انا عندي مشكلة انا داخل بعد كام شهر علي 18وعندي رهاب اجتماعي مش بعرف اكون صدقات جديد مع اي شخص لو حد هو اللي جه يحاول بتعرف عليا بتوتر جامد وممكن اقول كلام مش مفهوم وكل اللي حوالية شايفين اني كئيبا وبرد من جوايا معني حولت كتير انتكلم لكن اول يم اكون في المواجهة بترجع ورجع اقول انا كدة احسن بس مش عجبني حالي وبجي عند حوار الشغل في اي مجال مبعرفش بسبب اني ببقي متوتر وخايف اتكلم مع الاشخاص اللي معايا عشان مقولش حاجه تبين اني اهبل ولا حاجه حته اني مش بعرف اتعامل مع اهلي انا طول الوقت ببقي لوحدي بمعني مش بشارك اي حد من اهلي عن مشاكلي او مشاعري وسعات بحث اني انا بعيد عنهم لسبب بردو علي طول شايفين اني فاشل ومش نفع في حاجه وبقرنوني ديما بناس جرانه او من قريبنا وي الحاجة دي بتخليني مهزوز ومعنديش ثقه في نفسي وكنت سعات بحس ان محدش مهتم بيا او مش شايفني اصلا وحاسس اني محدش بيحبني وكل اللي حواليه كان من الاهل او قريبنا او اي حد تاني بيلقبوني غريب او صانع الكئيباه وكلام تاني كتير وانا مش عارف اتقدم في شغل او علاقة جديدة،، واسف اعلي الاخطاء الاملائيه
اكتر حاجة لاحظتها فكلامك أن كله "حاسس" حاسس ان محدش بيحبك حاسس ان محدش مهتم بيك و هكذا و دي من أكبر الغلطات ال بنعملها احنا كبشر منقدرش ابدا نعرف شعور ال حوالينا اتجاهنا احنا ممكن نكون بنحب حد اوي بس مبعرفش نبينله أو العكس فأرجوك متخمنش مشاعر حد اتجاهك و اتعامل مع ظاهره زي م هو كده لحد م يقول شعوره ساعتها اتعامل معاه فصدقني بنسبة كبيرة اوي ال انت فاكرهم بيكرهوك دول بيحبوك جدا و انت ال مش عارف و ده ياخدنا لنقطة تانية ان ثقتك بنفسك مهزوزة شوية فمحتاج تقرأ عن الثقة بالنفس أو تسمع بودكاست مثلا بس من الاخر قدر ذاتك فكرة أن ربنا خلقك ده يديك شأن كبير و قيمة قدام نفسك و طول م انت بتقدر نفسك غيرك هيقدرك لو صلحت النقطتين دول هتعرف إن شاء الله تتعامل مع الناس احسن نيجي بقى لنقطة الرهاب الاجتماعي فأنت مش شرط يكون عندك رهاب ممكن تكون شخصيتك انطوائية شوية و انا عندي نفس المشكلة و لازلت بحاول اعالجها بأني اتقبل نفسي بشخصيتي و إن دي طبيعتي فعادي لو اتوترتلي حبتين قدام الناس عادي لو فكرت شوية فالكلمة قبل م اقولها عادي لو مليش صحاب كتير المهم تتقبل نفسك و تحاول تحسنها منغير م تقلل منها و بس و ربنا يوفقك ✨
تم النشر الجمعة، ٢٩ سبتمبر ٢٠٢٣
انت بس ماخدتش فرصه صح من صغرك تتكلم وتواجه وتضرب وتتضرب ( مش بالايد يعنى ) بالكلام والمواقف كده كده هتحتاج ترمى نفسك فى البحر لحد ما تتعلم العوم ...واستحمل شوية الميه المالحه اللى هتبلعها وانت بتتعلم اتعامل مع الناس وسيبهم يتريقوا و يقولوا مهما يقولوا هما هما اللى هيقولولك بعد كده ..سبحان مين غيرك وبقيت حد تانى تجاهل اللى حواليك وتقبل شوية الحاجات الوحشة ...المهم توصل للى يخليك نسخة احسن من نفسك وتبقى تردلهم التريقه براحتك بقى
تم النشر السبت، ٣٠ سبتمبر ٢٠٢٣
انت اتكلمت عن الناس ف اغلبية كلامك ... يعني هما شايفني بطريقة مش كويسة، هما شايفني كئيب، هما شايفين اني فاشل، ومش نافع. طيب انت شايف نفسك ازاي؟ ديه اهم حاجه .. هل انت شايف نفسك فعلا انسان فاشل ومش نافع؟ ولا لا وتقدر تقولي ليه اهلك بيقولوا عليك كده؟ وايه رايك في المقارنة؟ يعني هل شايف من وجهة نظرك ان المقارنة فعلا شئ كويس، وبتحدد ماهية الشخص او بتحدد اذا كان الشخص ده كويس ولا لا؟
تم النشر السبت، ٣٠ سبتمبر ٢٠٢٣
مبدأيا انت معندكش اي مشاكل اطلاقا انت بس يمكن مكانش بييجي الفرصه انك تخلط بناس كتير، مشكلتك مش انك مبتعرفش تتكلم انت بس بتخاف ، اطلق لنفسك العنان واتكلم واغلط واتعلم من غلطاتك هتخسر ناس وهتصاحب ناس تانيه وهتفضل كده لحد متكون شخصيه وصداقات كتير ، ونصيحتي اسمع للناس لو حد انتقضك في شئ متزعلش اسمع منه يمكن يكون صح وافتكر مقولة عمر بن الخطاب ( رحم الله امرء اهدى الي عيوبي ) وبالنسبة لاحساسك ان الناس بتكرهك ده مش صح بس مش هتقدر تغير الاحساس ده الا لما تحب نفسك الاول لان السعاده الحقيقيه هي تقديرك لنفسك وثقتك فيها
تم النشر الجمعة، ٢٩ سبتمبر ٢٠٢٣
هقولك لما تدخل اول حاجه سلم على الكل اللي هو اذيكم عاملين ايه وبتاع وبعدين لو فيه حد في نفس سنك روح كلمه وقوله عامل ايه وايه اخبار الاجازة واسأله ف مواضيع تحب حد يسألهالك واتعامل كأنك الmain character بجد وبين نفسك اجتماعي وواثق من نفسك و امشي بمبدأ fake it till u make it
تم النشر الجمعة، ٢٩ سبتمبر ٢٠٢٣
انا عندي فرح اول شهر عشرة تناصحي اعمل اية كل علتي وقريبنا موجدين
تم النشر الجمعة، ٢٩ سبتمبر ٢٠٢٣
هم مديقين علشان عايز اسافر برا مصر
تم النشر الأحد، ١ أكتوبر ٢٠٢٣
حاول تشوف اخواتك الاصغر بيعملو اي مخلي اهلك مهتمين بيهم اكتر وبيطلبو منهم دايما دا هيقربك ليهم اكتر مثلا تفكيرك مختلف عادي مش لازم يكون تفكيرك زي حد شوف اي اكتر حاجه مخليهاهم يتعاملو مع اخواتك اكتر واعملها لحد ما يعاملوك بنفس المعامله وبعدها تبدا تقول رايك وافكارك ليهم كدا هيتقبلوها
تم النشر الأحد، ١ أكتوبر ٢٠٢٣
السبب الاكبر اللي مخليني مش عارف اقرب اكتر من اهلي انهم مش شايفين اني صح في اي حاجه انا في نظرهم فاشل فكل حاجه واللي مخليني بردو اني مقربش انهم مش عايزين يشفوني الكبير انا الاخ الاكبر بس اي حاجه بيطلبها من اخواتي الاصغر مني زي اني مش موجود معهم اساسا في الاسراة دي ده مخليني بعيد وبعمل كل حاجه لوحدي بعيد عن اي حد قريب او غريب محدش بيقدر اي حاجه بفكر فيها
تم النشر الأحد، ١ أكتوبر ٢٠٢٣
طب لي متحاولش تغتلط بأهلك وتقرب منهم اكتر تفهمهم انت ازاي بتفكر وتقول رايك في كل حاجه وتاخد قرار بأنك تتغير وتغتلط ونتيجه الاختلاط بالاهل بيكون اكبر دعم انك تختلط بالاخرين لانهم مصدر الثقه ليك بعد نفسك يعني المهم انك تكون انت واثق في قرارتك في حياتك في نفسك في كل حاجه بتعملها وتعرف تاخد قرار بجد تغتلط بناس ايجابيه يعني مش اي حد يعني اللي دايما بيسخر منك ومن افكارك ورايك تبعد عنه لانه هيحولك لحاله اسوأ من اللي انت عليها اكتسب خبرات جديده بحث ودراسه عامه عن كل حاجه كل دا هيساعدك انك تثق في نفسك ومش مهم يكون اللي حواليك كلهم موافقين او بيدعموك لو شخص واحد علي الاقل فدا كويس اوووي
تم النشر السبت، ٣٠ سبتمبر ٢٠٢٣
اول حاجه لازم تكون عندك ثقه بنفسك لان ده هو الحل مش عارف اسمع فديوهات علي اليوتيوب وانت تعرف كل الناس بتقول كلام مش مفهوم عادي ما هو مش كل الكلام هيطلع مظبوط يعني يعني بتكلم عن نفسي أنا كنت مش بعرف اتكلم مع حد خالص بس كان عندي صحاب مع مرور الوقت بدأت اتحسن كثير لاني كنت معاهم علي طبيعتي خالص بعمل اي حاجه مش حاسه اني المفروض اكون العاقله والكلام ده الناس واخده عني فكره اني عاقله عشان مش بتكلم كثير لكن دلوقتي بقيت بتكلم لازم تدور على خد يكون شبهك عشان تعرف تتطلع كل الي انت عايزه من غير حساب أنا الحمدلله دلوقتي بعرف اتكلم مع اي حد وبحس نفسي والحمد لله اني بتكلم كلام اكبر من سني عشان بتعلم من اي مشكله مش ضروري تكون المشكلة دي بتاعتي لاء لازم اتعلم من اي موقف مر عليا سواء شفته أو سمعته ده بيخلي الواحد دماغه كبيره بيعرف يفكر ف انت لازم تكون واثق من نفسك ولازم تتكلم وسيبك من موضوع انك انت كئيب والمقارنات الكلام ده مش بيفدك ده بيأثر عليك بالسلب ف انت طنش الكلام ولا كانك سمعت حاجه خالص حاول تغير من نفسك عشان نفسك لانك لو فضلت كدا مش هتتقدم ف حياتك وهتثبت لناس انك كدا فعلا مفيهاش حاجه أما تتكلم وتغلط كله كدا انت لو شلت من نفسك فكره ان الناس بتشوف كلامك اهبل من دماغك صدقني هتتغير فعلا واي حد هيشوف كلامك عادي لكن انت كول ما انت شايف نفسك كدا عايز الناس تشوفك كيف
تم النشر السبت، ٣٠ سبتمبر ٢٠٢٣
طب مثلا ممكن تبدأها بإنك تبعت ريكوردات كتير بدل الكتابه
تم النشر الجمعة، ٢٩ سبتمبر ٢٠٢٣
انا بحاول اتكلم بس ساعه الموجه مع شخص لساني بيسكت ومش ببقي عارف اقول اية حاجه وبقعد ساكت
تم النشر الجمعة، ٢٩ سبتمبر ٢٠٢٣
انا فهماك كنت كده من فترة لغاية ما دخلت اولى كلية وقابلت حد اجتماعي جداا بتتكلم ف كل حاجه من غير خوف او من غير تفكير انها تغلط وبصراحه شخصيتها عجبتني جدا وقررت اكون زيها بدأت الاول اني اخد منها افكار وافتح انا الموضوع بس مع عيلتي لغاية ما كسرت الحاجز بدأت اتكلم واتناقش مع المقربين الاول لغايه ما بقا الموضوع عادي ان اتكلم مع الناس الغريبه وبجد ما تفكرش انك هتتحرج قدام الشخص اللي بتكلمه او كدا لأن لو جيت تفكر ف اي موقف محرج حصل لشخص قدامك مش هتفتكر يعني مش هتفتكر غير اللي حصلك بس
تم النشر الجمعة، ٢٩ سبتمبر ٢٠٢٣
انا عندى نفس المشكله وعندى 21 سنه ودلوقتي متخرجه والمفروض هشتغل ومش عارفه اعمل اى وكل يوم اعصابى بتتعب اكتر من كتر التفكير ومبقتش عارفه انام
تم النشر الجمعة، ٢٩ سبتمبر ٢٠٢٣
حاول تنزل شغل . افضل حل تقريبا
تم النشر الجمعة، ٢٩ سبتمبر ٢٠٢٣
لعرض السؤال في فدني اضغط هنا