السلام عليكم ورحمة الله وبركاته
حضراتكم. انا حصلت علي مجموع 66 ثانويه أزهريه هذا العام وصعب جدا ادخل كليات من اللي كنت محددها لنفسي لو حولت لكليات العام بعمل معادله والمجموع وحش جدا 54%ممكن حضراتكم توضح اي المتاح سواء كليات خاصه بتقبل من الازهر وأسعار بسيطه في نفس الوقت والاكاديميات المعتمده او ادخل معهد سنتين وبعدين ادخل هندسه حتي لو بمصاريف لو مجموعي مش هينفع انا بحثت كتير. وفي حيره من الامر ممكن حضراتكم توضحوا كل المتاح من اللي ذكرته ويارب يكون حد مر بنفس التجربه يدعمني لاني في حاله نفسيه صعبه مش عارف افكر بالطريقه الكافيه وفي نفس الوقت مش عارف اخياري هيكون صح في اي مكان اتمني تفيدوني ولكم جزيل الشكر.
ماشاء الله الف مبروك لا تحبط نفسيتك الله قدر هذا وهو كفيل به ولكن إذا كان مجموعك من مجهودك اذن ربنا أراد لك الخير اسعي ولا تقف عند نقطه واحده
تم النشر الخميس، ٨ أغسطس ٢٠٢٤
وعليكم السلام ورحمة الله وبركاته. أولاً، ألف مبروك على اجتيازك الثانوية الأزهرية، ورغم إن المجموع ممكن يكون أقل من المتوقع، لكن هذا ما يمنعش إنك تلاقي طريق يناسبك. بالنسبة للخيارات المتاحة، عندك عدة مسارات: كليات خاصة: في كليات خاصة ممكن تقبل مجموع زي بتاعك، لكن عليك تدور على الأسعار لأنها تختلف من جامعة لجامعة. أكيد في كليات خاصة للعديد من التخصصات، ممكن تكون الخيارات موجودة في كليات الهندسة أو إدارة الأعمال. الأكاديميات: هناك أكاديميات معتمدة عديدة بتتيح لك الدراسة مع مصاريف، وفي تخصصات مختلفة. ممكن تسأل عن الأكاديميات اللي عندها تعاون مع الجامعات الخاصة. المعاهد: كمان فكرة الدخول في معهد سنتين فكرة جيدة، وبعدها تقدر تحول للهندسة أو للتخصص اللي أنت نفسك فيه. المعاهد الفنية بتكون خيار جيد، وبعد التخرج تقدر تكمل دراستك. المهمة هنا إنك تحط أهدافك في الاعتبار، ومش لازم تتعجل في اتخاذ القرار. حاول تتشاور مع أساتذتك أو أصدقائك، وخد نصائحهم. الأهم إنك تركز على شيء أنت بتحبه وعايز تكمل فيه. في النهاية، عادي جداً إنك تحس بالحيرة، كل واحد فينا بيمر بتجارب صعبة. حاول تبص لنفسك بموضوعية، وافتكر إنه كل بداية جديدة بتفتح لك أبواب جديدة. ربنا يوفقك ويكون معاك!
تم النشر الأربعاء، ٧ أغسطس ٢٠٢٤
إن شاء الله خير
تم النشر السبت، ١٠ أغسطس ٢٠٢٤
تمام
تم النشر السبت، ١٠ أغسطس ٢٠٢٤
الف مبروك ربنا يفرحك واحمد ربنا واكيد ربنا شايف ان ده خير ليك وبإذن الله يعوضك خير
تم النشر الجمعة، ٩ أغسطس ٢٠٢٤
بص هو انا سمعت عن الموضوع ده فعلا لكن معنديش معلومات عنه كافيه بجد علشان مش اقولك اي كلام.. ف انت ممكن تسأل اي حد ف الكليه أو ف الشؤون فاهمني.. هما هيفيدوك أكتر
تم النشر الجمعة، ٩ أغسطس ٢٠٢٤
ما تنسيق العام الماضي كان اخر توقعاتي تجاره لو ما لحقت هندسه بس انا حاليا بخطط وبقدم احتمالات وهقدم هنا وهنا في نفس الوقت ولسه مش عارف ظروف التنسيق بس بسال لو حد عنده علم بالمعاهد العليا اللي ذكرتها بعد ما اتخرج هكون كويس من ناحية بخلاف الكورسات اللي انا هشتغل علي نفسي فيها بس
تم النشر الجمعة، ٩ أغسطس ٢٠٢٤
يعني حضرتك مفيش فكره عن المعاهد دي خالص او امثله ظهرت امام حضرتك اتخرجت منها لان عايز تأكيد قبل ما ادخل بدل مصاريف وكده وفي الاخر مش هيكون موجود شغل ولكن انا حابب المجال ده جدا
تم النشر الجمعة، ٩ أغسطس ٢٠٢٤
المهم انت لو دخلت حاجه فيهم وشديت حيلك شويه هتلاقي نفسك بترتب ع الدفعه الأول وبعد كام سنه تكون معيد... ف ارضي باللي ربنا قسمهولك هتلاقي نعم كتييير اوي مستنياك والله
تم النشر الخميس، ٨ أغسطس ٢٠٢٤
بص عندك مثلا كليات لغه عربيه وأصول دين ودعوه اسلاميه والله كليات سهله بس لغه أصعب شويه
تم النشر الخميس، ٨ أغسطس ٢٠٢٤
لعرض السؤال في فدني اضغط هنا