سلام عليكم،
وأنا بصلي الشفع بنسي اني في سجدة كام وببقا محتار جدا وبنسي كتير مع اني بركز في صلاة ولما بسجد بدعي كتير فبنسي انا في سجدة كام وانا بصلي الشفع ابقا في ركعة تانية ويجيلي شك أني لسه في ركعة الأولة وفي آخر اصلي ٣ ركعات مش عارف اعمل ايه بس صراحة أنا بقرأ بسرعة في تلاوة بركز اني اقرأ صحيح وانجز في قراءة عشان عندي اوراد قديمة كتيرة اوي بخلصها قبل ما يخلص رمضان فمش عارف دي وساوس ولا ايه لأن انا اصلا عندي وساوس قهرية في العقيدة وأنيف شوية ومش عايز مواضيع تطور زيادة
في فرق بين النسيان والوسواس، انك تنسى نهائياً انت فالركعة الكام غير انك تشك انت فالتالتة او التانية. في حالة النسيان حاول تفكر نفسك في البداية عن طريق انك تحدد سورة تقراها فكل ركعة بالاضافة للقراءة العادية لحد ما تسيطر على موضوع النسيان. الوساوس في الصلاة لو دائمة فلا تلتفت إليها وصلي حسب الي انت عارفه، يعني عارف انك فالتانية وجالك الوسواس انك فالاولى فاعتبر نفسك في التانية. ومتفكرش كتير. ايه هي الاوراد القديمة وقد ايه؟ وايه مشاعرك او تفكيرك تجاهها؟ اخر نقطة موضوع الوساوس القهرية في العقيدة، يعني لو أمكن مثال؟
تم النشر الاثنين، ١ أبريل ٢٠٢٤
صحيحة ان شاء الله بس بيكون وسواس من الشيطان بس حاول تحدد مثلا سورة معينة تقرأها في الركعة الاولي وسورة تانية في الركعة التانية تكون محدده قبل ما تصلي عشان متنساش
تم النشر الأربعاء، ٣ أبريل ٢٠٢٤
جرب تفصل الصلاة عن الورد وتصلي بسور حافظها دا هيساعدك إنك تركز وتفتكر الآيات وتقولها بشكل صحيح من ذاكرتك فمثلا هتصلي الركعه الأولى وهتقرأ سورة صغيرة فليكن سورة الفلق (مثلا ) والركعة الثانية هتقراها بسورة تانية مثلا ( الإخلاص ) لو جيت مش متذكر إنت في الركعه الكام تلقائيا هتتذكر إنك قلت سورة الفلق من شويه والإخلاص ف كده صليت ركعتين .. ممكن السجدة الأولى تسجدها عادي والسجدة التانية هي اللي تدعي فيها وبكده هتتذكر دايما إنك خلصت سجود بعد الدعاء
تم النشر الثلاثاء، ٢ أبريل ٢٠٢٤
وعليكم السلام حدد هدف قبل البدأ فى الصلاه ..لان تعدد النوايا كويس ..بس لما تثقل نفسك بالاهداف فبتعمل جوه عقلك دوشة ومش هتعرف تتلذذ بالطاعه وهيبقى مجرد ارقام بتعدها ..هو مش تارجت رقمى قد ما هو مهم انه يكون تارجت نفسى وروحانى جرب الموضوع مع قصار السور كده فى اى ركعتين وشوف اذا نفس الموضوع موجود ولا لا
تم النشر الاثنين، ١ أبريل ٢٠٢٤
ايوا وانا عندى اكتر والله ربنا يشيل عنى وعنك ابتلاء ولزمن نقول الحمد لله ربنا سبحانه ليه حكمه 💖💖💖
تم النشر الخميس، ٤ أبريل ٢٠٢٤
ممكن اعرف الوسواس إلى فى العقيده عندك مثلا ازاى عشان عندى وسواس ف العقيده معذبني بقالى ٤ سنين ممكن تعرفيني
تم النشر الخميس، ٤ أبريل ٢٠٢٤
تمام الموضوع لو تتكرر كثيرا هذا من الشيطان ولاتتبيعيه ام إذا لم يتكرر إلا نادر الافضل ان تقومي الي ركعه ثانيه اي تزويد ركعه وتسجد سجدتين السهو وان شاء الله ربنا هيتقبل ولا تنسي أن تدعي الله أن يرفع عنك هذا
تم النشر الثلاثاء، ٢ أبريل ٢٠٢٤
لعرض السؤال في فدني اضغط هنا