وعليكم السلام ورحمة الله وبركاته، هاي المشكلة موجودة عند كثير من الناس، وحتى مرات عند الاشخاص الي بتملك طلاقة بالحديث بس ممكن تصير معهن، فاولا ما بدي تقلق. ثانيا، حل هاي المشكلة بكون ببساطة تجنب الاسترسال بالحديث، لانه الاسترسال ببعدك عن المضمون ، مثلا... بدون استرسال: " هل تعلم؟ بالامس وجدت قط بالشارع وكان مريض اخذته واعتنيت به". مع استرسال: " هل تعلم؟ بالامس كنت في شارع فلان هذا الشارع الذي مرة من المرات واجهت به حادثة، نعم تلك الحادثة، وبعد ذلك ذهبت للمشفى الفلاني، التي ماتت به جدتي، لقد كانت مريضة، لقد كانت طيبة وتعد لنا البسكويت! كنت افضل البسكويت بنكهة الشوكلاطة منها...." سيمل السامع وستتوتر وتبعد عن المضمون. هاي النقطة الاولى النقطة الثاني حاول تدرب بالبيت، مع امك مع اخواتك؛ وما تتوقع ردات فعل سلبية لانها بتوتر ولما بتتوتر كمان ما رح تعرف توصل فكرتك. وتذكر انه خير الكلام ما قلّ.
لعرض الإجابة في فدني اضغط هنا