بالمناسبة بوتين رئيس روسيا صدر ضده مذكرة اعتقال، نتنياهو ممكن يتعامل بنفس المعامله بردو، لان الي بيحصل ابادة جماعيه، لكن بردو واحنا بنتكلم لازم نكون واقعيين شويه، يعني نسال ونبحث ف موقف اسرائيل وموقف حماس بكل تجرد وعدم انحياز، اسرائيل موقفها الدولي ع فكرة قوي جدا، اه احنا بنبيد الفلسطينين بس ع الورق احنا بنحارب الارهاب لا وكمان بنطلب دعم المجتمع الدولي ف حربنا ضد الإرهاب، وعايزك بردو تمشي بمبدأ مهم جدا طالما قررتي تفكري وتكوني وجهه نظر قانونيه، اما يتعرض عليكي موقف قانوني زي الصراع الفلسطيني لازم تمنعي نفسك من الانحياز لاي طرف لازم يكون قرايتك مجردة واحكامك غير منحازه، اما بيجلنا متهم بنقرا ملف القضية عشان نعرف موقفه القانوني ايه بغض النظر عن برائته او ادانته. هستفاد او هفيده ازاي اذا كان فعلا بريئ بس كل الادلة ضده وموقفه محسوم وع العكس اذا كان فعلا مذنب بس موقفه كويس ونقدر نتكلم ف بطلان اجراء او نقدم دفاع قوي وياخد برائه فعلا. ف النهاية عايز اقولك ان القانون الدولي العام مهم جدا ف العالم حتي وان افلت بعض المجرمين من العقاب. وكون ان المجرم شاطر ف اجرامه، دا لا ينال ولا يعيب القانون نفسه ولا النظام. وانا اديتك مثال ع بوتين اهو رئيس تاني اقوي دولة عسكريه ودولة منتصره ف الحرب العالمية التانيه، ومن اقوي الدول ف ساحة الشؤون الخارجيه، وعضو دايم ف مجلس الامن وله حق النقض، ومن اقوي الدول اقتصاديا ودوله لها تاثير كبير ف سوق الطاقة. ومع ذلك صدر ضده مذكرة من المحكمة الجنائية الدولية. احنا متاثرين عشان الفلسطينين اخواتنا، والاسرائليين مجرمين ومعندهمش اي رحمة لا للاطفال ولا للنساء ولا للمسنين. وعايز اقولك بردو ان دم اخواتنا مش اسرائيل بس الي مسؤولة عنه، اه هي المسؤول المباشر بس مش هي المسؤول الوحيد. فكري فيها واقري القضيه وابحثي عن كل الاحداث المرتبطه بالصراع. وف معلومة كدا عامة عن اسرائيل. اسرائيل اول دولة قتلت مبعوث أممي والحادثة دي هي السبب المباشر ف اكتساب الامم المتحدة للشخصية الدولية، ومعظم الناس كمان بترجح ان هي الي اغتالت الامين العام للامم المتحدة. اخر حاجه باكدلك عليها، دراسة القانوووون بتهتم بما ينبغي ان يكون علية الواقع، وليس بما هو كائن بالفعل، لو مقدرتيش تفهمي دا وتحطيه ف اعتبارك هتجيلك صدمة اما تنزلي ساحة العمل وايا كان موقع عملك سواء قضاء واقف او قضاء جالس.
تم النشر الاثنين، ١١ ديسمبر ٢٠٢٣
بالتوفيق والنجاح
تم النشر الأحد، ١٠ ديسمبر ٢٠٢٣
مع احترامي لحضرتك بس عشان اكون كويسة في دراستي لازم احب الي بدرسه وعشان احبه لازم اعرف عنه وانا بسأل خبراء القانون الي هنا عن انو ليه مبيتحاسبوش عشان افهم الدنيا اكتر وافهم الواقع لان اكيد في يوم من الايام ان شاء الله هضطر اتعامل مع الواقع ويهمني افهم
تم النشر الأحد، ١٠ ديسمبر ٢٠٢٣
بلاش تسئلى اسئله تتعبك ركزى ياست الكل واعملى انت اللى نفسك فيه لانك ماينفعش تعملى حاجه من غير إتمام دراستك وافتكرى قانون العائله لازم تتفوقى عشان الزامهم بالمصاريف الجامعيه هتقف ويقام عليك حد الجلد باللسان بالنجاح والتوفيق
تم النشر الأحد، ١٠ ديسمبر ٢٠٢٣
طيب ايه السبب في ان المحكمه الدولية مش بيحاكموهم عن جرايمهم الواضحة
تم النشر الأحد، ١٠ ديسمبر ٢٠٢٣
لعرض الإجابة في فدني اضغط هنا