مش عارف احوش مفيش اي حد عنده اي طريقه
ممكن اجابتي تكون مضحكه شوية ولكن ممكن تفيدك في حصالات بتتباع مش بتتفتح يعني فيها مكان لادخال الفلوس بس ولما تتملي وتحب تاخد منها تقوم تكسرها عشان تعرف تاخد ال جواها اشتريلك واحده واول ما تقبض حط ما يتناسب معاك ١٠٠ او ٥٠ او زي ما يكون وتاخد مبلغ تاني حتى لو زيهم تطلعه صدقه او تخليه كفاله يتيم او اعالة اسرة فقيرة او اي حاجه المهم هيكون صدقه لله وكل فترة حتى من غير ما تقبض كل كم يوم حطوفي الحصاله خمسه جنيه مثلا وزيهم صدقه وهكذا وادعي دايما بالبركه في المال والرزق والصحه ربنا يباركلك
تم النشر الخميس، ١٢ يناير ٢٠٢٣
فيه خطوات انصحك باتباعها اسمع الفويس ده
تم النشر السبت، ١٤ يناير ٢٠٢٣
الدخول في جمعيه مع حد وتقبضها حتي اخر واحد هيخليك تعرف تحوش وملزم بتوفير المبلغ انا عن تجربه عملت كده وفادتني انا كنت بس ادخل الجمعيه علشان احوش بس وكنت حتي بقبضها اخر واحده
تم النشر الثلاثاء، ١٠ يناير ٢٠٢٣
الجمعيات وتقبض اخر اسم عشان تكون ملتزم بالمبلغ ومتقدرش تفوت اى شهر
تم النشر الثلاثاء، ١٠ يناير ٢٠٢٣
ممكن تدخل في جمعيات ولما تقبضها تشيلها في دهب او قسط لعقار مثلا او تحطها في البنك
تم النشر الثلاثاء، ١٠ يناير ٢٠٢٣
لا الجمعية غلط الايام دي. لية لأن على ما تابض هيكون حصل تعويم للجنية يبقي انت محوشتش حاجة
تم النشر الخميس، ١٢ يناير ٢٠٢٣
اعمل حساب بنكي وحط فيه مبلغ شهري بشرط انك تكسر الكارت بتاع بأنك وده هيمنعك تسحب منه، 😁
تم النشر السبت، ١٤ يناير ٢٠٢٣
واظب علي الجميعات
تم النشر السبت، ١٤ يناير ٢٠٢٣
انه يبقي عندك هدف و تفكر في بكرة.. بص الجمعيات حل مؤقت لحد اما تقبض الفلوس ما هتصدق و هتروح تصرفها لكن لما يبقي عندك هدف انت هتضغط علي نفسك علشان تحوش و توصل ليه، الحاجه التانية لما تفكر في بكرة و ان الفلوس لو اتصرفت دلوقتي علي غير الهدف هتعتبر إهدار ليها و هتضطر تبدأ من الاول اعتقد انك هتفهم أهمية انك يببقي معاك فلوس و تحوشها.. لازم تتعلم تدوس علي نفسك بمزاجك قبل ما حد غريب يخليك تدوس علي نفسك غصب عنك.
تم النشر الثلاثاء، ١٠ يناير ٢٠٢٣
لعرض السؤال في فدني اضغط هنا