كيف اعمل مشروع علي التواصل الاجتماعي واربح منه انا بنت؟؟
لو عايزة تعملي مشروع يبقى تشوفي إيه المنتج أو الخدمة اللي تقدري تقدميه للناس وتسوقيه كويس .. هي دي القصة باختصار! المنتج دة ممكن يكون أكل .. ملابس .. أو أي حاجة تانية أو تتاجري بأنك تشتري منتجات بالجملة وتبيعيها قطاعي أو أنك تقدمي خدمة زي الترجمة أو التعليم أو تحفيظ قرآن وهكذا! وبالتوفيق
تم النشر الخميس، ١٧ نوفمبر ٢٠٢٢
ازيك، يارب تكوني بخير وبأفضل حال. شوفي انتي مهارتك ايه؟ يعني مثلا لو بتعرفي تكتبي كويس (مقالات -خواطر- قصص) اطرحي الخدمة ديه على مواقع العمل الحر زي خمسات، كفيل, مستقل وهكذا في باقي المجالات .. المواقع ديه عليها خدمات كثيرة جدا، ف لو فيه اي مهارة عندك استغليها، وقدميها. ممكن كمان تشتغلي شغل اداري زي مودريتور.. وهي إدارة مواقع التواصل الاجتماعي. مجالات العمل كتير، بأقترح عليكي انك تقري وتشوفي فيديوهات على اليوتيوب علشان تعرفي اكتر هتعملي ايه، في قناة على اليوتيوب اسمها نادي القراءة العملية، ممتازة جدا. أتمنى ليكي كل التوفيق.
تم النشر الخميس، ١٧ نوفمبر ٢٠٢٢
فيه فكرة كويسة جدا ومجربة كتير خصوصا انك بنت كل بنت في دايرة معارفها اصحاب كتير علي الفيس بوك واصدقاء علي الواتساب وهكذا ممكن جدا تسوقي ليهم منتجات تجميل وسكين كير بمعني انك تساوي من تاجر جملة منتجات حلوة بقيمة صغيرة ومش لازم كمية كبيرة خالص وتبدا فيبيعها لو عجبتك الفكرة قوليلي اساعدك وابعتلك حد موثوق فيه مستورد تشتري منه
تم النشر الجمعة، ١٨ نوفمبر ٢٠٢٢
شوفي نفسك بتفهمي ف ايه اواتعلمتي ايه من شهادتك وتعليمك لو تجاره يبقى محاسبه ولو برمجه وتكنولوجيا معلومات يبقى دعايه وإعلان وشغل دعايه للشركات ولو ليكي ف التصوير والفوتوشوب افتحي استديو ع النت ولو ليكي ف الطبخ برضوا قدمي برنامج طبخ وأحدث الاكلات ..وتحياتي بالتوفيق😊
تم النشر الجمعة، ٣٠ ديسمبر ٢٠٢٢
اتعلمى ادارة الصفحات وشوفى اعلانات اللى بيطلبوا ادارة صفحة ...دى ابسط حاجة او تسويق منتجات او بيع اون لاين
تم النشر الأربعاء، ٢١ ديسمبر ٢٠٢٢
قبل أي شئ كم عمرك؟
تم النشر الجمعة، ٣٠ ديسمبر ٢٠٢٢
لعرض السؤال في فدني اضغط هنا