هل ينفع اوافق على حد متقدملي لمجرد اني خايفه من العمر ليعدي ونا على حالي؟
بخاف اندم على ضياع الفرص وارجع اقول ياريتني
اكتر حاجه بتدمر نفسيتي احساس الشفقة من اللي حواليا والكلام السخيف اللي بسمعه منهم تنصحوني بإيه؟
لا مينفعش . لازم تدي لنفسك فرصة لأن انتي لو وافقتي علي حد لمجرد العمر ومش مرتاحه معاه هتعاني جداً ويحضل مشاكل بينكوا برضو واحتمال ميكونش في تفاهم ف يأدي ل مشاكل وطلاق لقدر الله . ف متظلميش نفسك إن شاء الله ربنا يرزقك ب حد تحبيه ويفهمك
تم النشر الأربعاء، ٢٢ مايو ٢٠٢٤
لفت انتباهي " بخاف اندم علي ضياع الفرص " حضرتك محتاجه تفكري كويس وتجاوبي بصدق علي نفسك هل هي فعلا فرص ؟ طيب فرص بالنسبه لمين لينا ولا للي حوالينا ؟ لو فرص لينا ونسيبها طبيعي نندم لكن هنتعلم ليه سيبنها ونكمل وناخد بالنا ف اللي جاي لو لغيرنا قمنقدرش نسميها فرصه لانها مش هي اللي احنا عاوزينها ينفع نوافق علي الزواج لان العمر بيعدي ... شعور طبيعي الخوف من الوحده لكن الأهم هل الشخص مناسب أو لاء لو مناسب وعندنا قبول بنسيب لنفسنا فرصه لو مش مناسب فهي فرصه واللي جاي ممكن يكون فيه الأنسب والافضل ربنا يرزقك الزوج عاجلا غير اجلا يارب العالمين
تم النشر الأربعاء، ٢٢ مايو ٢٠٢٤
لا مينفعش طبعا الكلام هتسمعيه في كل الاحوال لو موافقتيش هتسمعي ولو وافقتي هتسمعي فمتخليش كلام الناس مقياس لقراراتك حاولي تطنشي وتتجاهلي اد ما تقدري لغايه ما شويه شويه هتلاقي نفسك وصلتي لمرحله اللامبالاة التامه بالكلام ال بتسمعيه ودايما خليكي مقتنعه انك لو وافقتي بحد مش مناسب خوفا من العمر يعدي فالعمر يعدي وانت بسلامك النفسي والعصبي افضل كتير من انه يعدي وانت في ضغط نفسي او عصبي او عدم توافق مع الشخص الاخر الاخر او تحت ضغط الخوف من لقب مطلقه لا قدر الله او معاك طفل او طفلين لو الكلام دلوقتي صعب فهو هيكون اصعب واسوأ بعد الموافقة على الشخص الغلط ادعي دايما رب اني لما انزلت الي من خير فقير رب ارزقني زوجا صالحا تقيا نقيا واستخيري كتير قبل اي قرار وفقك الله
تم النشر الأربعاء، ٢٢ مايو ٢٠٢٤
بصى انتى لو هتوافقى علشان عمرك وهو دة مش الشخص المناسب او مش متقبلاه انتى الى هاتتعبى قدام وسيبك من كلام إلى حواليكى كل واحد بياخد نصيبة مش معنى كدا انك خلاص بسبب كلام إلى حواليكى توافقي شوفى دة مناسب ليكى الفرص فعلا بتيجى مرة واحدة علشان كدة لازم تفكرى ربنا يقدمك إلى فيه الخير
تم النشر الأربعاء، ٢٢ مايو ٢٠٢٤
اهلا بك! تخافي من ان يفنى عمرك وأنت تنتظري الشخص المناسب أمر طبيعي، ولكن من الضروري ان تكوني متأكدة من اختيارك بشكل صحيح وأن تستمتعي بوقتك في انتظار الشخص المناسب. التسرع في القرارات قد يؤدي إلى الاندماج في علاقة غير مناسبة، لذا من المهم أن تستمعي الى قلبك وتعرفي ما تبحثين عنه في شريك حياتك. لا تدعي الخوف من ضياع الفرص يؤثر على قراراتك، خاصة اذا كانت تلك القرارات تؤثر على سعادتك وراحتك النفسية. كني صادقة مع نفسك وتعاملي برفق مع هذه الاحاسيس. اسمعي لقلبك ولا تدعي الضغوطات الاجتماعية تؤثر عليك. اذا كنت بحاجة لمزيد من الدعم أو المساعدة، لا تترددي في مراسلتي او الاتصال بمستشار نفسي محترف. انا هنا لمساعدتك ودعمك في هذه المرحلة الصعبة.
تم النشر الأربعاء، ٢٢ مايو ٢٠٢٤
متوافقيش علي حد الا لو هو مميزاته كويسة و عيوبه تقدري تستحمليها حتي لو هتقضي عمرك احسن ما تختاري غلط وتعيشي طول عمرك ندمانه نصيبك هيجيلك سواء في جواز او في اي حاجة تانية و ربنا هيعوضك خير عن اي حاجة
تم النشر الأربعاء، ٢٢ مايو ٢٠٢٤
لعرض السؤال في فدني اضغط هنا