ازاي الاقي نفسي واحدد هويتي انا لسه متخرج م الجامعه كليه تربيه بس تايه ومش عارف اشتغل بشهادتي وهل هلاقي شغل بيها اصلا ولا اشوف مجال تاني ولو هعمل كدا اشتغل ف مجال اي معنديش اي موهبه او هوايه ممكن اطورها
خدها تدريجي اصل الحياة دي مراحل صعبه وكل مرحله حسب انجازك وتفوقك فيها والعمر يمضي سريعا ياصاح
تم النشر الجمعة، ٣٠ ديسمبر ٢٠٢٢
طيب نبتدي واحدة واحدة. نبدأ بالكلية .. هل انت عندك قابلية انك تشتغل بكليتك او فيه مجال للشغل اساسا فيها ولا لا؟ مش عارفه تربية قسم ايه بالظبط .. لكن شوف القسم بتاعك هل كويس مثلا ولا لا حتى ممكن تدي فيه دروس مثلا حتى لو كانت اونلاين ف هيبقى شئ كويس جدا. ف انت فكر في ناحية الكلية .. + في نفس الوقت شوف مجال تاني. وديه الخطوة التانية .. مش لازم تكون عندك موهبة او مجال حاليا علشان تطوره ... المهم يبقى عندك قابلية التعلم لمجال جديد علشان تقدر تشتغل فيه. وهنا السؤال؟ طيب انا اعرف منين مثلا اللي انا عايزه او المجال اللي ممكن ابقى فيه كويس؟ بالتجربة .. انت مثلا لو اخدن جولة كدا في اقل من اسبوع وتحاول مثلا تحصر عدد المجالات المهمة واللي ليها عائد كويس واللي هتكون متاجة كمان ال 10 سنيين اللي جاية لان فيه طفرة كده في الشغل وتغييرات هتحصل خلال السنيين اللي جاية. ف انت ممكن تقرأ شوية في كذا مجال تاخد فقط خلفية عنه .. وتشوف عليه فيديوهات عن المجالات ديه. لحد ما تقرر انهي مجال مثلا شدك او انت لاقي نفسك فيه .. وتبدا تشتغل على نفسك فيه. ده موقع كويس جدا اسمه نادي القراءة العملية انصحك جدا انك تدخله وتتصفح المواضيع اللي فيه هتساعدك جدا في رحلتك https://www.prceg.com/ وديه القناة على اليوتيوب https://www.youtube.com/channel/UCCsccXP_gdRW44ILUAEe9Aw وده اختبار تحليل الشخصية mbti https://jass.im/test ده اختبار كويس جدا .. بيجيب ليك مقالة مفصلة بعد ما تجاوب على ال 36 سؤال .. بوضوح وصراحة .. التحليل ف النهاية بيكون ناتج عن كذا حاجة في شخصيتك .. زي التخصصات اللي انت ممكن تكون شاطر فيها .. وعلاقتك بأهلك او بأصدقائك وعلاقتك بنفسك . ف اختبار كويس جدا ومفيد.
تم النشر الأربعاء، ٢٨ ديسمبر ٢٠٢٢
خلصت جيش من شهر
تم النشر الجمعة، ٣٠ ديسمبر ٢٠٢٢
مبدأيا كده شوف جيشك علشان شهاده الجيش مطلوبه ولما تخلص جيش هقولك عالباقي
تم النشر الجمعة، ٣٠ ديسمبر ٢٠٢٢
لعرض السؤال في فدني اضغط هنا