السلام عليكم
لو سمحتم عايزه طريقة تحببني في القراءة والكتب تنصحوني بإيه عشان احبها ومملش منها بسرعه
وإيه الكتاب اللي تقترحوا عليا أبدأ في قراءته؟
طريقة تحببك في القراءة .. انك تبدأي بكتب تكون صفاحتها قليلة شوية، وفي نفس الوقت ممتعة. الكتب اللي بنصحك تقرأيها هقولك عليها .. بس قبل ما اقولك لازم انتي تعرفي ايه الكتب اللي انتي مهتمة بيها، وايه المجالات اللي انتي حابه تقري فيها .. وده هيحصل لما تنزلي بنفسك وتشوفي الكتب. يستحسن متضغطيش على نفسك في الاول يعني ابدأي واحدة واحدة في القراءة لو بتملي بسرعة، صفحة واحدة في الاول، ممكن تلاقي نفسك عايزة تكملي بس خلينا في الاول صفحة واحدة علشان تستني اليوم اللي بعده بفارغ الصبر علشان تكملي .. وكل يوم تزودي صفحة. الكتب كتب د. محمد طه كلها الخروج عن النص الفصل الاول والثاني علاقات خطرة لأ بطعم الفلامنكو ذكر شرقي منقرض كتب كيرلس بهجت كتاب اللامكترث جميل جدا المدخل لفهم سيكولوجية الإنسان المهزأ كتاب ٤٠ الاربعون الشقيري كتاب نظرية الفستق لفهد عامر الاحمدي كتاب عقدك النفسية سجنك الابدي ل يوسف الحسني
تم النشر السبت، ٢٤ يونيو ٢٠٢٣
ممكن تسمي فيديوهات تلخيص كتب و هتساعدك كتير و في اكتر من بودكاست
تم النشر الجمعة، ٢٣ يونيو ٢٠٢٣
أول حاجه القراءة ممتعة جدا إزاي بتفتح أبواب كتير لخيالك أنو يتخيل الحدث و الشخص اللي في الكتاب و أنت بتقرأي اعملي كده و مش بعيد تقولي أنا مش هسمع ولا هتفرج على أفلام تاني لو أنت بقى جديده فى القراءة فتحتاجي تبدأ براحه يعني كتاب عن فكره بتحبيها أو مسلسل عارفاه أو قصة عارفاها أهم حاجه يكون الكتاب مألوف عليكي فكرتوا و كل يوم تقرأي حبه فيه هتلاقي نفسك أيوا فى أيام مش بتقرأي بس ده فى الأول و مع الوقت هتلاقي نفسك بتحبي القراءة و مش بتقرأي فى وقت معين و مش بعيد تبقى عادة دائمة . وبس كده.
تم النشر الجمعة، ٢٣ يونيو ٢٠٢٣
الافضل ده هيختلف من شخص للتانى انزل اى مكتبة اختار الا كتاب صغير اولا .....يعنى صفحاته لا تتعدى ال 50 صفحة ( لو دى اول محاولاتك للقراءة ) ...شوف حاجة يكون موضوعها غالبا انت عارف عنه كتير ..زى قصص الانبياء مثلا . تقرأه وتخلصه وتجيب حاجة اكبر نفس حجم الكتاب بس فى موضوع تانى يكون يهمك وده على حسب انت مهتم اكتر بأيه .. خصص وقت للقراءة ( نصف ساعة مثلا ) كل يوم اقرأ الاول فى المواضيع اللى بتحبها عموما عشان تقدر تنتقل لمواضيع اخرى
تم النشر الجمعة، ٢٣ يونيو ٢٠٢٣
لو مش بتحب القراءة ممكن تسمع كتب صوتية هيفيدك برضوا لكن حب القراءة بالنسبة لي فطرة والله اعلم
تم النشر الجمعة، ٢٣ يونيو ٢٠٢٣
بعدهم بقي . اقفز لستيڤ هارڤي . الاب الغني والاب الفقير . العادات السبع للناس الاكثر فاعليه. كيف تصبح مليونيرا . اداره الوقت .واسمعي لقناه دوباميكافين ❤️
تم النشر السبت، ٢٤ يونيو ٢٠٢٣
اولا عشان تواجهي الحياه بتاعتنا دي الاول فن الا مبالاه
تم النشر السبت، ٢٤ يونيو ٢٠٢٣
ابدئي بالكتب الديننيه اللي تعرفك علي دينك وتقربك من ربنا وحررفيا هيبقي عندك شغف اصلا انك تعرفي اكتر
تم النشر الجمعة، ٢٣ يونيو ٢٠٢٣
رواية في قلبي أنثي عبريه حلوه ف البداية مفرداتها سهله ومشوقه وهتخليكي مش عارفه تنامي إلا اما تخلصيها😂💛
تم النشر الجمعة، ٢٣ يونيو ٢٠٢٣
لعرض السؤال في فدني اضغط هنا