك ذو التطبيقات واحصلي لنفسك على هاتف بزراير كما يقولون .. تخلصي من كل ما يسحبك لهذا الطريق .. أما عن الصلاة فاطلبي من والدتك أن تناديكي عند كل صلاة لتصليا مع جماعة .. وإن رفضتي فلتسحبك بالقوة .. ولا تتركك حتى تنهضي .. اطلبي منها العون فهي خير معين لك بعد الله .. اقرأي في سيرة النبي والصحابة فهي ستمدك بالطاقة اليومية .. واجعلي لنفسك وردا قرآنيا ولو آية تقرأينه وتبحثين عن معناها وتفسيرها .. وليكن القرآن دائرا ليل نهار في بيتكم فهو يرقق القلب ويحميه .. واخيرا ادعي دائما بالهداية لنفسك في الصلاة وفي الليل والنهار .. واطلبي من كل من يعرفك أن يدعو لك ولا يفارق دعاء اللهم اجعلني مقيم الصلاة ومن ذريتي لسانك .. اسأل الله أن يباعد بينك وبين خطوات الشيطان ويقرب بينك وبين كل ما يحب الله ويرضى عنه
تم النشر الثلاثاء، ١١ فبراير ٢٠٢٥
بصي ياجميل اولا اهدي الانفعال الزايد ده مش بيحل المشكله. طيب انتي بتقولي انه إدمان يبقى ده بيحصل بشكل كبير بدليل بعدك عن الصلاه. الموضوع عامل زي المنحنى ولازم تتعاملي معاه كله. بمعني ايه داخليا يخليكي تعملي كده؟؟ ايه هو الشعور اللي بيوديكي هناك؟؟ في مشاعر كتير جدا منها الاحساس بالفشل منها اني مليش علاقات حميمه كويسه زي صاحبه او ماما او اخت. زي احساس بالدونيه من بعد الفعل ومع الوقت النفس بتروح هناك كإنها معاقبه للنفس؟ بتحسي بالذنب تجاه اي حاجه في حياتك؟.اكتشفي الشعور عشان نقلله وبالتالي مش هيزقنا هناك. ثانيا الحاجات ماديه منها انك ماتقعديش لوحدك فترات طويله. ماتفتحيش اللاب مثلا غير وانتي قاعده مع اهلك. تنامي والفون بره الاوضه. اتعودي تقومي من النوم تاخدي شاور بيخلي الجسم نشيط وبيجدد طاقتك. والمهم انك تدوري ع سبب للمتعه ليكي زي الرسم مثلا او انك تعملي رياضه المهم ان يكون العائد فيه اسعاد ليكي. ولو عرفتي تساعدي اي حاجه من صدقه او تقديم خدمه متعرفيش ده بيعلي قيمه النفس ازاي. تحسيه كلام بعيد عن الفعل ولكن هي الدايره كلها كده ع بعضها شكليها براحتك. بس ماتمسكيش الذنب لوحده بس. وطبعا الصله بالله جميله بس مشي فيها خطوه خطوه. ومعلش اه الصلاه بتبقي تقيله بس لو معرفتيش تجيبي السنن هاتي الفرض بس. واعرفي ان ده كمان بيقدمك خطوه. ومعاها الدعاء بقي بيزيدك قوه. انك تطلبي من ربنا الاعانه وهو صاحب العون ♥️ واخيرا ماتشوفيش نفسك وحشه. انتي حلوه بس بتغلطي و مع كل غلطه توبي وحاولي تاني ماتخليش الشيطان يقنعك انك وحشه وانك مش هتقدرى. وواضح من كلامك انك صادقه وده اهم شروط في التوبه بعده التنفيذ. ربنا يقويكي ياجميله❤️
تم النشر الثلاثاء، ١١ فبراير ٢٠٢٥
أبحثي عن الصحبة الصالحة لأنها مهمة جدا جدا وهتلاقيهم في تحفيظ القرآن في المساجد حتى لو مش هتحفظي قرآن هناك بس الزمي الصالحين اما في الصلاة فأبدأي صلي وخدي القرار وادعى ربنا بالهداية فهو الي يقدر يسوق ليكي الهداية من حيث لا تحتسبي ولا تدري جت ازاي بس ابدأي بس...شوفي حل وابدأي وافتكري ان علاقتك بربنا أهم من كل حاجة وان احنا اتخلقنا عشان نعبد ربنا مش عشان الدنيا ولا اي حاجة... مينفعش اخر حاجة نشتغل عليها تبقى هي العبادة وعلاقتنا بربنا... الحياة كلها مشاكل وكلها هموم واحنا كلنا أصحاب معاصي فاثبتي على صلاة مهما كان ومتتركيش الصلاة عشان ذنب ولا ذنبين ولا عشان مشكلة فولانية ولا انا تعبان وجددي التوبة وحاولي دايما انك تقربي من ربنا وخدي بالأسباب واسعي لأن علاقتنا بربنا أهم حاجة مفروض نشتغل عليها
تم النشر الثلاثاء، ١١ فبراير ٢٠٢٥
أول وأهم حاجة انك تتقبلي الاحتياج الفطري وتعرفي ان دا مش عيب ومش خطأ ولا حرام، ولكن . . كل احتياج له طريقة حلال ومشروعة واحتياجك دا يلبى بالزواج . . طيب لحد ما تتجوزي تعملي ايه؟ متقعديش لوحدك. غيري الروتين اليومي، جددي نمط يومك. العبي رياضة. اخرجي واشتركي في أنشطة جماعية. اكتشفي مهاراتك ونميها قراؤة، كتابة، رسم . . . الخ. لما تيجي فكرة في دماغك أو رغبة، قومي اعمليأي حاجة اشغلي نقسك لمدة ٣ دقايق بس هتلاقي الفكرة بعدت. وكل دا يصاحبه دايما الدعاء وطلب العون من الله. هوني على نفسك يا جميلة🌱
تم النشر الثلاثاء، ١١ فبراير ٢٠٢٥
الشيطان اللي بيقولك ان مثلا شوفي دا بيعمل كذا وكذا ومحصلوش حاجه، وانتي بتصلي، ودخل في رأسك وساوس، وانتي كل ما الفكره دي تيجي في رأسك، قولي أعوذ بالله من الشيطان الرجيم، وقومي صلي ركعتين واستغفري، ومتتبعيش الشيطان لانه زعلان ومتغاظ انك رجعتي لربنا
تم النشر السبت، ١٥ فبراير ٢٠٢٥
عزيزتي، أقدر مشاعرك وما تمرين به، وأعلم أن الخوض في مثل هذه الأمور قد يسبب قلقًا شديدًا. أولاً، من المهم أن ندرك أن العودة إلى الله سبحانه وتعالى ليست بالأمر السهل، ولكنها ممكنة، وهي خطوة نبيلة تستحق الجهد والتضحية. التوبة الصادقة : يجب أن تكون توبتك نابعة من القلب، وهذا يتطلب الإخلاص في النية للتخلي عن المعاصي. يمكنك أن تتوجهي إلى الله بالدعاء وطلب المغفرة بتواضع، وتؤكدي له أنك عازمة على التغيير. الالتزام بالصلاة : حاولي وضع خطة لتنظيم أوقات الصلاة. يمكنك البدء بالصلوات الخمس، وبلطف تحفزي نفسك للصلاة من خلال تذكير نفسك بفوائدها وإيجابياتها. يمكن أن تستعيني بمؤقت أو تطبيق على هاتفك لتذكيرك بمواعيد الصلاة. المحيط الإيجابي : حاولي أن تتواجد في بيئة تشجعك على الخير. اجتنب الصداقات أو الأماكن التي تدفعك إلى الرجوع إلى ما كنت تفعلينه. تواصلي مع أشخاص إيجابيين يحفزونك على الالتزام بنفسك. استبدال العادات السلبية : ابحثي عن أنشطة جديدة تشغل وقتك، كقراءة الكتب، أو ممارسة الهوايات، أو المشاركة في الأنشطة الاجتماعية المفيدة. يمكنك أيضًا استغلال الوقت لصالحك من خلال تعلم دينك والتعمق فيه. الدعاء والتقرب إلى الله : اجعلي للأذكار والدعاء جزءًا من يومك. يمكنك قراءة القرآن ومحاولة فهم معانيه، فهذا سيساعدك على التقرب من الله ويعطيك فرصة للتفكر في شتى الأمور. الإستعانة بالمختصين : إن شعرت أن الأمر يزداد صعوبة، يمكنك التواصل مع مختص نفسي أو داعية ثقة لتقديم الدعم والمشورة. تذكري أن التغيير يتطلب الوقت والصبر، ولكن دائماً ما هناك فرصة للرجوع. لا تيأسي من رحمة الله، فهو غفور رحيم، ويقبل توبة عباده. أسأل الله أن يوفقك ويعينك على التغيير إلى الأفضل.
تم النشر الثلاثاء، ١١ فبراير ٢٠٢٥
كل اللي اقدر انصحك بيه مهما يحصل جددي التوبه بعد كل ذنب يعني لما تعملي ذنب تستغفري وتوبي بنيه عدم الرجوع تاني وادعي ربنا ومتزهقيش لأن ربنا لا يمل بالعكس ربنا بيفرح لما بنتوب ليه ومهما كان الذنب كبير ربنا هيغفر وحفظي علي نفسك متخليش الموضوع يطور اكتر من كده عشان في مواقع شات تاني بيكون فيها أمور اسوأ خلي بالك عشان فضولك ميوقعكيش مع حد مبيعرفش ربنا ويستغل ضعفك عشان واضح أن كل حاجه عندك فضول اجتنبي الشبهات بعد كده واستمري في التوبه لأن الموضوع مش سهل زي اللي بيشرب مخدرات مبيعرفش يبطل حتي لو فضل فتره مبطل بيرجع تاني صبري نفسك لغايه ما ربنا يكرمك وتتجوزي انا كلمتك بواقعيه
تم النشر الثلاثاء، ١١ فبراير ٢٠٢٥
ده شيطان وشاطر نقدر نبعد تاني وثالت بيكون في عزيمه وإرادة عندنا اننا هنحاول مش نيأس طبعاا نمنع القعده مع انفسنا نشغل اوقاتنا بالقرآن إن شاء الله ربنا يغفر لكم
تم النشر الثلاثاء، ١١ فبراير ٢٠٢٥
ربنا غفور رحيم توبي لربنا وبدأي اسمعي تفسير القرآن واشغلي وقتك حاولي تعملي حجات بتحبيھا ھواية مثلا واسمعي دايما مشايخ واعرفي فضل العبادات
تم النشر الثلاثاء، ١٨ فبراير ٢٠٢٥
لعرض السؤال في فدني اضغط هنا