السلام عليكم ورحمة الله وبركاته
انا الصراحه فشلت في حياتي وفي دراستي كمان ولسه مخلصتش ثانويه عامه عشان ماده الجيولوجيا ورحت امتحنتها في الدور التاني وخايفه معديش التفكير هيموتني ومرعوبه الامتحان مكنش سهل خالص ومش عارفه اعمل ايه دلوقت ويا ترى هنجح ولا صدمه يوم النتيجه والانهيار اللي كنت فيه هيحصل تاني ولا هعمل اي اصلا لو حصل حاجه بفكر مكملش تعليم اصلا والله نفسيتي متدمره حد يطمني او انا اعمل اي دلوقت
السلام عليكم حابب أوضح حاجه صغيره طول ما انتي بتتنفسي ده معناه أن رسالتك مخلصتش بغض النظر عن الموضوع بتاعك بس انا شايف أن كل واحد مننا ليه رساله ضغوط الحياة خليتنا ننسي احنا اتخلقنا ليه اصلا وبصينا لحاجات اتولدنا لقينا كله بيبصلها ف تلقائي اتولد جوانا أن احنا لو منجحناش في حاجه يبقا فشلنا لا ده خطأ كبير جدا في حاجات بتحلصنا بتهيأنا لحاجات تانيه ومرحله تانيه لو مكنتيش عديتي بالمرحله الأولي ايا كانت هي ايه مش هتوصلي التانيه اللي حابب أوصله أنك تقربي من ربنا واللي ربنا كاتبه هيكون وكده كده خير هوني على نفسك وباذن الله هتعدي وابقي طمنينا اتمنالك التوفيق والنجاح الدائم ❤️
تم النشر الأربعاء، ٤ سبتمبر ٢٠٢٤
بصي يا حبيبتي مش بعد كل ده وفي الاخر متكمليش تعليم بسبب انك وقعتي في مادة بس انتي تقدري تحولي ده لسعي واجتهاد منك وتمتحنيه وتعديه ان شاء الله وثقي في ربنا بس اهم حاجه تعملي العليكي واهدي ومفيش حاجه مستاهله والحصل حصل فنحاول نصلح الغلط بدل منبوظ دنيا كلها بسبب حاجه تافه وان شاء الله خير
تم النشر الثلاثاء، ٣ سبتمبر ٢٠٢٤
السلام عليكم ورحمة الله وبركاته خلي عندك يقين في الله لان في الاول والاخر دي بتكون نصيب ومكتوب ولازم الانسان يكون عارف ده كويس وبعدين عمره مكانت بشهادة ولا حاجه احنا اللي فهامني الموضوع غلط علي سبيل المثال الاول علي الثانوي العامه سنه 2022 حد سمع عنه حاجه ويعرفه حتي هي بتكون حاجه لحظيه وخلاص زي اي تريند وبس ومش عاوز حضرتك تعملي ضغط علي نفسك اكتر من كده واحمدي ربك علي كل حال في الوحش قبل الحلو لا ن الله اذا احب عبد ابتلاه في مايحب وان شاء الله خير ❤️🩹🇵🇸
تم النشر الثلاثاء، ٣ سبتمبر ٢٠٢٤
وعليكم السلام ورحمة الله وبركاته، أختي العزيزة، أقدر مشاعرك وما تمرين به من تحديات وصعوبات، وأريد أن أخبرك بأن مشاعر القلق والخوف التي تشعرين بها هي مشاعر طبيعية تواجه الكثيرون في مثل هذه الأوقات الحرجة. النجاح في الدراسة هو جزء من الحياة، ولكنه ليس كل شيء. قبل نتيجة الامتحان : حاولي أن تشغلي نفسك بأشياء تبعث على الراحة وتقليل التفكير بالنتيجة. يمكنك ممارسة هواية تحبينها، أو القراءة، أو حتى قضاء بعض الوقت مع الأصدقاء أو العائلة. الإيجابية : تذكري أن الفشل في امتحان واحد أو أكثر لا يحدد مستقبلك. العديد من الأشخاص الناجحين واجهوا صعوبات مماثلة، لكنهم استمروا وعملوا بجد لتحقيق أهدافهم. التفكير في الخيارات : إذا لم تسير الأمور كما تتمنين، فكري في الخيارات المتاحة أمامك. التعليم ليس محصوراً في طريق واحد؛ يمكنك تخطيط خطواتك بناءً على رغباتك وقدراتك. الدعم النفسي والاجتماعي : لا تترددي في التحدث مع أفراد عائلتك أو أصدقائك عن شعورك، فهم قادرون على دعمك ومساعدتك في تجاوز هذه المرحلة. التفاؤل بالمستقبل : مهما كانت النتيجة، تذكري أن لديك القدرة على التعلم والنمو. ابدئي في التفكير في الخطوات التي يمكنك اتخاذها بعد تسلم النتيجة، سواء كانت مواصلة التعليم أو استكشاف مجالات عمل جديدة. كوني قوية واثقة بنفسك، وأسأل الله أن يسهل عليك ما هو قادم، ويرزقك النجاح والتوفيق في جميع مجالات حياتك.
تم النشر الثلاثاء، ٣ سبتمبر ٢٠٢٤
شكرا جدا لحضرتك
تم النشر الأربعاء، ٤ سبتمبر ٢٠٢٤
حاضر، سأذكرك بالدعاء، أبشري♡
تم النشر الأربعاء، ٤ سبتمبر ٢٠٢٤
ونعم بالله ربنا يعديها علي خير ممكن حضرتك تعتبريني اخت او ابنه وتدعيلي في صلاتك كتير
تم النشر الثلاثاء، ٣ سبتمبر ٢٠٢٤
عليكم السلام ورحمة الله وبركاته. لا تستبقي الأحداث ولا تتعمقي في التفكير. وأعلم أنك خائفة ولهذا أنصحك بصلاة ركعتين قيام الليل وأكثري من الدعاء أن يجبر الله قلبك. وكذلك أنصحك بقراءة سورة البقرة سوف تساعدك على الهدوء كثيرًا. وأخيرًا اعلمي أن كل قدر الله خير، واعلمي أن هناك الكثير من الفرص بعيدًا عن الثانوية العامة. فقط اصبري حتى ظهور النتيجة وأبشري.
تم النشر الثلاثاء، ٣ سبتمبر ٢٠٢٤
لعرض السؤال في فدني اضغط هنا