السلام عليكم ورحمه الله وبركاته
انا بنت كنت مخطوبه لشخص لمده 4 سنوات عن حب اخر فتره حصلت مشاكل كبيره بينا أدت للانفصال كان في صديقه مقربه بينا عرفه الي بينا وكانت بتحاول تحل الي بينا لحد ما انفصالنا بعد كده اكتشف أنهم مع بعض واتخطبو من ساعه ما عرفت مش عارفه اتخطا كل ما افتكر احس أن انا الي عملت في نفسي كده ندم وزعل من وعلي الشخص مش قادره استحمل حاسه حياتي وقفه ارجو المساعده
هى اكيد صعبه بس فى ناس بتيجى فحياتنادرس ونتعلم من الدرس ده خيانة صحبتك ليكى وكمان حب سنين مش سهل بس ممكن ربنا شايف ان ده الاصلح والخير ليكى احسن مكنتى تكملى معاه ويخونك قدام انتى كده على البر احسن وبعد كده مدخليش حد فمشاكل حياتك بعشم اوى علشان مش الكل وافى وربنا هايعوضك بالاحسن ويستهلك دول ميستهلوش انك توقفى حياتك اقفى تانى وقعتى فحفرة قومى وكملى وابقى احسن من الاول وريهم انك من غيرهم بردو عايشه وهما مش فرقين معاكى
تم النشر الأربعاء، ٢٦ يونيو ٢٠٢٤
وعليكم السلام ورحمة الله وبركاته عشان نكون صرحاء ونبعد عن وهم التنمية البشرية...من أقوال مثل: قوم وكمل .....أنت قوي اوي....محدش يقدر يوقفك...وغيره كثير لازم نعترف إن إحنا ضعاف زي ما الملك سبحانه قال:"وخلق الإنسان ضعيفا" فموقف زي اللي حصل معاك ده موقف صعب بجد....ولكنه يهون بالله... ومش دروشة والله يا أختي، لكن أكبر سبب عشان تقدري تتخطي الأمر ده هو ربنا...ده يعني مثلا صلاة ودعاء كتير كتيير اوي...وفي أسباب مهمة تانية زي الانشغال بحاجة نافعة؛ لأن لو ما اشغلتيش قلبك وفكرك بحاجة كويسة....بشكل اوتوماتيكي هينشغل بحاجه مش كويسة ومحتوى د.عبدالرحمن ذاكر الهاشمي في الحل الحقيقي بإذن الله، مش ارميلك كلمتين إنت جامد إنت مفيش منك اتنين فتتحمس يومين وترجع زي الأول أو اسواء!
تم النشر الخميس، ٢٧ يونيو ٢٠٢٤
تقولي الحمدلله وتشكري ربنا كتييييير اوي أنه انقذك من اللي مدخلاهم حياتك وهما ميستاهلوس .. قولي الحمدلله عشان ربنا يراضيكي وترضي وتهدي من جوا تشغلي وقتك بشغل بجيم ب اللي تقدري عليه بس اول ماتفتكري حاجه عنهم احمدي ربنا واشكريه يمكن ربنا بعدهم عنك عشان كاتبلك حد هيعوضك عن كل حاجه او رزق ربنا هيبعتهولك ودول مش هيحبوا أن تكوني مرتاحه
تم النشر الخميس، ٢٧ يونيو ٢٠٢٤
السلام عليكم ورحمه الله اهلا و سهلا الخيانه اصعب شعور ممكن يمر بالانسان، و لكن كل المواقف القاسيه بتعلمنا أننا ناخد حذرنا و بنعرف فيها قد ايه احنا علي قدر من الصدق و الإخلاص، و هما الاتنين يشبهوا بعض لذلك جمعهم الله سويا. ✴️احمدي الله اولا أنه شال عندك الشر. ✴️ثانيا لازم تشغلي نفسك لو انتي لا تعملي ابدأي ابحثي عن عمل. ✴️ اعملي الاشياء اللي بتسعدك، و فرحي نفسك. ✴️ مارسي الرياضه واشغلي وقتك بيها. ✴️ اتكلمي مع نفسك علي ورقه و طلعي كل اللي جواكي و بعد كدا احرقيها. ✴️ لا تندمي احيانا في بنات بتحتاج مساعده من زميلتها، و الصديقه لو مخلصه بتعمل المطلوب فقط و لكن انتي احمدي الله ان ربنا أظهر لكي حقيقه الاثنين و انتي لسه مخطوبه، ربنا يعوضك خير. ✴️ عسي أن تكرهوا شيئا و هو خيرا لكم تحياتي
تم النشر الخميس، ٢٧ يونيو ٢٠٢٤
وعليكم السلام ورحمة الله وبركاته، آه يا عزيزتي، أنا حاسة بشعورك ومعاكي قلباً وقالباً. طبعاً الخيانة بتوجع جداً، خصوصاً لما تجي من ناس كنا بنحسبهم قريبين مننا وقريبين لقلبنا. أساساً، لازم نطلع من هنا بخطة للطريقة عشان نتعافى. اجري الفرصة للحزن: مش غلط إنك تحسي بالحزن، الوجع طبيعي جداً. اعطي نفسك مساحة كافية إنك تبكي وتعبرين عن اللي في قلبك. دا جزء من عملية التعافي. اتكلمي مع حدا تثقي فيه: احياناً الكلام مع صديقة أو أحد من الأهل القريبين بيساعد كتير. حيسي بشوية راحة لمن تفضفضي وتحكي كل اللي داخلك. اهتمي بنفسك: حاولي تخصصي وقت لنفسك. اعملي أشياء بتحبيها، زي قراءة كتاب، ممارسة رياضة، أو حتى تغيير بسيط في نظامك اليومي. الابتعاد عن السوشيال ميديا: أحياناً لهاي الأمور بزيد الوجع، خصوصاً لو بتشوفي صورهم أو منشوراتهم. خذي بريك من أي شي بيذكرك فيهم. ضعي أهداف جديدة: هذا هو الوقت المناسب إنك تركزي على نفسك وأهدافك الشخصية. حطي خطط صغيرة يومية تساعدك تحسي بأنك عم تمشي لقدام. ** طلب المساعدة المهنية:** ما في شي غلط إنك تلجي لمدرب حياتي أو معالج نفسي، بيكون عنده طرق وأساليب متخصصة تساعدك تجاوز الأزمة دي. ويا عزيزتي، تذكري دايماً إن اللي صار مش ذنبك، وإنك تستحقي أفضل. الماضي مجرد جزء من حياتك، والأشياء الحلوة ما زالت قدامك. إنتِ قوية ووحتعدي من هنا أقوى من قبل. 🌟 ربنا يريح قلبك ويدلك على طريق السعادة. 💖
تم النشر الأربعاء، ٢٦ يونيو ٢٠٢٤
الله يكون في عونك حقيقي.... بس في اجابيات كتيره اووعي في الموضوع تعرفي انا كراجل فرحان ليكي... يا اختي هسألك سؤال لو الشخص ده كنت كملتي معاه للاخر واتجوزتي انت وهو بس اللي يحصل انك مش عارفه بقى انه جواه ايه لواحده من زمايلك افرضي قرب منها بعد الجواز وكلمها من وراك كنت هيكون احساسك اي ومن ثم تتخانقي معاه ويطلقك وتبقى خارجه من بيته وهو مش مقدرك عشتي مخلصه وهو ما يستاهل هل وقتها كنت هتتمني انك تكوني اتجوزتي؟؟ بجد احمدي ربنا انه نجاكي ربنا بيختار الخير دايما لينا مش معنى انه عن حب يبقى تصدقي ممكن يكون حب من طرف واحد وممكن يكون مش دخل الباب من بيته اصلا لو كان في فينك كلام غير شرعي وكون انك تخلي يكلم صحبتك دا اصلا غلط والغلط الاكبر فيه انه قبل رقمها مشاكلك معاه يكلم اهلك بس احمدي ربنا لانه هيجيلك الاحسن منه ان شاء الله انسان يتقى ربنا فيك ويشيلك جوا عينه
تم النشر الخميس، ٢٧ يونيو ٢٠٢٤
لعرض السؤال في فدني اضغط هنا