السلام عليكم ورحمه الله وبركاته يعني شكرا لصديقك ان هو يعني بيحاول ان هو يكون ماشي على الشرع والدين السليم خليني بس اناقش معك نقطة صغيره قوي. اذا كان وجود فساد بيمنعنا ان احنا نكون متواجدين في نفس المكان او نعيش على الارض اللي فيها الفساد يعني لو في فساد يبقى احنا مش هنعيش هنا صدقني مش هنلاقي ارض نعيش عليها. من نفس السياق بالضبط لو انا هقول اني مش هشتغل في مكان ما فيهوش شخص سيء فمعنى كده ان انا مفيش اي مكان اشتغل فيه خالص. وجودنا في اي مكان معتمد على هدفنا احنا الشخصي. ايا كان نوع شغل اللي انت هتشتغله او الحاجه اللي انت هتتوجه ليها في حياتك ان كان حربيه او شرطه او مهندس او دكتور او عامل او موظف ايا كان اللي انت هتبقى فيه انك تكون هدفك انت الشخص انك تكون مثال جيد واخلاقك محتفظ بها وبترفض الخطأ وبتبعد عنه وبتحاول في مكانك ده انك تنصر المظلوم هو ده الاهم. فمش مهم خالص. انا دلوقتي ايه الفكره العامه عن النظام ده الا اذا بقى احنا هنا بنتكلم على نظام. قمع بقى وشبه احتلال فاحنا هنا بنتكلم في نقطه ثانيه خالص اللي هو. ايه اللي هيخلي حد يعمل كده؟ لحد يخلي حد يروح يبقى مع المحتل يعني. طب تخيل بقى ان في حد ممكن يروح يبقى مع المحتل زي الناس اللي بتشتغل في المخابرات يكون عندهم هدف محدد. وبيمارسوا على فكره الممارسات اللي بيمارسها المحتل كل ده بيبقى بهدف ايه بهدف انه انا عايزه احقق حاجه ثانيه ترفع الظلم فانت تقدر انك تتوجه للي انت عايز تتوجه له ولكن تبقى عارف كويس قوي ان هي تكون هدفك انك هتبعد عن اي حاجه فيها ظلم عشان لو النظام ظالم انت ما تكونش الظلم ده وبالعكس تكون انت وفرت شكل من اشكال العدل وسط الظلم.
يسعدنى انى اكون افدتك
تم النشر السبت، ٢٢ فبراير ٢٠٢٥
شكرا لحضرتك وجزاك الله كل خير ، حضرتك بسطتي الموضوع وفعلا اقتنعت بكلام حضرتك
تم النشر السبت، ٢٢ فبراير ٢٠٢٥
لعرض الإجابة في فدني اضغط هنا