انا كان عندي صحبتي من اعدادي صحاب اخوات كنا بنذاكر مع بعض وكل حاجه يوم النتيجه انا طلعت الأولى وهي الرابعه تقريبا فمن ساعتها اتغيرت ومره في وسط كلام كده قالت هيبان المهم كانت تتصرف تصرفات غيره او تشوف انا بذاكر ايه فا انا لان انصدمت منها وكانت احسن واحده في حياتي قررت بعد معاناه في اقناع نفسي اني ابعد من سكات وهي لاحظت اني مبحكيش معاها وقالت قدام صحابنا والصراحه بعد فتره حاولت تصالحني وانا رفضت بعتتلي رساله وانا مرضتش لان انا حاليا ٣ث وخفت لتعطلني زي في ١ث ٢ث بس المشكله انها الان تعبانه في المستشفى جدااا وانا زعلانه عليها ومش عااارفه اذاكر ولا اركز ولا عارفه انا المفروض اعمل ايه وضميري مأنبني ياريتني قبلت الصلح والمشكله الوقت فتره مهمه طب وابويا وأهلي طب انا لما تطلع من المستشفى اتصرف ازاااي حد يساااعدنني
متصعبيش الامور على نفسك وتفكرى كتير سواء كنتوا صحاب او زمايل بس فدى مريضة وليها واجب الزيارة بعيدا بقى عن اللى فات صح ولا غلط واللى جاى هيبقى شكله ايه والزيارة دى مش هتاخد من وقتك اللى يعطلك اوى كده ..بس هتاخدى بيها ثواب اولا وهترااضى البنت فى تعبها وتجبرى خاطرها
تم النشر الثلاثاء، ١٤ مايو ٢٠٢٤
اللي فات عدا خلاص متفكريش فيه وصديقتك حاليا في المستشفى اللي تقدري تعمليه إنك تتصلي بيها لو هي بتقدر تتكلم او واعيه حاليا وتقوليلها الف سلامه عليكي انا بدعيلك ولما تخفي إن شاء الله هجيلك على طول ونرجع زي زمان وأحسن وتعبريلها عن اللي جواكي وإنك دايما شايفاها صديقتك المقربه لحد الوقتي.. لو مش واعيه كلمي والدتها وإطمني عليها منها.. لكن متقصريش في مذاكرتك ومتخليش تفكيرك فيها يبوظ كل التعب اللي تعبتيه السنادي انتِ 3 ثانوي وأهلك و إنتِ تعبتوا كتير عشان تحققي حلمك أكيد .. لازم تتعلمي مهاره الفصل بين حياتك الإجتماعيه ومشاكلك وبين حياتك المهنية ودراستك
تم النشر الثلاثاء، ١٤ مايو ٢٠٢٤
ياريت تفكري في الموت ذي ما بتفكري في انسانه ذيها ذيك لا تزيد شئ عنك تنام و تقوم و تأكل و تشرب و تضحك و تلعب و تبول و تعرق و غير ذالك كثير .. كني مع الله يكن الله معك .. إذا سرحتي في التفكير ادعكي يدك في بعضها ستخرج طين فنحن من طين
تم النشر الأربعاء، ١٥ مايو ٢٠٢٤
زياره المريض واجب وكمان هي صديقتك وفي حاجه حابب اخليكي تاخدي بالك منها وهي ان الي بينكم منافسه مؤقته ومش في حد هيكسب التاني ف الاخر ف كل واحده فيكم هرتوح كليه مختلفة وممكن جامعه مختلفه ومش هيبقي غير ذكريات بينكم اما حلوه واما وحشه
تم النشر الثلاثاء، ١٤ مايو ٢٠٢٤
لعرض السؤال في فدني اضغط هنا