بحب شخص هو كويس ومحترم وكلامه كله اخلاق ومش بيتكلم كلام خارج ولا اي كلام اصلا وخجول من الله انه بيتكلم وكده بس فعلا احنا حبينا بعض هو لازال بيكون نفسه
ساعات كلامه معناه اننا نسيب بعض وساعات ميستحملش بعدي عنه
حقيقي تعبت وقلبي تعب
اعمل ايه
اكيد جهاد النفس صعب ...وصعب عشان بنقاوم حاجة محببه للنفس بس مؤذية ليها سواء ع المدى القريب او البعيد الحب شعور جميل بس مكانه فى الاطار الصح عشان يبقي جميل بجد ومنبقاش ولو بنسبة بسيطة محتارين فى الحب ده. عشان انتى وهو محترمين وفاهمين الخجل من ربنا . اتفقوا انكم هتحافظوا على المشاعر دى بأنكم تجاهدوا نفسكم وتخلوها للوقت الصح لما هو يكمل تجهيز ويقدر يكون فخور انه تعب عشانك .
تم النشر السبت، ٢١ يناير ٢٠٢٣
طيب.. حبتيه ازاي؟ او ازاي تعرفي إنك بتحبي شخص؟ انا هفترض معاكي انه شخص كويس زي ما بتقولي ومحترم وكل حاجة، لكن مثلا هو اتعلق بيكي ومش عارف وكل ما يحاول يبعد مش بيعرف وبيرجع تاني وهذا. هو ليه مجاش اتقدم؟ ايه اللي مانعه؟ طيب انا مش هتكلم عنه دلوقتي هتكلم عنك ... انتي هل معتقدة انك اخرة الكلام ده ايه طيب؟ هيجي يتقدم ولا لا ؟ طيب اهلك هيوافقوا ولا لا؟ طيب ايه برده هتكونوا لبعض في الاخر ولا لا؟ طيب ما احنا فيها يا بنت الناس .. انتي اللي بتتعبي نفسك بنفسك .. انتي خطي خط كده وانهي الموضوع ده .. قولي له لما تقدر تيجي يا ابن الناس تتقدم تعالي .. غير كده اللي بنعمله ده اخرته ايه بالظبط؟ ما انت ممكن تفضلي معاه كده كام شهر تاني والكام شهر يدخلوا في سنة واتنين .. ده غير اللي شوية اللي فاتوا بقى. وفي الاخر يبقى مفيييش .. ها يبقى ايه الوضع ساعتها؟ فكري في بعدين .. وفكري في نفسك شوية من فضلك .. لان لو الموضوع منفعش في الاخر انتي اللي هتتعبي
تم النشر الأحد، ٢٢ يناير ٢٠٢٣
طيب.. حبتيه ازاي؟ او ازاي تعرفي إنك بتحبي شخص؟ انا هفترض معاكي انه شخص كويس زي ما بتقولي ومحترم وكل حاجة، لكن مثلا هو اتعلق بيكي ومش عارف وكل ما يحاول يبعد مش بيعرف وبيرجع تاني وهذا. هو ليه مجاش اتقدم؟ ايه اللي مانعه؟ طيب انا مش هتكلم عنه دلوقتي هتكلم عنك ... انتي هل معتقدة انك اخرة الكلام ده ايه طيب؟ هيجي يتقدم ولا لا ؟ طيب اهلك هيوافقوا ولا لا؟ طيب ايه برده هتكونوا لبعض في الاخر ولا لا؟ طيب ما احنا فيها يا بنت الناس .. انتي اللي بتتعبي نفسك بنفسك .. انتي خطي خط كده وانهي الموضوع ده .. قولي له لما تقدر تيجي يا ابن الناس تتقدم تعالي .. غير كده اللي بنعمله ده اخرته ايه بالظبط؟ ما انت ممكن تفضلي معاه كده كام شهر تاني والكام شهر يدخلوا في سنة واتنين .. ده غير اللي شوية اللي فاتوا بقى. وفي الاخر يبقى مفيييش .. ها يبقى ايه الوضع ساعتها؟ فكري في بعدين .. وفكري في نفسك شوية من فضلك .. لان لو الموضوع منفعش في الاخر انتي اللي هتتعبي
تم النشر الأحد، ٢٢ يناير ٢٠٢٣
لو احتجتى حاجه قولى وانا هجاوبك إن شاء الله وفكرى كويس فى كلامى ويارب تبدأى من دلوقتى تنفذى
تم النشر الأحد، ٢٢ يناير ٢٠٢٣
انتى كده الحمد لله فهمتى الصح وهتوبى بإذن الله تعالى طيب الحل معاه بقى هتقوليلى يا ابن الناس ده رقم والدى او خالى او اى راجل من محارمك يعنى تقوليله جهز نفسك واول ما تكون مستعد وجاهز تعالى اطلبنى من اهلى فى بيتنا قوليله البدايه الذى لا ترضى الله ناهيتها لا ترضى صاحبها واعملى بلوكات ومسح اى حاجه مهما كانت ممكن توصلك ليه علشان تبقى قفلتى كل الأبواب اللى ممكن ترجعك للذنب ده وادعى وقولى يارب تركت هذا لأجلك يا ارحم الراحمين اغفر ليه واعملى اللى فيه الخير ادعى ربنا دايما يعملك اللى فيه الخير وأى حد يتقدم ليكى صلى استخاره قبل ما تقبليه واستخاره بعد الرؤيه الشرعيه واللى فيه الخير ربنا يقدمهولك وتأكدى لو ليكى نصيب معاه ربنا هيجبهولك ويجمعكم مع بعض فى الحلال ولو حد تانى انتى من نصيبه فاهتكونى ليه بإذن الله تعالى وقال الرسول صلى الله عليه وسلم يا غلام انى اعلمك كلمات احفظ الله يحفظك احفظ الله تجده تجاهك إذا سألت فسأل الله وإذا استعنت فاستعن بالله واعلم ان الأمه لو اجتمعت على أن ينفعوك بشيء لم ينفعوك بشيء إلا قد كتبه الله لك وإن اجتمعت على أن يضروك بشئ لم يضروك إلا بشئ قد كتبه الله عليك رفعت الأقلام وجفت الصحف
تم النشر الأحد، ٢٢ يناير ٢٠٢٣
وكمان حاجه هو ممكن يكون أخلاقه كويسه ولاكن واحده واحده ولا انتى هتكونى كويسه ولا هو هيكون كويس واحده واحده دى ممكن تكون بعد اسبوع شهر سنه لان ربنا قال لا تتبعوا خطوات الشيطان ودى اول خطوه من الشيطان هيبدأ بعد كده واحده واحده وهو عنده صبر كبير جدا عليكى علشان يوقع الإنسان فى المعصيه هو معندهوش شغلانة غير كده ولا عنده مدرسه بيروحها او كورس بياخده او اى حاجه تانيه لا هو بس قاعد علشان يوقعك فى المعصيه احنا بقى ربنا ادانا الحل إن إحنا نبعد عن الخطوات اللى تؤدى اصلا لطريق الشيطان ودى أفضل مجاهده وهى مجاهده النفس ولا تنسى أن الله يحب التوابين والشيطان جاب ناس كتير جدا قايلك انتى وهو وكانوا محترمين جدا ولاكن هو حريف عرف ازاى يوقعهم والقصص دى ماليه النت عن الناس اللى وقعت كتير جدا
تم النشر الأحد، ٢٢ يناير ٢٠٢٣
هقولك نصيحتى هو فعلا ممكن يكون محترم وكويس وبيحبك فعلا ولاكن الشيطان بيلعب بدماغه انه ميبعدش عنك بحيث متروحيش لحد غيره او تتخطبى وهو بيحبك وعايزك انتى ونسى إن الجواز نصيب وممكن فعلا تكونوا من نصيب بعض وليه وليكى الخير مع بعض وممكن لا ربنا قال واتوا البيوت من أبوابها مش من الشباك او الفيس او الواتس او الكليه وهكذا وهو بيجهز نفسه تمام شئ جميل ربنا معاه وهيساعده بإذن الله تعالى لو هو فعلا فى نيته يعمل كده علشان يجمعكم بيت واحد فى الحلال طيب وايه الإثبات إن ربنا هيساعده لقد وعد الله سبحانه وتعالى الرسول صلى الله عليه وسلم ثلاثه حق على الله عونهم المجاهد فى سبيل الله والمكاتب الذى يريد الأداء والناكح الذى يريد العفاف اللى هو زى الشخص اللى بتحبيه وهو بيحبك ومشكله انه بيتعب وانك بتتعبى لما تبعدوا عن بعض لان الذنب لازم لما تبعد عنه بتحس بتعب والم لاكن بعد كده لما بتتغير وتتصلح اتقلب من الله بتلاقى نفسك حاسس بسعادة وفرح ومشاعر كتير حلوه صعب انك توصفيها لحد ولازم هو يجربها بنفسه علشان يحسها بنفسه و حاجه كمان خليكى فاكره إن من ترك شيئا لله عوضه الله خير منه يعنى ممكن ربنا يعوضك نفس الشخص ولاكن فى الحلال وتبقى انتى زوجه صالحه وهو كمان صالح وتعيشوا احلى حياه زوجيه مع بعض فى طاعه الله وممكن واحد تانى يجيلك حد أفضل منه ويكون هو ده الزوج الصالح اللى هتعيشى معاه احلى حياه و ياخد بايدك للجنه لان اللى بيحب هياخد بيد حبيبه للجنه مش النار وقت ما هتكونى كويسه ومتجوزه صح هيكون هو رفيقك للجنه وانتى رفيقته للجنه
تم النشر الأحد، ٢٢ يناير ٢٠٢٣
لعرض السؤال في فدني اضغط هنا