انا بنت بدرس وفي شويه ولاد معايا في الدروس الولاد دول بتوع بنات وارتباط وكده وانا مش كده وفي جروب للدرس وكده بنحدد عليه المواعيد والجروب ده ولاد وبنات دخل واحد كلمني واتحجج بحجه متدخلش الدماغ ومصدقتوش وعملتلو بلوك وبعدها دخل التاني والثالث والرابع وبعدها جت فتره كان كل يومين ارقام غريبه تدخل تكلمني بعد ما طلعت من الجروب والارقام دي مكنتش اعرفها ولا اعرف صحابها حتي ف جه في دماغي ان هما ممكن يكونو وزعو رقمي علي الولاد واللي زاد شكي ان واحد من الولاد دي دخل كلم صحبتي واتحجج بحجه برصو فاشله وبعدها بقيت انا وصحبتي ارقام غريبه تدخلنا مش انا لوحدي لا ده كمان صحبتي ف حسيت ان ارقامنا اتوزعت ولكن مش متأكده بس الولاد دول بيدخلولي من كذا برنامج مش من الواتس بس وبنفس حساباتهم وصورهم يعني لو عملتلو بلوك واتس يدخلي في اي برنامج تاني وانا مبقولش لأهلي لان مامتي في المواقف دي بتتعصب جدا وهتتعصب عليا مع اني مكلمتهومش وتقل ثقتها فيا وانا كنت عايزه حل من غير ما ماما تعرف وشكرا
اولا انتى محتاجة تعرفى المدرس او السنتر ارقام الاولاد دول عشان هو يعمل تنبيه او تهديد فى الدرس ان اللى هيحصل منه كده هيتمنع من الدرس. اى حد يبعتلك مترديش اصلا ولا تفتحى الرسالة ....هما عاوزينك تتجاوبى وتردى وبيضيعوا وقت. ولو اتصل رقم غريب ورديتى بالغلط خلى مره واحده بابا او حد كبير يرد وهما هيبلغوا بعض ان رقمك انتى بلاش اصلا ( ده لو فعلا توقعك صح ) بلاش بقى عموما الابلكيشن الكتير اللى متاح اى حد يوصلك من خلالها بالرقم وبلاش يكون صورتك موضحه ان ده انتى. متقوليش ماما مش هتثق فيا ...بالعكس هى كده هتحترم انك لجأتيلها .
تم النشر الاثنين، ٢٦ يونيو ٢٠٢٣
ببساطة شديدة احذفي كل البرامج اللي بتدخليها برقم التليفون من على جهازك باستثناء الواتس مثلا لو محتاجاه ضروري في الفترة الحالية وأي رقم غريب يتصل بيك فون أو واتس اعملي له بلوك
تم النشر الأحد، ٢٥ يونيو ٢٠٢٣
بصي ياماما الفترة بتاعتكم دي فترة مراهقة وطبيعي يحصل كدا. ف انتوا ممكن تقترحوا ان المدرس يديكم درس البنات لوحدهم والأولاد لوحدهم، كمان حاولي تغيري رقمك ومتدخليش بيه اي جروب ومتشغليش نفسك بأي حاجة اهم حاجة مستقبلك وركزي ع مذاكرتك لأن دا اللي هيبقى، كل ما يحدث في تلك الفترة هيكون ماضي متخليهوش يسيب أثر بحياتك او يسبب فشلك
تم النشر الاثنين، ٢٦ يونيو ٢٠٢٣
غيرى الشريحه واخرجى من الجروب دا ولو حبيتى تعرفى حاجه تبقى من صحباتك اللى ع الجروب تانى حاجه تعرفى الاستاذ اللى عامل جروب فيه بنات وولاد ومن السهل ان حد ياخد رقم بنت ويضحك عليها ولازم تعرفيه الارقام اللى كلمتك ويشوف دول مين م العيال دى ويادبه ونصيحه ليكى لو تعرفى تغيرى السنتر كله يبقا احسن وتروحى لحد تانى ومتدخليش برقمك ف اى جروب واتس غير جروبات بنات انتى عارفاهم كويس وربنا معاكى ويقويكى ويطمنك ويبعد عنك اى شخص مريض مشفش تربيه
تم النشر الاثنين، ٢٦ يونيو ٢٠٢٣
غيري رقمك وريحي دماغك وبعدين ابقي ادخلي جروبات بنات بس
تم النشر الاثنين، ٢٦ يونيو ٢٠٢٣
بصي هو لو عندك صبر حبه تقدري تعملي بلوك لأي رقم بيكلمك لكن لو عايزة حل سريع و أظن ديه مش متوفره (غيري الخط) و تقدري كمان تقولي للأستاذ المحترم اللي دخل ناس زي دي معاكوا فى جروب واحد لأنوا مسئول برضوا و لو هما بيرنوا دوري فى الاعدادات على خاصية بتمنع الارقام الغريبة من أنها ترن عليكي (اعدادات تطبيق المكالمات ذات نفسوا) لو بقى خارج الواتس و الرن فى أى تطبيق تاني واحد اقفلي اشعارات بتاعتوا لحد لما الموضوع يهدا و لو ينفع تعملي بلوك لأي حد يكلمك على تطبيقات التانية اعملي وبس مع الوقت هيزهق و هيبطل يكلمك و أرجع و اقولك برضوا استاذك غلطان فالمفترض يحتمل الغلط و تعرفيه وبس.
تم النشر الاثنين، ٢٦ يونيو ٢٠٢٣
بعيدا عن السن والفترة العمرية ، اى بنت ف اى ين ممكن تتعرض لمواقف مشابه هقولك حلين سهلين الاول القائمة البيضاء لرقمك الارقام ال تقدر تتواصل معاكى فقط الثانى حظر اى أرقام غير مسجلة من خصوصية تطبيق تروكولر ملحوظة :بلاش تضايقى وتحسى أحاسيس مش لطيفة اعتبرى الموضوع تجربة اتعلمت منها معرفة إعدادات الخصوصية للبرامج فى وقت مناسب (ثورة الذكاء الاصطناعى)
تم النشر الاثنين، ١٠ يوليو ٢٠٢٣
ممكن تقولي للمدرس اللي بتاخدوا معاه وهو هيتصرف معاهم او لو تعرفي حد من عيلتهم قوليلهم
تم النشر السبت، ٨ يوليو ٢٠٢٣
فيه اكواد لشركات الاتصالات وفيه حتى خاصيه في التليفون بتمنع اي رقم غريب يتصل، بس ريحي دماغك وهاتي خط جديد احسن
تم النشر الاثنين، ٢٦ يونيو ٢٠٢٣
انا رأيي ترمي الشريحه أحسن ما تلاقي نفسك داخله في حوارات بعد كدا ،، وانصحك تعرفي أبوكي وامك وتخليهم يفهموا المدرس بالكلام دا و تقوليلهم انا عاوزه شريحه جديده. ،، دا الصح اللي انا اعرفه ،انا ك شاب و عارف دماغ الشباب اللي زيي ،، ف بقولك ان هما ممكن يكونوا بيلعبوا ع حته معينه و هي انك هتزهقي و هتردي في وقت ما ،، و طالما أكتر من واحد بيكلمك يبقي العيال دي معندهاش بربع جنيه سلكان ف ارمي الخط احسن ،وربنا يبعدك عن كل شر
تم النشر السبت، ٢ مارس ٢٠٢٤
حاولي تعمليلهم بلوك من جميع البرامج ولو من الممكن ان تشتري خط غير ذالك سيكون افضل لكي بالتأكيد
تم النشر الاثنين، ٢٦ يونيو ٢٠٢٣
• اشتري خط جديد ، ولا تنضمي لمجموعات مُختلطة ، وإنما والدتك هي التي تشترك في المجموعة ومع أولياء الأمور والمُعلم أو المُعلمة فقط.
تم النشر السبت، ٢٧ يناير ٢٠٢٤
انا عامله الخاصيه دي من تروكولر بس برضو مش بيسيبوني في حالي في الشات وكده
تم النشر الاثنين، ٢٦ يونيو ٢٠٢٣
ارمي الشريحة اللي معاكي واشتري شريحة جديده واحذفي حساباتك كلها اللي بالرقم القديم واعملي حسابات جديده وحتي الواتساب احذفي حسابك عليه واعمليه بالرقم الجديد + نزلي ابليكيشن تروكولر فيه خاصية بيخليكي تتحكمي ف اي رقم يتصل بيكي مش متسجل عندك ويعمله بلوك تلقائي كده.
تم النشر الاثنين، ٢٦ يونيو ٢٠٢٣
لعرض السؤال في فدني اضغط هنا