انا دخلت فنون جميلة انا بحب الكلية جدا بس خايقه ملقيش شغل بعد التخرج بسبب كلام الي حواليا انا ناوية اخش قسم جرافيك باذن الله
طيب انا بس عايزك تركني موضوع الشغل دا على جنب دلوقتي .. صحيح هو دا الهدف الأساسي من اتمام الدراسة .. ولكن انتي دلوقتي في مرحلة تجهيز نفسك لسوق العمل .. فركزي في التعلم والدراسة وسيبي الباقي على ربنا .. ثانيا من دلوقتي مدام دخلتي جرافيك ديزاين والهدف انك تبقى مصممة .. من دلوقتي متتعامليش مع الجرافيك ديزاين على انه منهج ودراسه ومتكتفيش بالكتب والمحاضرات .. اليوتيوب مليان .. الترم الأول تكوني داخله على اليوتيوب مخلصالك كام كورس فوتوشوب .. الترم التاني تكوني اتقنتي الإليستراتور .. أجازة أخر السنة الإنديزاين .. والجامعة هتفيدك جدا في الشق الأكاديمي والعلمي زي بقى نظريات اللوان واستيالات التصميم وتاريخ الفنون وهكذا .. فتبقي استدفتي من الإتنين .. وبالتوفيق ان شاء الله
تم النشر السبت، ١٦ سبتمبر ٢٠٢٣
اهم حاجه انك دخلتي كليه بتحبيها وبعدين الشغل ده نصيب اعملي اللي عليكي وسيبي الباقي علي ربنا
تم النشر الخميس، ١٤ سبتمبر ٢٠٢٣
أنا شغال في المونتاج و التصميم من سنة و شغلهم حلو جدا ومكسبهم عالي وانا متعلم من ع اليوتيوب وشغال علي تابلت وركزي أنت في التعليم واكيد هتبقي اعلي مني احنا اكتر ناس الناس محتاجانه و مع وجود الذكاء الاصطناعي اكيد المنهج ممكن يزود عليه حاجات ع ما اعتقد ....زي مثلا ازاي تعملي مع المدجورني واي مواقع تصميم في كتابة البرمبت
تم النشر السبت، ١٦ سبتمبر ٢٠٢٣
متهتميش بكلام حد كلام الناس مش بيقدم بيأخر بس وعمرك مهتوصلي لحاجه طول مانتي مهتميه بكلام الناس
تم النشر السبت، ١٦ سبتمبر ٢٠٢٣
وليه بتفكري أصلا في الشغل؟ الشغل وظيفة الرجال والبيت وتربية الأولاد وظيفة النساء الأصل للمرأة القرار في بيتها والتفرغ لزوجها وأولاده ونفقتها على أبيها قبل الزواج وزوجها بعد الزواج تفرغي لتعلم الطبخ وفنون التربية وحسن التبعل للزوج وسوف يرزقك الله أي طريق مختلف عن هذه الفطرة التي نظمها الله فهي خسارة لك
تم النشر السبت، ١٦ سبتمبر ٢٠٢٣
مجال الجرافيك فيه ملايين المشتغلين سواء جوا مصر او براها وسوق كبير وواسع ومربح لكتير من المشتغلين فيه .. بس اللي يضمنلك مكان في السوق دا لا هو كلام الناس ولا هو حتى دراستك لوحدها .. انما انك تشتغلي على نفسك وتستفيدي من دراستك بأكبر قدر ممكن وتاخدي كورسات في المجال على اليتويبو وتحرصي ان مستواكي يكون محترف وليكي لمسه فنية
تم النشر الخميس، ١٤ سبتمبر ٢٠٢٣
الانسان من يصنع التخصص وليس التخصص من يصنع الانسان اهمشي الرغبه والمقدره
تم النشر السبت، ١٦ سبتمبر ٢٠٢٣
وممكن نصايح ازاي استغل فترة الكلية عشان لما اتخرج الاقي شغل
تم النشر الخميس، ١٤ سبتمبر ٢٠٢٣
طب انا دلوقتي داخلة اولي كلية اخد كورس انجلش ولا ايه كورسات ممكن تنفعني حضرتك
تم النشر الخميس، ١٤ سبتمبر ٢٠٢٣
لعرض السؤال في فدني اضغط هنا