السلام عليكم و رحمه اللّٰه و بركاته أولاً و أهم حاجه مهما وثقتي ف شخص معين متقوليش او تبيني إنك واثقه فيه و ملكيش غيرو و كل الحاجات دي لإن ممكن من مجرد إن الشخص يدايق منك و يكون عايز يكسرك ف هيكسرك ب إنو يسيبك لوحدك لإن هيبقا عارف وقتها إن مكنش ليكي غيرو. و مهما وثقتي لازم يكون في اسرار ليكي و لنفسك بس محدش يعرف عنها حاجه ، حاولي تاخدي بالك من اي حد بس مش معنى كدا انك تقطعي علاقتك بكل الناس لاء بالعكس اتعرفي ع ناس كتير بس متخليش حد يعرف عنك حاجه ممكن ف يوم لو اتقالت تدمرك او تكون مؤذيه ليكي ذي مثلا متتكلميش مع حد مهما كان على حد تاني غير إن حرام طبعاً بس ممكن الشخص دا ف يوم من الأيام وقت خناق يعملك مشكله بالكلام الي قولتيه و بردو نفس الكلام ف صورك متبعتيش صور لحد حتى لو بست فريند ممكن تعملك مشكله ف يوم بردو طيب دي حاجات لازم تعمليها و تحطيها ك حدود بينك و بين اي حد تعرفيه نفترض إن انتي فعلاً محتاجه تحكي مع حد و تعيطي حتى و كل الحاجات دي ف مش هتلاقي احسن من ربنا تعيطي و تحكيلو مشاكلك صدقيني مش لازم الحد الي هتحكيلو مشاكلك و اسرارك يبقا بست فريند او غيرو ، خليكي عندك يقين إن ربنا سبحانه و تعالى هو الوحيد الي هيسمعك و يساعدك ف كل اوقات ضعفك و انهيارك و لازم تكوني عارفه إن مش كل الناس وحشه في ناس كويسه بس بتيجي مع الصبر ف اصبري و ادعي ربنا يرزقك ب حد كويس تقدري تثقي فيه و تديلو الأمان. و حاولي تشاركي في انشطه اجتماعيه عشان تنسي الي فاتك و تحسن من حالتك النفسيه و تعرفك على ناس و حطي بينهم الحدود الي ذكرتها هتلاقي حياتك اتحسنت بكتير إن شاء اللّٰه و اتمنى لكي التوفيق.
تم النشر الأربعاء، ١٨ سبتمبر ٢٠٢٤
3 تعليق
الحمد لله ي حبيبتي ان ربنا اكرمك وانعم عليكي بانك تعرفي حكمته، الموضوع صعب جدا عليا بس بحاول اني اقدر اصبر وارضى وانا مش شايفة اي خير دلوقتي ف اللي بيحصللي بس اكيد هيجي وقت وافهم .. بتمنى اليوم دا يكون قريب، شكرا مرة تانية ي مريم ❤️
تم النشر الأربعاء، ١٨ سبتمبر ٢٠٢٤
ايوا اكيد كل مننا في لحظه بيكون عايز حد جمبو ،و إن شاء اللّٰه تلاقي الحد دا بس لحد متلاقيه خليكي اتعاملي مع اي حد بنفس الطريقه الي بتتعاملي بيها و قربي من ربنا اكتر دا هيريحك جدااا و افتكري ان طالما ربنا بعد عنك ناس معينه ف اكيد كان وراهم شر ، هحكيلك حاجه حصلتلي شبه قصتك جاتلي فتره كنت عندي نفس المشكله جدا و زعلت لإن صحابي بعدو عني و موقفوش جمبي خالص ف لحظات كنت محتاجاهم فيها جدا مرت شهوور كتيره و الي حصل ان الي بعدو عني دول بقوا ذي متقولي كدا صحاب سوء بيكلمو ولاد و بيعملو مصايب ربنا يهديهم ونا وقتها قربت اكتر من ربنا و بقيت بلبس واسع و توبت من حاجات كتير كنت بعملها لما كنت صحبتهم ، وقتها فهمت ليه ربنا بعدني عنهم و فرحت جداً لإن لو كنت كملت معاهم كان زماني ذيهم و يمكن اكتر كمان ، ف لازم تفهمي ان ربنا هو الي عارف الخير فين و بيقدرهولك أهم حاجه الصبر و إن شاء اللّٰه ربنا هيعوضك 💗
تم النشر الأربعاء، ١٨ سبتمبر ٢٠٢٤
شكرا بجد علي كلامك دا، وحقيقي انا مقتنعة بكل كلمة قولتيها .. انا تقريبا بعمل الكلام اللي قولتيه، وعايزة اقولك ان الناس القريبة مني والناس اللي بتتعامل معايا ف نطاق الشغل بيشوفوني شخصية قوية جدا وفي ناس كتير بتقولي بتمنى اكون زيك وزي شخصيتك، بس انا اكيد انا بشر وبتيجي عليا لحظة ضعف ببقى نفسي حد يكون جنبي فيها مبلاقيش..
تم النشر الأربعاء، ١٨ سبتمبر ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك