جماعه انا حاليا ف تانيه جامعه ولما كنت ف اولي جامعه اتعرفت ع واحد كان معايا دخلت اساله ع الامتحان عشان كان قبلي وبعدها بدانا نتكلم وانا الحمدلله شاطره وهو برضو شاطر بس اقل مني ف كان دايما يبعت ليا اساله كتيره وهو بيحب يستفسر كتير ويحب يفهم كل حاجه كنت بجاوبه ع كله وكنت لما بعمل تلخيصات ليالي الامتحان كنت ببعتهاله ومكنتش مقصره معاه ف ف مره حصلت مشكله بينا مش اتكلمنا تاني ف جيت انا عشان انا متعوده انه اللي بيغلط بيعتذر ف كلمته ع الواتس وقولتله اي الاخبار ومعرفش اي اتكلم عادي وف مره طلب مني احل معاه كويز دكتور كان اونلاين حليتهوله كله وجاب 10 الحمدلله وبعدين دخلنا ف دوامه الكويزات وف دوامه المساعدات الدايمه بس وقت م احتاجه مبلاقيهوش يعني كنت حابه اشتري ف مره ايفون وهو معاه ايفون كنا ايام الامتحانات حرفيا مش قادر يديني 5 دقايق من وقته يفهمني اشتريه ولا لا لانه جا قدامي كسر زيرو مش جديد واخر موقف حصل كانت ايام الفاينال علينا ماده صعبه اوووي بقي يقولي بالله انا متاخر.؟ هو مش كان مذاكر من وقت الميد والمنهج فعلا كان تقيل ف بقيت اطمنه حسيت انه محتاج تشجيع وسمع كلامي وحرفيا كرهت الواتس من كتر الاساله اللي كان بيبعتها بس كنت بقول عادي لانه تقريبا في مشاعر ناحيته مش عارفه.. واحنا الاتنين دايما بعد اي امتحان بنبعت رسايل لبعض ع الواتساب اخبار الامتحان عملتي اي... المهم بعد ما تعبت معاه وهو عارف انه تعبني وضايقني كتير مقالش ليا عملتي اي بعد الامتحان اصلا ولا اي ماده يبعت اساله بس وبعد الامتحان مش هاين عليه يقول كلمه حلوه عملتي اي انا بعتله ف مره قالي الحمدلله وف وقتها مقالش ليا طب انتي عملتي اي وقفت شويه مع نفسي لاني حرفيا لاقياه مش بيقدر خالص واهم حاجه مصلحته.. ف حاليا محتاره أخرجه من حياتي هو كده هيفهم اني غبيه وانضحك عليا.. ولا اسيب رقمه واتعامل عادي ووقت ما هو يبعت ولا كانه حاجة حصلت بينا بحيق انه دا تجاهل مش عارفه اي رايكم؟
لو تركتيه فقط من أجل أن هو "توكسيك" ممكن جدا يدخل حياتك واحد تاني أكثر سُمّية من الأول وتدخلي معاه في قصة تانية لا تخرجي منها إلا بوجع القلب - لكن اتركيه من أجل أن هذه العلاقات لا ترضي الله عز وجل ويداخلها محرمات كثيرة وانتهاك لحدود الله
تم النشر الأربعاء، ١٢ يونيو ٢٠٢٤
لا تهدري طاقتكِ مع الأشخاص المستغلين والمؤذيين لكِ نفسيًا، شخص وجدتِ نفسكِ غير قادرةعلى التعامل معه وأحسستِ من نفسكِ أنّه يستغلكِ ووقت حاجتكِ إليه لا تجدينه، لا حاجة للاستمرار في التعامل معه... يمكنكِ الاعتذار بلطف أو التجاهل.
تم النشر الأربعاء، ١٢ يونيو ٢٠٢٤
يا حبيبتي، من كلامك واضح إنّكِ بذلتِ جهد كبير معاه وساعدتيه بكل قوتكِ، ده شيء عظيم ويبين إنك إنسانة كريمة ومتعاونة. بس همم جه الوقت تفكري في نفسكِ شوية وتعيدي تقييم علاقتكِ بيه. من كلامكِ، بين إن مصلحة الشخص ده غالباً كانت فوق أي حاجة، وكده بجد ممكن يكون استغلال، وأنتِ مش لازم تكوني متاحة طول الوقت لوحد مش بيقدركِ أو يتذكر يسأل عنكِ حتى بعد كل اللي عملتيه. نصيحتي ليكِ: اسمعي لقلبكِ وعقلكِ : إذا حاسة إنكِ بتتعاملي مع شخص بيستغل طيبتكِ، يبقى ممكن تعيدي النظر في العلاقة دي. الحدود : حطي لنفسكِ حدود. مش لازم تكوني متاحة لكل حاجة. لو قررتي تواصلي معاه، خلي فيه حدود واضحة لأوقاتكِ ومجهودكِ. اعتمدي على نفسكِ : نفسكِ أهم. ركزي في دراستكِ وطموحاتكِ وأفكاركِ، ده مش معناه تقطعي العلاقات بس خلي دايماً في بالك إن راحتك وسلامتك مهمة. الصدق والوضوح : لو قررتي تواصلي معه، كوني صريحة وقولي له إنكِ حاسة إنه مش بيقدر التعب اللي بتبذليه عشانه، وشوفي هيقول إيه. وفي الأخير، خليكي قوية وتذكري إن الشخص اللي يستاهل اهتمامكِ هو اللي هيقدر ده ويبادل المشاعر والمساعدة برضه. ربنا معاكِ وحظ موفق في قراراتكِ! 🌸
تم النشر الأربعاء، ١٢ يونيو ٢٠٢٤
انا حاليا مسحت رقمه دا صح؟ انا مكنتش حابه اعمل كده اللي هو انا مش واخده ل بالي من تصرفاتك بس حسيت انه هو اصلا فاهمني وانه ملوش لزوم نضحك ع بعض ف قولت اقطع الجذر بتاع الشجره افضل وبلاش اقعد امثل لانه من سنه اولي وانا بمثل انه الموضوع عادي لحد ما خلاص تصرفاته بقيت غريبه
تم النشر الأربعاء، ١٢ يونيو ٢٠٢٤
لعرض السؤال في فدني اضغط هنا