لو سمحتوا انا كنت ثانوية عامة السنه الي فاتت وكنت عاوزه ادرس علم نفس فدخلت كليه الاداب بس لما دخلتها مستريحتش ومش حابه اني اكمل فيها فدلوقتي انا ازاي اقدر اختار الكلية المناسبه ليا وازاي اقدر اختار المجال المناسب ليا
بصى شوفى مجموعك فى الثانوية متاح يدخلك كليات اى واختارى منهم كلية تتناسب مع ميولك وافكارك وتكونى عوزة تشتغلى فى الوظيفة دى بعد كدة او بتحبى تدرسى مواد معينه اختاريها لان ده هيخليكى مستمتعة وحابة المجال اللى بتدرسيه واللى هتشتغلى فيه بعد كدة
تم النشر الاثنين، ١ أبريل ٢٠٢٤
طيب علشان تدخل مجال العمل المناسب لازم الاول تشوفي المجال ده وتبحث عنه وتبحث عن تفاصيله قبل ما انت تحاولوا تدخلوا فانا ممكن اكون بحب علم النفس يعني بس بحب اقراوا لكن مش مش لدرجه ان انا اروح اشتغل فيه يعني قدراتي او حبي ليه مش للدرجه دي يعني فلازم اشوف مجال العمل الناس اللي شغاله في المجال ده بتشتغل ازاي الناس دي بتبقى ايه مسؤولياتها في العمل الناس دي ظروف العمل بتكون عامله ازاي لازم اعمل بحث كده كويس جدا في الموضوع ده قبل ما اكرر انا هدخل انهي مجال فشوف ايه المجالات؟ اللي هي يعني محتمله ونبحث عنها وبعد كده نقرر ادخل المجال ده.
تم النشر الأحد، ٣١ مارس ٢٠٢٤
صلي صلاة استخارة وشوفي انت بتحبي اي وهل المجال ده له مكان في سوق العمل ولالأ،ممكن تحولي لغة عربية لو متاح لك
تم النشر الاثنين، ١ أبريل ٢٠٢٤
كل الكليات النظرية مش هتستفادي منها بشكل كبير يعني المواد الي انتي بتدرسيها مش هتستفادي الا بنسبه صغيره منها مفيش اي حاجه في الكليه هتدربك الموضوع كله معتمد عليكي انتي ولازم تبحثي خارج المناهج وغير ان بعد التخرج مش هتبقي مؤهله انك تكوني أخصائية نفسية لازم تعملي تقريبا ست دورات كمان
تم النشر الاثنين، ١ أبريل ٢٠٢٤
انا ثانويه عامه وعايزه ادخل اداب علم نفس ممكن تقوليلي اي عيوبها إلى معجبتكيش
تم النشر الأحد، ٣١ مارس ٢٠٢٤
لعرض السؤال في فدني اضغط هنا