نفسي اعرف حاجه وآحده بس لي مجتمعنا ذكوري والمشكلة انو الي بيخليه كدا هو الستات الي فالمجتمع كلامهم الي بيعقد البنات ومن هما صغيرين معظم العائلات العربية كدا وبيعملوا تفرقه حتي لو مش من الام او الاب فبتبقي من الجده او الجد مش لازم تكون باينه آوي بس بتبان ساعات مثلا معظم العائلات بيبقوا عايزين يخلفوا ولاد مش بنات أنا من اول مراهقتي والموضوع ده بدأ بيدايقني لنا خدت بالي منه وسالت كتير وللأسف مخدتش إجابه مقنعه من حد والموضوع ضايقني لحد العياط ولما ساعات مثلا ماما تفرق بيني وبين أخويا مقولتش تحبه اكتر بس في حاجات تانيه ليه عادي بنسيبالهم الواد يشرب سجاير واحنا لا مع انو الانتين حرام الولد يرتبط عاادي مع انو حرام حتى البنت الي يتجوزها الراجل ميقبلش علي نقسه خالص تكون مراته ارتبطت قبل كدا او اي حاجه لكن هو ولا حد سائل عن ماضيه والي يغيظ اكتر انو في احتمالية السماح للزوج لو أتكلم مع بنت تانيه من وراكي ليه بجد ليه هي تسامح عشان ولادهم وهو ميبقاش فارق معاه أصلا هيتغير الوضع ده امتي
عارفة، الموضوع ده بيعاني منه كتير من البنات فالشرق الأوسط، والمجتمعات الذكورية موجودة من زمان ومش بسهولة حيتغير. للأسف، التفرقة دي بتيجي من العادات والتقاليد القديمة اللي بتتناقل عبر الأجيال، ودي حاجة لازم نشتغل عليها كلنا عشان نغيرها. اللي ممكن تعمليه إنك تبتدي بنفسك، تكوني وحدة من الناس اللي بتحارب الأفكار دي، وتوعي الناس حواليك، خاصة الجيل الجديد. حاولي تحكي مع والدتك ووالدك بصدق، فهميهم إزاي التفرقة دي مأثرة عليك، وعلي حياتك النفسية والعاطفية. واعرفي ان التغيير مش بيحصل في يوم وليلة، لكن كل موقف وكل كلمة ممكن تساهم في تغيير الرؤية دي على المدى الطويل. كمان، لو حسيتي انك محتاجة دعم نفسي، مفيش مانع إنك تلجأي لأخصائي نفسي يساعدك تتجاوزي الشعور ده وتفهمي أكتر إزاي تتحكمي في مشاعرك وتتعاملي مع المواقف الصعبة. وأخيراً، خليكي قوية وزي ما نقول دايما: "التغيير بيبدأ من جوه". يعني حاولي تثقي بنفسك وتشتغلي على تطوير ذاتك، علمي نفسك ومش هتلاقي حد يقدر يقف قصادك. البنات ليهم حقوق زي الشباب، ومع الوقت والمجهود، حنتقدم ونوصل للتساوي الحقيقي.
تم النشر الثلاثاء، ٢ يوليو ٢٠٢٤
ليه ؟ إجابتها طويلة اوي أفكار و عادات و تقاليد ترسخت في عقول المجتمع و بقوا بيمشوا عليها بمبدأ هذا ما وجدنا عليه آباؤنا بالظبط طيب خلاص فيه مشكلة محتاجين نتحرك و نلاقي نحل ؟!! الحل هو أن احنا نبدأ بنفسنا ب مجتمعنا الصغير اللي هو البيت ، الأب و الأم و الاخ و الأخت و الابن و البنت .. نبدأ نرمي الأفكار الصح وسط الكلام منغير ما تكون موجهه لحد عشان ميحصلش نقاش ملوش اي لازمة بعدها ، المهم الأفكار تتقال و يتم ذكرها مرة و اتنين و تلاتة و ندعي أن ربنا يغيرنا جميعاً للأفضل
تم النشر الأربعاء، ٣ يوليو ٢٠٢٤
للأسف بسبب تناقل الموضوع ده يعني اللي هو عادات و تقاليد اترسخت في ذهن الناس و تلاقيهم كانوا بيتضايقوا من الموضوع ده و هما صغيرين بس مساعدوش في تغير الموضوع ، فدايما ابدأي بالتغيير منك انتي و حلو اوي ان انتي اتكلمتي و عبرتي عن اللي جواكي ،عارفة انتي ممكن تفتحي حلقة دينية بتتكلم عن الموضوع ده و تنشري الوعي بالموضوع ده بس مثلا متشغليش الحلقة علي طول لا يعني شغلي حاجة تانية الأول و بعدين شغلي عن الموضوع و انا واثقة بإذن الله أن هما هينتبهوا للموضوع و لو هيأثر فيهم كلمة و الله هتفرق المهم متستسلميش لان الموضوع مش بييجي من مرة واحدة و استمري يا قمر
تم النشر الثلاثاء، ٢ يوليو ٢٠٢٤
ما تقوليه حقيقة فعلا ملموسه في كثير من المجتمعات ،، ولكن تعتبر من التشوهات المعرفية التي يعاني منها المجتمع والتي لا يكون التخلص منها بالسهولة التي نتخيلها ،، دورك تثبتي لنفسك وليس للآخرين احقيتك في الاحترام والتقدير وإن الإنسان بما يفعل وليس بجنسه ،، ثانياً انشري الوعي بده بين محيطك وفي أسرتك وفي ابنائك فيما بعد فهي مسألة وعي وإدراك بالوقت لن تنتهي نهائيا ولكن على الأقل سيكون التقدير للنافع من الأشخاص ،، تحياتي لكي
تم النشر الخميس، ٤ يوليو ٢٠٢٤
طيب واحنا ليه ما نسال السوال بالعكس هو ليه محدش بينكر على الولد المنكر موضوع إن الولد عادي يرتبط عادي يشري جزائر وفي بعض الاحيان عادي يزني ده حاجه مش حلوه وبسببها شباب كتير راحة في دهيا وبنات كتير إتظلمة طيب هو الحل إن احنا نقول زي ما الولد عادي يشرب جزائر عادي يرتبط عادي يعمل إلي عايزه يبقي البنت عادي تشرب جزائري عادي ترتبط عادي تعمل إلي هي عايزه. الحقيقة ده مش حل عملى ما امريكا عملة كده وايه إلي حصل اي حد بيسمع عن الحضارة الغربيية والتطوير إلي فيها بيوهم نفسه إن الناس ده عايشين في جنة الدنيا الحقيقة الوضع مش كده خالص عندهم من الناحية الاجتماعية جابو شاب في امريكا في برنامج تلفزيوني بيتعرض لعالم كله وساله المزيع إنتا خونة إمراتك مرة واحدة ولا عشر مرات ولا مئة مرة رد الشاب بكل فخر اكثير من مئة مرة مع العلم إن امراته كانت واحدة من الحضور نور جهاز كشف الكذب على إنه صادق وعملو برنامج تاني بعنوان هل انت الاب الحقيقي لاويادك وفكرته إن الواحدة بيجيب اولاده إلي بياكل ويشرب معاهم من سنين ويعمل تحيل DNA عشان يتاكد من إنه ده ابنه وكانت النتيجة 8 من كل عشر من إلي اتقدمه لبرنامج طلعو مش هم الاباء الحقيقين واثبت الاحصائات فيما بعد ان هذا الرقم اكثير بكثير إذا اضفنا عدد من لم ينضمو لبرنامج وعندهم لو اكتشفو إن البنت حامل من الزناء من حقه إنه تطلب نفقة من ابو ابنها. في امريكا و اروبه عندهم عادي البنت ترتبط زي ما عادي الواد يرتبط وعندهم عادي البنت تزني زي ما عادي الولاد يزني وعندهم اوبشن كمان وهو إن عادي البنت تعمل صدقائة مع عدد لا محدود من الاولاد ونفس الحق لاولاد تبين مساوات في كل حاجه بس النتيجة انعكست سلب على الولد إلي بيقلع يقضي 20 سنة عايش مع ابوه وفي الاخر يكتشف إنه ولا ابوه ولا حاجه عندهم خيانة البنت لجوزها لما تزني ومفيش خيانة تاني ولا اي نوع غير النوع ده بس العكس بقي لو الراجل زني ده مش خيانة تفرقه صح ما هو الغلط هيكمل لاخرء وعشان يبقي المزان عادي شويه حتو شرط إن الولد يبقي مش في واعيه وهو بيزني زائد اي عملية زنا قبل الجواز مش محسوبة. وبسبب إن مل حاجه مباحة اصبح كل الناس مدمنين مخدرات مدمنين إباحية مدمنين مدمنين كل حاجه عشان كده بداة صناعة الاباحية من عندهم وحدث وقالو إن من حق الولد يقلب بنت ومن حق البنت تقلب ولد ومن حق الراجل إنه يعيش على إنه بنت وياخد نفس حقوق البنت من غير ما يعمل تحويل جنسي ونفس الحق لبنت طبعا حالة لا تتصوير ابدا من الناحية الاجتماعية والدنية والاسرية بل واحيانا المادية احنا كلنا فاقين إن كل الناس في امريكا عايشين ميتاحين بس ده مش واقع بارضو اثبت الدراسات ان نسبة الاثراء في امريكا 3% فقط وبهذا تحوذ امريكا على اعلى نسبة اثرياء في الغلب بينما الباقي يتراوح دخلهم السانوي بين 50_150 الاف دولار امريكا خذه منهم نسبة تتراوح بين 30_50% ضرائب وفتورة الكهرباء والمياه مضاف إليهم نفقات المنزل بالاضافة إلي العادات المالية السئة بسبب صورتهم في المجتمع وفي العالم اجمع فتجد ان كل فرد في المنزل يمتلك سيارة رغم انه لا حاجة له بها ولانهم لا يمتلكون الاموال يلجئون للاقتراض وقبل زداد قروضهم يقضرتون مرة اخرية لشراء منزل جديد او سيارة جديدة مما يجعلهم يعيشون في مشقة دائمة وكل افراد الاسرية مجبيرن على العمل لساعات طولية واحيانا يعمل الفرد الواحد اكثر من وظيفة في نفس الوقت. إنه حالة فوضية جدا طيب الحل مش إن احنا نطالب بالمساواة ما بين المرة والرجل في كل حاجه لع الحل إن احنا ندرس ديننا كويس ونشوف الدين بيقول إيه ونعمل زيه انا كل ما بشوف حكم الشرع في اي مسالة بنبهر من الطرح الجميل والبسيط لمشكلة ومن هنا انصحك إنك تدريسي المستوي الاول في علم العقيدة والمستوي الاول في علم الفقه ولو في المقدوره تشتري كتاب الداء والدواء لامام ابن القيم واحد من اجمل ايمة وعلما المسلمين من يقراء الكتاب يظن ان الامام ابن القيم كتب هذا الكتاب بعد 200 عام من المستقبل وفي الواقع هذا الكتاب كتب منذ 700 عام ولو مش في المقدور شراء الكتاب كان الشيخ علاء حامد عامل شرح لكتاب على اليوتيوب. وعشان تدريسي المستوي الاول في علم الفقه يكفي قراءة كتاب الفقه الميسير ومتابعة احداي الشروحات له مع تدوين الملاحظات بإستمرار ولدراسة المستوي الاول في علم العقيدة يكفي قراءة كتاب اصول العقيدة مع متابعة شرح له وتدوين الملاحظات باستمرار هو بس عايزه انوه على إن الموضوع مهم وبسيط يكفي نصف ساعة كل يوم لطلب العلم الشريعي وبعدين لو عايزه تكملي في طلب العلم الشريعي هدريسي المستوي الاول في علم الحديث و المستوي الاول في علم التفسير و السيرة النبوية وعلم اسباب النزول و.... وبعد كده ممكن تعمقي في اي علم تحبيه الفكرة بس إن طلب علم الشريعي حاجه مهمة جدا كتير من الناس بتغفر عنها وهو المطلوب المستوي الاول في علم العقيدة و المستوي الاول في الفقه دهم اساسين لاي مسلم وبعد كده لو عايزه تتعمقي هيكون احسن ويكفي تخصيص نصف ساعه او ربع ساعة كل يوم لطلب العلم الشريعي
تم النشر الأربعاء، ٣ يوليو ٢٠٢٤
شكرًا جزيلًا لطرحكِ هذا الموضوع. بالنسبة لي أنا أيضًا هذه المشكلة من أكثر ما يزعجني ويثير ضيقي في مجتمعنا، وللأسف كما قلتِ النساء عامل أساسي في انتشار هذا السلوك وترسخه في الأجيال المتتالية. ما السبب؟ المرأة التي تتبنى هذه الأفكار وترسخها في مجتمعنا سبق وتربت على العادات والتقاليد حتى لو كانت تأذت منها وعوملت بدونية مقارنة بأخيها، فهي تعتنقها في داخلها وتنشأ على اعتقاد أنها بالفعل درجة دنيا والذكر هو الجنس الأسمى ويستحق معاملة أرقى، يستحق أن يتجاوز الجميع عن أخطائه بينما البنت تحاسب على أتفه الأسباب. تتزوج بعد ذلك وتنتظر بلهفة أن تنجب الذكر الذي سيحمل اسم العائلة ومن سيجعل لها مكانة أمام الناس ولن تتعرض لخطر أن تهينها عائلة زوجها أو يفكر زوجها بالزواج عليها إن أنجبت له البنات فقط ويأتي الذكر فتعامله كملك وتغذي داخله الشعور بالفوقية والاستحقاقية فيتعامل مع شقيقاته والإناث في محيطه أنّهن أقل درجة وخلقن فقط لخدمة الرجل ويكبر ويتزوج ويعامل زوجته بنفس الطريقة وينتظر الذكر الذي سيحمل اسمه وتكرر المأساة وتنتقل الأفكار البالية لجيل جديد. المشكلة أن المجتمع ينشأ على العادات والتقاليد لا على الدين والشريعة وما يفرضه الإسلام من عدل بين الجنسين. هناك فروق بين الجنسين لا محالة ويجب الاعتراف بها، لا أؤمن بالمساواة المطلقة التي يدعو لها الغرب بل بالحقوق والواجبات التي حددها الله لكل جنس منهما دون إجحاف بالجنس الآخر. الفروق التي يحددها الإسلام لا تحابي الذكر على حساب الأنثى والعكس بل تعطي كل ذي حق حقه أما المجتمع فقد ترك شرع الإسلام واعتنق عادات تعود لآلاف السنين عن التفوق الذكوري وأن الأنثى ليست إلا درجة ثانية ومخلوقة لخدمة الرجل وإنجاب الذرية، أعاد إحياء هذه العادات منذ وقت طويل وترك ما يقوله الله ورسوله. أتفهم أن تغضبكِ التفرقة ويؤلمكِ هذا السلوك من الأهل لكن لا تدعي هذا يؤثر عليكِ سلبًا، وضعي في بالكِ ألا تقعي أنتِ أيضًا مستقبلًا في هذا الفخ وتكوني جزءًا من الدائرة التي تفرق بين الذكر والأنثى. واجبنا أن نوعي من حولنا ونحاول قدر الإمكان أن نشير للخطأ الذي نراه ونعرفهم بما يقوله الدين عن واجبات وحقوق كل جنس وأن كل منهم يُحاسب على الخطأ ويجب أن يتربى كما يقول الإسلام. التغيير بالتأكيد يأخذ وقتًا وربما هذه العادات متوغلة في المجتمع ولا حيلة لمحوها نهائيًا لكن على الأقل لا نكون نحن جزءًا من توريثها للجيل القادم.
تم النشر الثلاثاء، ٢ يوليو ٢٠٢٤
كل مجتمع هتلاقى فيه الحلو و الوحش حتى فى امريكا لقيت بردو عندهم عيوب تركيزك على السلبى فى المجتمع هيتعبك أنت لأن تغييره محتاج سنين أكتر من عمرنا أنا جدتى الله يرحمها كانت مهتمه بأخى أكتر بس عادى هو فى النهاية أخويا و هى بتحبنى أنا كمان أحنا جايين فترة فى الدنيا خلينا نعيشها سعداء و ربنا هيحاسب فى النهاية الولد العاصى حتى لو المجتمع سامحه أما السجاير فهى شئ مضر و بيخلى شكل السنان سئ و بيعجز الوش فاحنا فى غنى عنه. ركزى على الحاجات الإيجابيه في المجتمع و اختارى يكون حواليكى الأشخاص الكويسين
تم النشر الأربعاء، ٣ يوليو ٢٠٢٤
المجتمع بيفرق حتى بين الأخوات البنات كمان، أنا شوفت فيه اللى بيفرق بين الـأخوات البنات لو واحدة مستوى جمالها أحلى و بردو بين الأخيين لو حد متفوق عن التانى فالتركيز على المشاكل اللى فيه مش هيتعب غيرنا أما بالنسبة للبنت فأنتى بنفسك قولتى أن السبب فى المشكلة هى المرأة اللى بتميز، فمتشغليش بالك هيحصل ايه للبنت فى الدنيا أشغلى نفسك أنت هيحصلك ايه فى الدنيا خلى ليكى هدف يكون ربنا راضى عنه و مارسى هواية بتحبيها و إن شاء الله لما ربنا يكرمك بأطفال ساوى بينهم بما يرضى الله و بكده هيتغير المحيط اللى حواليكى و كمان ممكن نجاحك و طريقتك تأثر فى اللى حواليكى أتأنى فى اختياراتك للأشخاص اللى بيدخلوا حياتك بمراقبة تصرفاتهم مع الناس من حواليهم و أختارى اللى أفكارهم صالحة و أبعدى بهدوء عن الأخرين. و فى النهاية من يعمل مثقال ذرة خير يرى و من يعمل مثقال ذرة شر يرى فأى ظلم أتعرضتى له قولى حسبى الله و نعم الوكيل و زكرى فى اللى وراكى و على الحلو اللى فى الدنيا
تم النشر الجمعة، ٥ يوليو ٢٠٢٤
وايه الي هيحصل للبنت فالدنيا
تم النشر الخميس، ٤ يوليو ٢٠٢٤
مجتمع متخلف بجد بيخافوا عالبنت من الدنيا ومش بيخافوا عالولد من الآخره
تم النشر الأربعاء، ٣ يوليو ٢٠٢٤
العقل الجمعي محتاج يتعمله غسيل دماغ
تم النشر الاثنين، ٨ يوليو ٢٠٢٤
هو ده مجتمعنا مجتمع ذكوري متعفن٩
تم النشر الأربعاء، ٣ يوليو ٢٠٢٤
لعرض السؤال في فدني اضغط هنا