كيف أتمكن من نسيان شخصًا تركني وأنا ما زلت أحبه؟

Question

ازاي أقدر انسا شخص سابني ولسه بحبه أكتر من نفسي أنا متدمرة من التفكير فيه مع أنه وجعني كتير أوي بكلامه بس مش قادره أتخطاه ولا قادره أنساه خالص💔

Accepted Answer

انتي متمسكة بالذكريات و هي غالية عليكي صح ؟ امسحيها كلها . امسحي الصور و الشات و شيليهم من سلة المهملات كمان عشان هترجعيهم اعمليله بلوكات تقطع اخر حبل ما تقعديش لوحدك تسمعي أغاني العبي رياضة اشتغلي كتير كتير لحد ما تتعبي اتعلمي حاجة جديدة اسمعي ڤيديوهات كتير عن التعافي و تنمية بشرية ادعي ربنا و اقرأي قرآن اكتبي في مدونتك احاسيسك و عبري عنها اتكلمي مع اصحابك اللي فاكرين مساوءه و هيفكروكي بيها . الوقت هينسيكي و هيشفيكي سيبي الألم يخرج و العياط ما تمنعيهوش هتعيشي و هتعيشي مبسوطة و هتحبي غيره كمان . كلنا هذا الشخص ❤️

Answer

الحل يتلخص في جملة واحدة (اشغلي نفسك بحيث لا يتبقى لكِ وقت فراغ بأي شكل للتفكير فيه) اشغلي نفسك لدرجة التعب الشديد الذي يجعلك تضعين رأسك على الوسادة ليلًا فتنامين من شدة التعب. واستمري في الدعاء ليل نهار بأن ينزعه الله من قلبك. وتذكري شيئًا مهمًا أنتِ غالية ونفيسة لدرجة أنه لا يجب أن تمنحي مشاعرك إلا لمن يستحقها بالفعل، ويدخل البيت من بابه. غير هذا لا يستحق أيًا كان مشاعرك. احبي نفسك، ومن حبك لنفسك ألا تسمحي لشخص ما أن يعاملك معاملة لا ترتضيها لذاتك، أو يجرحك ويبكي عينيكِ ويكسر قلبك هون الله عليكِ الحزن، ورزقك الحب الحلال الذي يمحي عن قلبك كل ألم ووجع

Answer

أولا اعترفي بينك و بين نفسك بمشاعرك و أن الموضوع بجد مضايقك و انك مش قادرة تتخطيه و بعد ما تتقبلي مشاعرك ابدأي إنك تهتمي بجوانب حياتك يعني بإختصار اشغلي نفسك بحاجات مفيدة لو عملتيها هتحسي بالإنجاز ذي مثلا ابدأي ممارسة الرياضه و الرياضة حلوة جدا جدا في التنفيس عن المشاعر السلبية و كمان اهتمي بنفسك ذي مثلا انك تعملي شيء جديد في شكلك مثلا انك تقصي شعرك أو انك تعملي ضوافرك أو انك تعملي skin care .......اي حاجه تشغلك و تحسسك بالإنجاز و الرضا عن نفسك لما تعمليها في الاول هيكون صعب بس بالاستمرار هتتخطي

كيف أتمكن من نسيان شخصًا تركني وأنا ما زلت أحبه؟

نفسية

اجتماعية

علاقات

سؤال من احد أعضاء فدني

تم النشر الأربعاء، ١٠ مايو ٢٠٢٣

3 إجابة

8 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك