حبيبتي أنا معملتش حاجة 🤍 وانتي ذوق وعسل و هتتغير و هتبقي أحسن واحسن ربنا يوفقك في حياتك اللي جاية يقلبي
تم النشر الأربعاء، ٣ يوليو ٢٠٢٤
لو تتخيلي انا حبيتك ازاي وبدعيلك مش،هتصدقيني بجد حقيقي انتي جميله وهشوف المسلسلات والكتب ويمكن كل حاحه تبقي احسن واكيد ربنا بعتك ليا مخصوص وبعتني علي الابلكيشن ده صدفه علشان انزل حاجه زي دي واول مره اعملها علشان انتي بالذات تردي عليا واسمع كلامك وحاسكي فاهمني جدا حقيقي ربنا يبارك في عمرك ويرزقك بكل حاجه حلوه في الدنيا وفي الاخره كمان ويارب يحبب فيكي خلقه كمان وكمان ❤❤❤❤❤❤❤❤💋 + بصراحه قرارت اني ابعد فعلا ويبقي الكلام علي القد وبدات ده من امبارح بقي 🥰
تم النشر الأربعاء، ٣ يوليو ٢٠٢٤
ربنا يفرج كربك يا رب ويهدي أهلك ويصلحهم يا رب ويرزقك بصحاب كويسين و ناس لطاف زيك
تم النشر الأربعاء، ٣ يوليو ٢٠٢٤
ممكن ارشحكلك مسلسلين كوري كده حلوين هيعلموكي كتير اوي ، اسمهم ( تزوجي زوجي ) والتاني ( المرأة القوية دو بونغ سون ) قصتهم حلوة جدا جدا ، المسلسل الأول هيعلمك إزاي تبقي قوية و تتعاملي مع اللي بيضايقك بذكاء ، التاني بيحكي عن بنت عندها قوة خارقة بس مامتها بردوا بتنبذها و بتميزها عن اخوها شوفيهم هيعلموكي كتير
تم النشر الأربعاء، ٣ يوليو ٢٠٢٤
حاولي تفصلي نفسك وتعزلي نفسك عن مامتك وأخواتك أنا مش مرتاحة وأنا بقولك ده بس قربك الشديد منهم هيضغط عليكي جامد حاولي تقللي الاحتكاك بيهم ، زي ما قولتلك ممكن تقنعيها تنزلي كورس أو تلعبي رياضة ولو موافقتش روحي كلمي باباكي شوفي مين بيقنعها وروحي كلميه ممكن خالتك جدتك أي حد تعرفيه المهم تروحي مكان يخرجك من جو البيت الخانق و تتعرفي علي ناس أكثر وكده ده هيفيدك جدا جدا جدا وخليكي مصرة علي اللي انتي عايزاه لغاية ما يزهقوا ويقولولك ماشي 😂
تم النشر الأربعاء، ٣ يوليو ٢٠٢٤
بجد انا زعلانة لزعلك وللي بتمري بيه بجد يمكن انتي شخصية جادة بتحبي تعملي الصح وكده وهم مش عايزين كده ، عايزين حد يسقفلهم علي الغلط وكده وتعملي اللي هم عايزينه مش اللي أنتي عايزاه أنتي ماشية مظبوط مفيش فيكي أي حاجة غلط خالص يمكن هم بس اللي محتاجين يتغيروا ، مش عارفة اللي فهمتوا صح ولا لاء ، أن مامتك ممكن مش بتحب قرايبك ف بتضايق لما أنتي تبقي معاهم هي عايزة تتملكك وخلاص مش عايزاكي تحبي حد غيرها أو تهتمي بحد غيرها بس احب اقولك أن ده مش صح ، الأم بتبقي مبسوطة لما تشوف ولادها مع اهل وقرايب كويسين و صحاب كويسين ده ميزعلهاش في حاجة ، في الحالة دي قربي من باباكي وكلميه قوليله أيه المانع اخرج مع صحابي واشوف قرايبي ماما بتمنعني عن ده وخليه يتكلم معاها براحة خليه يقنع مامتك أنك تعيشي حياتك زي ما أنتي عايزة طالما مش بتعملي حاجة غلط ، فيه حاجة مؤلمة ومش حلوة أني أقولهالك بس مفيش حل غير كده ، حاولي تقللي النقاش مع مامتك واختك لأني شايفة أنهم مش متفهمين شخصيتك وأسلوبك و للأسف التغيير مش هيحصل غير لما يقتنعوا أنهم فعلا غلط ف خلي التعامل سطحي علي قدر الإمكان يعني علاقتك بمامتك تكون مساعدة في البيت ، تجيبي معاها الطلبات تراعيها كأم ،بس متنتظريش منها حاجة وحاولي ردودك تكون مختصرة وتهدي الدنيا علي قدر الإمكان ، ولازم ولازم تقربي من باباكي و يساعدك تاخدي قراراتك وتعملي اللي انتي عايزاه من غير ما حد يقف قصادك أو يضايقك وهو هيتصرف ولو حد رفضلك حاجة أو ضايقك من اخواتك روحي قوليله علطول متسكتيش ومتجادليش معاهم وهو يتصرف وزي ما قولتلك عيشي حياتك واخرجي و أنا فهماكي في حتى أنهم بيحبوا ينكدوا علي الواحد فرحته و لما تحبي تعيطي عيطي براحتك متكتميش في نفسك ، إن شاء الله ربنا يعوضك خير و يرزقك ناس الكويسة في حياتك و حقيقي صبرك علي أهلك جزاؤه عند ربنا عظيم جدا أنتي مش متخيلة
تم النشر الأربعاء، ٣ يوليو ٢٠٢٤
حاسه اني زهقتك معايا بجد والله حقيقي انا معرفكيش بس حبيت الكلام معاكي جدا انا والله بحاول اخرج والعيد روحت زياره لقرايبي وكنت بحس ان بيني وبينهم حاجز روحت وخرجت معاهم وانبسط مكنتش مقرره اني اخرج معاهم جات صدفه كده وخرجت وانبسط ماما شافت الاستوريهات قالت اه انتي بقي روحتي هناك علشان تخرجي وانا طبعا عقلي مش بلفكر ده هي الخروجه جات صدفه عادي جدا اتجمعنا ف خرجنا نكدت عليا وانا اصلا معيدتش عندنا بسبب اني بردو اتنكد عليا قبل صلاه العيد علي طول كنت مبسوطه حدا ومع صحبتي اللي قولت عليها مره دي رنيت عليا وسالتني علي حاجات قولتلها شيلتها هاجي اجيبها قعدت تدعي عليا وشالك شيال اعمي ودعوات بلا سبب ف اتقفلت ومشيت وانبسط بس حصلت الخروجه بقي وانا مبنزلش الا كل فين وفين ولما بنزل بروح لصحبتي دي انهارده كان عيد ميلاد بنت اختها ف نزلت بدري انهارده وروحت العيد ميلاد بعتت اخويا الكبير رن عليا وانتي كل يوم تنزلي من الظهر وطبعا ده لا بس يعني قالتله كده علشان يرن عليا يتخانب معايا بس انا قولتله ان مبنزلش ضهر ولا حاجه وبرضوا اتقفلت وهي مبتبقاش عايزاني اخرج من البييت بس بردو متقعدش تكلم معايا ولا اتكلم مع حد اقعد فلبييت وخلاص وحقيقي حاسه ان طاقتي بتخلص ولما بقعد بحس بخنقه اوي بجد +كلامها هي واختي ملهوش اي لازمه بصراحه كلام علناس وكلام ملهوش فايده يعني مش كلام مهم وانا لما بتدخل ف كلام لما بيكون فيه كلام يعني علي حد او كده وهو مش كده بقول لا ومش صخ وكده ف بصراحه ببقي حاده شويه اه بس مش دايما وحتي بطلت يعني مبقتش اتدخل لما الاقي كلام ع حد بعمل مش سامعه وخلاص وحاليا بعد يوم طويل كان لحد ما حلو وجميل قاعده في سريري حاسه اني عاوزه اعيط ومش عارفه انا بكتم لحد لما بحس ان خلاص جبت اخري
تم النشر الثلاثاء، ٢ يوليو ٢٠٢٤
وحاجة كمان شوفي رياضة أنتي حاباها واشتركي فيها مثلا تنس سباحة كيك بوكسينج أي رياضة واستمري عليها هتفرق معاكي و هتخرجك من الوضع اللي أنتي فيه واخرجي و اعملي اللي نفسك فيه الدنيا فانية يقلبي مفيش حاجة مستاهلة تتعبي نفسك عليها لو آمنت ب ده هترتاحي
تم النشر الثلاثاء، ٢ يوليو ٢٠٢٤
اولا اعرفي نفسك وتعمقي فيها بمعني اعرفي عيوبك ومميزاتك دي حاجة هتفرق جدا معاكي هتخلي التركيز كله علي نفسك وهتفهمي نفسك بعيد عن الناس وآرائهم و نظرتهم السطحية طب اعرف ده إزاي راقبي مشاعرك شوفي بتحبي ايه و بتكرهي ايه ايه الحاجة اللي بتسببلك خنقة وأعرفي أسبابها اقرأي كتب عن الذات وكده فيه كتب كتير عن كده ممكن تبدأي بكتاب عقدك النفسية سجنك الأبدي و كتاب محاط بمرضي نفسيين ودوري فيه كتب كتير واقرأي قراءة موسعة عن الدين و شوفي تفسير قرآن والسبب أنك لما تعرفي الصح من الغلط هتقدري أنتي تقيمي نفسك مش حد يقيمك فهماني ؟ هتتخلصي من آراء الناس و شكوك اللي بتدور في نفسك بسبب طريقة تعاملهم معاكي وكده ونظرتهم ليكي وهيزودك ثقة في نفسك وراحة نفسية لأنك هتبقي ادري بنفسك أنا عارفة أنا بعمل ايه ف رأي الناس مش هيلزمني بحاجة لأنك هتدوري علي رضا ربنا ولازم تبقي صادقة مع نفسك عارفة العيوب اللي هي عيوب فعلا والمميزات اللي هي مميزات فعلا ثاني حاجة اتكلمي ضروري مع مامتك لوحدكم بعيد عن اختك طبعا وصارحيها بكل مشاعرك باحترام طبعا لو تفهمت ده. ف خير وبركة متفهمتش ده وقعدت تبرر وفضلت تقولك أنتي معرفش ايه وبتاع ف اقفلي الحوار بهدوء وتقبلي الوضع و أسالي نفسك بردوا ايه نوعية الحوار اللي بيدور بين اختك ومامتك هل حوار مفيد و كده ولا بيتكلموا علي حد ؟ هل بيفكروا بشكل سطحي ؟ ف انتي شايفة أنهم بيفكروا بشكل غلط او بيتكلموا في حاجة غلط ؟ هل ذوقك مختلف عن ذوقهم ؟ هل نوعية المواضيع اللي بتتكلمي عليها غير اللي بيتكلموا عليها ؟ هل انتي اسلوبك في حوار عنيد وعنيف بتدخلي الحوار بشكل ناشف وجامد ف ده بينفرهم منك ؟ ف انتي دوري واتعمقي هتفهمي ، و افهمي شخصية مامتك واختك كويس جدا هتفهمي ليه بيتعاملوا معاكي كده بالنسبة لباباكي اتكلمي معاه و صارحيه بمشاعرك بردوا لازم تتكلمي معاهم وتفهمي شخصيتهم يحبيبتي وتقربي منهم وتتعاملي بقي علي أساس شخصيتهم و لو مقدرتيش تعالجي ده ف فوضي امرك لله واصبري وإن شاء الله ربنا هيجازيكي علي صبرك علي أهلك وحاولي تتدوري علي الحاجات الكويسة اللي بيعملوها بردوا عشان منقعدش نفكر في السلبيات وبس و اقراي كتاب سندريلا سيكريت هيساعدك تغيري طريقة تفكيرك و يديكي الدافع تحسني من نفسك ومن حياتك ، بصي أنا حاسة بالعجز الشديد لأني عارفة أن حوار الأهل ده صعب جدا ومعقد جدا وربنا يعينا يعني بس آخرتها خير إن شاء الله وربنا يرزقك يا رب في المستقبل بزوج صالح و اولاد صالحين يعوضوكي عن أهلك اللهم آمين يا رب العالمين ، وراعي أهلك عشان ربنا يكرمك فيما بعد ويرزقك بناس كويسة ، بالنسبة لحوار الصحاب كلنا قابلنا ناس مش كويسة ومأثرين علي نفسيتنا جدا ودمروا فينا حاجات حلوة كتير بس احنا في الأول والآخر بنتعلم يحبيبتي لازم تبدأي تلغي من حياتك أي علاقة سلبية و توكسيك و لازم تبقي قوية وتاخدي القرار ده وتحطي حدود لكل واحد محدش يتخطاها ، وده ميمنعش أنك تصاحبي بس بعقل خليكي شخصية غامضة متحاوليش تعرفي حد حاجة عندك وادرسي الشخص اللي قدامك كويس جدا قبل ما تفكري تصاحبيه و متعمليش حاجة غصب عنك لو مش حابة تقعدي مع حد متقعديش لو مش حابة تخرجي مع حد متخرجيش متجبريش نفسك علي حاجة أنتي مش عايزاها تحت مسميات ملهاش لزمة واللي ميقدرش مشاعرك متقدريش مشاعره واخيرا اصنعي لنفسك هدف تمشي عليه اوصلي لمكانة عالية و اصبري علي نفسك وشوفي أنتي بتحبي ايه واعمليه واستغلي عليه اتعاملي مع كل الناس عشان بس تفهمي الحلو من الوحش عشان تختاري الناس بعناية و ادي مساحة لمشاعرك عيطي وقت ما انتي محتاجة ده فرغي مشاعرك متراكميش في نفسك حاجة خاااالص إياكي والمراكمة ومتسمحيش لحد يفرض عليكي حاجة ، دوري علي قرايبك الكويسين اللي بيحبوكي ومن فترة لفترة كده زوريهم واتعاملي معاهم ده هيحسن من نفسيتك صدقيني ودوري علي الناس الكويسة اللي في حياتك ربنا معاكي ويصبرك و يرزقك التوفيق والنجاح والسداد في حياتك يقلبي
تم النشر الثلاثاء، ٢ يوليو ٢٠٢٤
اتوقع اسباب الاهل دايما حاسه اني مختلفه بتعامل بطريقه مختلفه اكيد انا فيا عيب هما شايفينوا فيا مش ملاك اكيد بس بحس اني مبتعاملش زي اختي مش،بغير منها والله بس بحس ماما بتعاملها احسن كتير دايما بيبقوا بيتكلموا هما وحلوين انا اتكلم نتخانق يعني دايما هما حابين بعض مش وانا وسطهم ومن صغري بحس بلتفرقه دي ومن صغري وهي عامله معايا مشكله بس انا كنت بتلاشاها ب ان العيب فيا بس حاولت اعمل كل حاجه اني اتحب محستش اني اتحبيت مع اني مش وحشه لدرجه دي يعني انا في ناس كتير بتحبني برضوا مش مكروها ف هما حقهم حتي هي مبتقوليش،بتعملي كذا ف بتضايق منك فيه سايبني كده وخلاص وبابا مش همه احنا يعني هو طيب وكل حاجه بس مش بيهموا انه يتكلم مع حد فينا او كده ودايما هو ومامتي في مشاكل كتيره وعنف وكل حاجه ف انا كنت فاكره اني كويسه ومبتاثرش بيهم بس انا براكم كله بقي وكا صحابي اتخذلت من ناس ف قفلوني حتي من الصحاب ف بقيت مش عارفه اعمل ايه يعمي صحاب مبقتش اثقه اهل حاسه اني مش مرغوب فيه ف اكيد العيب فيا مش انا الملاك وكل الناس وحشه يعني بس نفسي اعرف ايه العيب اللي فيا وانا كنت غيرته ف وقتها انا ضيعت عمري كله بحاول اعجب وبرضوا مغجبتش الحمدلله .
تم النشر الثلاثاء، ٢ يوليو ٢٠٢٤
مش قصدي 🥺💔 أنا بحاول أفهم السبب ورا اللي انتي فيه بس
تم النشر الثلاثاء، ٢ يوليو ٢٠٢٤
ايه يا بسمله تقليب المواجع دي بقي😂
تم النشر الثلاثاء، ٢ يوليو ٢٠٢٤
لعرض الإجابة في فدني اضغط هنا