دائما لوحدي حته لو في ناس حوليا بس م عايزه ابقاا مع حد ولا عايزه ابقاا لوحدي من فتره حبيت ولاكنت اتخدعت والخاينه كانت من صحبتي وحبيبي وكان أول صدمه ف حياتي وكنت لسه صغيره وبعدين الحب كان كل مره بيخليني ضعيفه عمل لياا مشاكل كتير مع اهلي وللاسف برضوا كان بيتخانق مع ابويا وامي ولاكن حبيتوو جدا قولت ادي فرصه وفعلا بس اتقرر نفس الموضوع خاني مع صحبتي وفرصه تانيه ونفس الكلام اخر مره جه لاهلي وقال دي قالتلي بحبك وكنت عايزني اكلمها طبعا خسرت ثقه اهلي ونا معملتش حاجه هو اللي كان دائما عايزني اكلمو وأخرج مع الا اني كنت برفض خسرت ثقه اهلي والشخص الوحيد اللي حبيتو غير طبعا ان ف ضغط ف البيت علياا كل يوم اتهان وانتي وانتي ربنا يهديك ياريت مكنتيش جيتي الدنياا كان ف فرق بيني وبين اخواتي واصحابي واحده بعتني عشان خطيبها والتانيه سبتني عشان صحبتنا التانيه كنت دائما عايز افرح اللي حوارات ونسيت نفسي انا لي معملتش قيمه لنفسي الوقت معنديش ثقه ف حد حته نفسي بقيت بكره نفسي وباذي نفسي م بارتح غير ونا بعمل كاتنج كد أو كد محدش هيخد باله لأن امري ميهمش حد دائما مظلومه بقيت عايزه انعزل، عن الناس كلها حته اهلي معظم الوقت ع الفون ف شغل ف بيت بقيت لوحدي عايزه اعيط علطول مليش نفس للكل خالص صداع عندي علطول م عايزه حد معايا وف نفس الوقت نفسي اعيش حياتي عادي
كل اللي أنتي فيه ده بسبب بعدك عن شرع ربنا مفيش حاجة اسمها حب خارج منظومة الزواج صحابك لازم يكونوا متدينين ومتربيين لأن المرء على دين خليله أفكارك لازم تكون مبنية على أحكام الشرع وفي إطار الحلال فقط حاولي تفتحي صفحة جديدة مع الله ثم مع نفسك
تم النشر السبت، ١٦ سبتمبر ٢٠٢٣
فيه فرق كبير جدا ان الواحد يتظلم ويتخطي ده ويبدأ يفوق لنفسه. وفرق كبير ما بين ان الواحد يتظلم ويعيش مظلوم بل ويظلم نفسه هو بدور الضحية .. وهو ده اللي انتي بتعمليه دلوقت. انتي عايشة دور الضحية ومش عايزة تطلعي منه، عاجبك ومش عاجبك .. لو هنقعد نفكر كده ازاي تطلعي من الزون ديه؟ تفتكري هتبقى ايه؟ انتي اساسا عايزة ايه من نفسك في الوقت الحالي؟ انتي عايزة ايه من اللي حواليكي؟ ديه كلها اسئلة لازم تعرفي تجاوبي عليها .. لانها هتحدد كل اللي جاي. كل الناس اللي انتي حكيتي عنهم وخانوكي، طيب هما ناس خاينة .. وبعدين؟ انتي منتظرة ايه بقى من الناس ديه؟ ليه مركزة عليهم ومحملاهم كل اللي انتي عايشه فيه. تداركي الامر واقطعي الصفحة ديه من حياتك. وابدأي شوفي انتي عايزة ايه؟ عايزة صحاب جداد، عايزة ترجعي ثقة اهلك، عايزة تخلي بالك من نفسك ومن صحتك، شوفي انتي عايزة ايه من نفسك!
تم النشر الجمعة، ١٥ سبتمبر ٢٠٢٣
انتى قولتى انك على طول مظلومة والحقيقة فعلا مظلومة وانتى ظالمة نفسك ومعيشة نفسك فى الظلم حطيتى معانى كبيييرة اوى جوه حاجات صغيرة اوى ,,,فظلمتى نفسك بانك متواجدة فى دايرة الظلم اللامنتهية دى الحياه فيها كل حاجة عاوزة تفرحى افرحى يا بنتى ,,,افرحى بانك تقدرى تجيبى شيكولاته وكليها واتبسطى افرحى بانك بتنزلى وعندك مساحة تقابلى ناس وتلاقى ناس تشاركيهم حاجات حلوة ( ايوه هتقابلى كمان وحشين بس هتعرفى تفرقى بين ده وده ) انتى كمان معاكى كل يوم فرصة جديدة تشوفى الجديد فى الحياه وسعى نظرتك الضيقة دى وبطلى تبصى ورا شوفى المواضيع بشكل اوسع ...هتلاقى ناس كانت بتخاف عليكى وبتنصحك وصعبان عليها ظلمك لنفسك هتلاقى حاجات ربنا كرمك بيها عشان ينقذك من اذى اشخاص ومن اذيتك لنفسك هتلاقى فرص كتييييير لحاجات حلوة بس انتى اللى باصالها بعين الحاجات الوحشة اللى عدت
تم النشر الجمعة، ١٥ سبتمبر ٢٠٢٣
بحاول والله
تم النشر الأربعاء، ٢٠ سبتمبر ٢٠٢٣
الاستغناء حترتاحي بعد فتره وشوفي حياتك وتلاقي حد يقدرك وجربي اقلبي الايه
تم النشر الأربعاء، ٢٠ سبتمبر ٢٠٢٣
لعرض السؤال في فدني اضغط هنا